Tukvak tapa bruk duah thau hatai sahaneng di bhap bini meng harei 3/1/2023 saong tamat di bilan 3 thun 2023. Bruk peih ngak nan piah duah thau hatai sahaneng di bhap bini piah patagok bruk ngak po, jak ba urang rik daong sahaneng, kham merat, brei mboh bruk sahaneng, caong khin di bhap bini piah ngak brei salah du thao Hukum Taneh riya (pasiam veik) lagiah saong jalan tacei ba di Đảng, pabak sumu bruk cak rok patagok di taneh ia dalam tukvak birau.  Gam haong nan, ngak brei njauk hatai gauk saong pachreih tui di bhap bini haong sarak, jalan ngak di Đảng, sarak, hukum di Karja ka Taneh riya.

Dalam 20 thun tapa, Gilang pariak sarak karja pambuak bruk haong karja pakat xã, kapul nyaom chính trị - xã hội hu padang tabiak, khik ramik jaik 169.000 Tổ patak pataom saong brei mesraiy tal yaok puk, palei, tổ dân phố. Tapa nan, hu daong ka labaih 6 triệu baoh sang yam tapa kan kathaot, ba bruk ngak brei ka jaik 6 triệu urang ngak, padang 729 rabau baoh sang brei ka urang kan kathaot saong dom urang dalam sarak karja karei karei.

Ban raya HCM meda peih ngak rilo bruk uan raok Tet Duong lich 2023. Tui nan meng mon 12 tal mon 12 – 15 minit kreh melam 1/1/2023, Ban raya HCM cuh phao bingu tagok glong  di labik akaok lubnag kraong Ban Gon ( Ban Thủ Đức). Phao bingu cuh biar  di Bein bingu Đầm Sen (quận 11). Danak dak yaok kadun dalam tuk abih thun klak yam tame thun birau hu peih di 2 labik  lac pho nao tabak Nguyễn Huệ saong jalan Lê Duẩn. Piah uan raok thun birau, dalam dua melam lac 31/12/2022 saong 1/1/2023, dom danak dak daoh tamia hu peih ngak di Ban Thủ Đức, quận 12, Tân Phú, Bình Tân, huyện Bình Chánh, Hóc Môn, Củ Chi, Nhà Bè, Cần Giờ.

UBND tỉnh Đồng Nai bahrau patabiak jalan peih ngak dom bruk ilamu, thể thao saong ravang me-in uan Đảng, uan Xuân thun sak tapai 2023. Dalam nan hu bruk kuhria cuh phao bingu di 4 labik dalam melam giao thừa lac TP.Biên Hòa, TP.Long Khánh, Huyện Vĩnh Cửu saong Huyện Long Thành. Di Biên Hòa, labik cuh phao bingu lac sân vận động tỉnh, 3 labik daok veik kayua urang pan akaok pak nan tabiak labik cuh. Jien piah ngak bruk nan hu ieu pataom dalam rahra.

Tỉnh Soc Trang birau tabiak “Ung dung phan mem dulich thong minh”. Ini lac sa danka dak hu makna praong dalam piah padang ngak gilang khik piah du lieu dulich, blah web thong tin dulich, ung dung dulich angaok phone tangin, ban do so dulich, jamraih khik iek labik papah ka tuai ndih daok, jalan daong khaw tin dulich… Ung dung phan mem dulich thong minh brei mboh bruk cak rok patagok dulich siam tagok di tỉnh Soc Trang piah pamong tal bruk dak padang dich vu dulich asar glong, nan jeng lac bruk yam tagok di gah pandar so khang kadang di gah dulich.

Quốc hội Israel hu pasang iek, mbaoh tangin brei tapa rajaei bahrau kayua Thủ tướng Netanyahu dang akaok. Rajaei bahrau di Israel hu 30 akaok Mintri. Dalam harak ndom puac dahlau di tuk tagok pan bruk, ong Netanyahu tacei tabiak 3 bruk ngak praong di rajaei bahrau lac, pacang cakak danak dak hạt nhân di Iran, patagok cơ sở hạ tầng saong pasiam veik an ninh, khik ramik dalam taneh ia. Dalam nan, bruk ngak camereip abih di rajaei lac pacang cakak bruk kham merat patagok vũ khí hạt nhân di Iran.

Mỹ lac taneh ia akaok meti di dunya hu 100 trieu mbang urang njom COVID-19. Dom urang ilamu brie thau lac biak mai urang njom ruak glong jang  kayua rilo urang dut iek ruak di sang min oh brei ka dom labik y te cong cong thau saong rilo urang oh dut iek ruak. Tui du lieu di Gah pasang iek ruak kik Mỹ (CDC), kuhria rah tapa  yaok harei taneh ia ini hu labaih 65.000 urang njom COVID-19, 5.000 urang tame taong ruak saong 390 urang metau kayua ruak nan. Labaih 1 trieu urang di taneh ia ini metai kayua COVID-19 kuhria meng tuk jit ruak tamuh tabiak, rilo jang taneh ia halei di dunya ini.

Thủ tướng Italya Giorgia Meloni caong lac Liên minh châu Âu (EU) meda ba tabiak bruk pacap dut iek COVID-19 dom menuac mai meng negar Trung Quốc. Amuk Meloni brei thau, dom jalan ngak di Italya meda oh hu siam lagaih meyah oh hu peih ngak praong di grauk labik dalam EU. Italya urak ini lac taneh ia camereip abih dalam EU tabiak bruk pacap dom tuai mai meng negar Trung Quốc brei dut iek COVID-19./.