Harei 11/1, di Ban raya Ho Chi Minh, Akok negar Nguyễn Xuân Phúc hu mai pok bingu, cuh gilau kakuh Chủ tịch Hồ Chí Minh saong Chủ tịch Tôn Đức Thắng di Muyim Hồ Chí Minh dhar  Ban raya Hồ Chí Minh; rivang, alin pandap, tadhau ayuh Tet sang dom urang ngak praong dalam Đảng saong Karja plang lahik blaoh.

Akaok Quốc hội Vương Đình Huệ hu nao rivang, alin pandap ka sang sarak kanja, sang kan kathaot, sang mikva bangsa takik saong sang urang ngak gaok kan kandah di dalam tỉnh An Giang. Gam hu mbaok hu Tổng thư ký Quốc hội, Akaok Jabat Quốc hội Bùi Văn Cường; Akaok Hội đồng Bangsa Y Thanh Hà Niê Kđăm. Akaok Quốc hội Vương Đình Huệ taong yaom glaong Đảng bộ, kanja dom pakat di tỉnh An Giang hu sangka tal sang sarak kanja, urang hu buh prein ka cách mạng, mikva bangsa Khmer, Cam, Lo saong urang ngak, dom urang kan kathaot, urang gaok kan kandah tui Sarak di Trung ương, Rajaei, piah hu uan raok Tết bui sambai, siam makre, trei sil, haniem phul, patak pataom, salamat saong sangka abih manuac urang “ oh caik thei oh hu Tết. Oh caik thei daok veik gah likuk”.

Uỷ viên Mentri Chính trị, Pho akok Thường trực Quoc hoi  Trần Thanh Mẫn mai tỉnh Bạc Liêu  hu mbaok di Danak dak “ Tet anit ranam” kayua Kapol Chữ thập đỏ Việt Nam peih ngak di xã Hưng Hội, huyện Vĩnh Lợi. Ong Trần Thanh Mẫn alin brei 180 paok pandap, yaok paok yaom 1.200.000 đồng tal 1.300.000 đồng ka urang hu buh prein yawa ka taneh ia, baoh sang sarak karja, baoh sang kathaot, baoh sang raidiuk kan kandah, urang njom jru mek kalik druac, dom urang ngak cong saong tapon nyom bol pan phao kraong hu raidiuk kan kandah di tỉnh Bạc Liêu.

Peih ngak danak dak bruk ngak bangsa thun 2023, TP.HCM meda pataom tame bruk lang panuac saong patabiak harak tài liệu ka jalan ngak, sarak di Đảng, Kanja; dom sarak bangsa, dom adat hukum piah pathau khan tal mikva bangsa takik. Thun 2022, TPHCM hu ngak iek bruk peih ngak siam lagaih bruk jak ba, pathau khan ka mikva bangsa takik ngak njauk dom jalan ngak, sarak di Đảng, hukum di Kanja, kham merat hu mbaok tame dom danak dak pacacah gauk, dak padang talei jumpataom gauk di dom bangsa. Ban raya hu peih ngak siam dom sarak karei yau ye oh mek jien bac di labaih 3.000 anek saih bangsa Cam saong Khmer ngan haong paok jien labaih 1 ty 9 rituh trieu dong; dong ka 50 gru pato lac urang bangsa takik pato sap bangsa ngan haong paok jien jaik 450 triệu đồng; daong brei masaiy jien laba lap ka 971 sang bangsa takik labaih 38 tỷ đồng haong yaom daong jien laba lac labaih 1 tỷ 5 rituh trieu đồng.

Harei 11/1, Công an Ban raya HCM tabiak sarak langyah bị can, brei chap kareik Cục trưởng Cục Đăng kiểm Việt Nam Đặng Việt Hà ka duis “Taduan mbang jien”. Jeng dalam harei 11/1, Jabat Cảnh sát pasang iek Công an huyện Hóc Môn brei ba tabiak kaoh tui hukum bruk nan, langyah 7 urang ngak bruk di Pasak pasang iek radaih  cơ giới 50 -14 D. Pamuak tal dom pasak pasang iek radaih, tal tukvak ini, jabat pasang iek hu ba tabiak langyah, kaoh tui hukum saong pasang iek labik ngak bruk saong labik daok di 84 urang ka dius: Brei jien ka urang, taduan mek jien, pambuak bruk mbang jien saong ja angan je dalam tuk ngak bruk.

Di mbang nao rivang negar Lào di Thủ tướng rajaei Phạm Minh Chính saong Kapul lambaok pakat glaong di Đảng, karja Việt Nam. Mintri jien padai Việt Nam saong Mintr jien padai Lào dang tabiak peih pakah danak dak Học viện Kinh tế-Tài chính Đông Khăm Xạng, Lào tukvak ka 3. Danak dak padang ngak Học viện Kinh tế-Tài chính Đông Khăm Xạng, hu abih tih yaom jien buh tame gam 3 tukvak lac 176 tỷ đồng, dalam nan hu phun jien daong oh biyar gilac di Rajaei Việt Nam lac 158 tỷ đồng saong phun jien đối ứng danak dak di Rajaei Lào lac 18 tỷ đồng. Danak dak hadei di tuk ngak salah abih tukvak ka 3 hu patagok dom yaom glaong siam lagaih di bruk ba tame pandar, hu caik veik siam lagaih dalam talei pambuak gauk biak khang kajap, bak bruk anit ranam di 2 Đảng, 2 Kanja Việt Nam-Lào.

Gah y te dunya WHO harei kabroi brei thau, bruk kurang dữ liệu daok ngak kan kandah ka WHO dalam bruk  daong Trung Quoc khik iek bruk mbuan njom pambak ruak COVID-19 dalam mbang padeih Tet Nguyen dan thun ni. Dalam mbang padeih Tet Nguyen dan nasak manuk Qúy Dậu, yaok trieu urang Trung Quoc gilac veik mai palei uan raok thun birau haong baoh sang. Ong Abdi Mahamud, yaomndoc gah parabha bruk samar drah saong brei thau dahlau di WHO lac, Trung Quoc hu dom jalan ngak ngan haong dom menuac nao mai meng labik mbuan njom ruak glong tal labik takik njom ruak. Yau nan min, piah thau cambaic  jang, WHO njauk brei hu dữ liệu. WHO daok ngak bruk saong Trung Quoc ka bruk nan.

Dom mbang par di Mỹ daok hu pambuak veik hadei di tuk Cục Hàng không Liên bang Mỹ (FAA) kham marat ngak pasiam dom khut khat di hệ thống điện văn pathau khan ka gah kapar haoh (NOTAM). Dahlau di nan, hệ thống điện văn pathau khan ka kapar haoh (NOTAM) padeih ngak bruk. Cục kapar haoh Liên bang Mỹ hu tabiak harak brei padeih abih tih dom mbang par saong pasiam veik bruk rami ramik tuk camriep ka hệ thống ini. Urak ini ka oh thau cambaih makna di bruk nan ngak ka labaih 4.300 mbang par brei padeih par saong 700 mbang par brei klaak par di Mỹ dalam dom maong tapa./.