Melam kabroi, di tỉnh Bình Phước, Akok negar Võ Văn Thưởng hu mbaok di Danak dak Malam ia bulan bak baoh ngan haong kadha “Gom lồng đèn truac hadah bruk caong khin”  kayua T.Ư Kapul dam dara CSHCM pambuak saong Hội đồng Đội T.Ư peih ngak. Danak dak hu labaih 1.000 uranaih  mai meng 7 tỉnh ban dalam bhum Meraong negar mai pataom mbaok. Di danak dak, 100 uranaih metui amaik ame kayua jit ruak COVID-19, dom adei uranaih hu raidiuk kan kandah di tỉnh Bình Phước yaok adei hu taduan sa paok jien bac di Akok negar Võ Văn Thưởng yaom 2 trieu dong saong sa paok jien bac  di T.Ư Đoàn, Hội đồng Đội Trung ương yaom 2 trieu đồng.

Dalam dua harei tapa di dua tỉnh Nghệ An, Hà Tĩnh hu hajan khang saong biak khang ngak ia dauk di rilo bhum palei. Tanut ia tagok glaong ngak ka yaok ribau sang rahra njauk ia dauk, jalan mbak nao mai njauk pacang cakak. Pak tỉnh Nghệ An, hu 25 binek bak ia, labaih 150 binek hu prein caik ia labaih 70% dung tích ngak tabiak. Rilo sang mac thủy điện pathau khan lac tathuak ia. Hu 31 labik ia dauk njauk pacang cakak jalan di jalan roya saong jalan dalam tỉnh, rilo labik njauk glut jaleih trak. 1.178 baoh sang njauk ia dauk, labaih 1.000 ha njam patam njauk khut; 116 ha danao, binek njauk ia dauk, yaok rituh drei athur njauk ia ba theik. Di Hà Tĩnh, hajan khang dalam melam 26/9 ngak ka yaok rituh khối taneh patau njauk jaleih, tuh truh Km82+780 jalan roya 8A, gah nao tapa huyện Hương Sơn, ngak ka jalan tagok Pabah negar Cầu Treo njauk gar.

Sở LĐ-TB saong XH TPHCM pambuak haong Mban lambaok Kapol Urang umo taha TPHCM peih bruk  jak ba “ Bilan ngak bruk daong ka urang umo taha Viet Nam thun 2023” ngan haong kadha “Urang umo taha hu patagok saong iek glang ginup”. Ban raya HCM urak ini hu jaik 620.000 urang umo taha, dalam nan hu labaih 570.000 urang lac hoi vien Kapol urang umo taha tame biak ralo. Pho akok UB bhap bini TPHCM Dương Anh Đức caong khin paglong jalan sahaneng, bruk ngak di dom pakat ủy đảng, jakar, di yaok bhap bini saong di manuac sia, piah yaok urang umo taha oh hu labik pambak tame tuk halei jeng hu sangka, daong, iek glang abih hatai, oh thei klak veik gah likuh.

Cty Cổ phần Wesfood Hậu Giang bahrau peih bruk padang ngak dom sang mac ngak pandap meng kaya nong Hậu Giang, daok di huyện Châu Thành, praong 7ha, hu ngak haong yaom jien abih tih labaih 666 tỷ đồng, ngak hu 120 tấn pandap yaok harei. Tui kuhria, hadei di tuk padang ngak blaoh, Westfood Hậu Giang meda lac sa dalam dom sang mac ngak pandap meng manaih praong abih di Tây Nam bộ; ngak tabiak rilo janih pandap bahrau, siam, tapa nan, jhul tagok bhum pala manaih. Gam haong nan, jeng hu ba bruk ngak brei ka yaok rabau urang ngak.

Hadei 2 harei dauk,  Võ Thanh Hòa lac urang pandar pahao ngak eng tame Jabat Gilang pariak Agribank Khu Công nghiệp Mỹ Tho, daok di palei Bình Tạo, xã Trung An, ban Mỹ Tho piah kateik greih urang ngak bruk piah co blah  drap ar jien padai di biar harei 25/9 chap mek hu. Võ Thanh Hòa, ndih tapui thun 1996, daok di xã Phước Thạnh, ban Mỹ Tho, tỉnh Tiền Giang. Tui khaw tin di jabat công an tỉnh Tiền Giang brei thau, Hòa khan lac hu pandar phao ngak eng piah nao co blah gilang pariak min oh jeng. Tapa duah thau, gah công an jeng chap mek hu pandap, radaih di urang piah nao co blah.

Akaok Mintri Thương mại Indonesia brei thau lac pakauk pablei salih pandap panda di angaok dom blah web. Adat pakauk hu ngak tui sa sarak bahrau piah pacang cakak bruk pablei pandap online di dom Cty công nghệ praong hu maong lac daok ngak kan kandah ka yaok triệu doanh nghiệp sit dalam taneh ia. Dom thun jaik ini, urang jakar Indonesia hu panuac ieu neh tabiak ka nyu cambaih laih mạng xã hội saong pablei salih điện tử, pamaong tame dom nền tảng hu maong lac hu dom bruk ngak độc quyền ngak kan kandah dom urang pablei salih oh online. Hu menuac oh njauk hatai haong ứng dụng TikTok.

Di mbang ginum biai harei kabroi ngan haong dom urang jakar di Rajaei Nga, Tổng thống Vladimir Putin tacei ba dom jabat di taneh ia ini brei ngak samar jang dahlau bruk tui bruk tagok yaom xang saong menyek diesel tagok glong. Tổng thống Putin lac, yaom xang menyek daok tagok hadei tuk Nga ba tabiak adat pakauk pablei xang saong menyek diesel tal taong abih  taneh ia. Dahlau di nan, Mentri Nang luong  Nga khan khan lac, adat  pakauk pablei tabiak piah pabak xang menyek tagok ralo dalam taneh ia piah trun yaom.  

Mintri Ngoại giao Mỹ daok samar ba tabiak jalan ngak meyah rajaei taneh ia ini kreih pabah mbang di harei puac adit ini. Urang brei panuac di Mintri Ngoại giao Mỹ Matthew Miller brei mboh hatai suh sah ka bruk Quốc hội Mỹ tal urak ini jeng oh ka brei tapa hu adat cai pandar piah pabak kadung jien karja ka bruk ngak dom danak dak pakat liên bang dalam thun jien padai peih tabiak meng harei 1/10 tal. Dom bruk ngak di rajaei Mỹ meda klaih klaoh saong yaok ratuh rabau nhân viên liên bang meda padeih ngak oh hu jien bilan meyah Quốc hội oh pabak jien brei ka thun jien padai bahrau./.