Di var ginum biai di urang ngak prong di Ban raya HCM saong urang pan akok Hiep hoi doanh nghiệp  negar langiu peih tabiak tuk page ini 22/2, lambaok Hiep hoi Doanh nghiep chau Âu  di Viet Nam (Euro Cham) brei thau, piah pasiam  bruk meriak gauk, Ban raya HCM njauk brei lang talaih dom tavak tavaiy yau: tukvak visa hu suai lavik jang; lang talaih dom harak gal hành chinh dalam bruk dui atah tukvak brei adat ngak bruk ka urang ngak negar langiu. Gam haong nan hu panuac caong lac, Ban raya HCM njauk daong chuoi pabak saong ngak tabiak pandap yaom glong, hu sarak  jhul pakhang bruk pabak chuoi pandap dalam negar; jhul pakhang bruk buh jien tame ngak jalan mbak pambuak bhum. Langyah ka bruk pambuak bhum, ong Phan Văn Mãi, Akok UB bhap bini Ban raya HCM  brei thau: Ban raya daok pakhang bruk peih praong pambuak bhum. Bruk pambuak nan meda ngak salah di thun 2023.

Meng jhung thun 2022, tuk pandar bruk pasang iek vân tay mangaok căn cước công dân pagam chip, saong bhap bini sanya harei ngak bruk online haong jabat bảo hiểm, BHXH tỉnh Bình Dương mboh hu rilo urang ngak pandar dom harak gar ja piah duah laba meng BHXH.  Langiu di nan, tukvak tapa, BHXH tỉnh Bình Dương jeng mboh hu 962 urang ngak nyim harak gar di urang karei piah nao ngak saong blei BH. Hu dom menuac dalam nan hu mbang blaoh BHXH, BHYT, BH thất nghiệp njauk tui adat hukum.

Urak ini, bhap bini bhum pala ralo pa-ok blait Bình Phước daok tame bilan  paik baoh, min yaom blei asar that akok bilan biar jang yaok thun. Di huyen Bù Gia Mập, dom urang pablei salih, urang blei asar that labaih 25.000 đồng sa kilo, ngan saong yaom nan biar jang yaok thun tal 4.000 đồng sa kilo. Tui Nyaom Urang ngak nong xã Đức Hạnh, huyện Bù Gia Mập, bilan pa-ok thun ini brei takik asar kayua langik rah tabiak oh lagaih yau nan ye ngak kan kandah tal bruk tabiak bingu saong gam baoh. Langiu di nan, dom bein pa-ok blait  tamuh ruak thán thư ngak thu bingu saong dhar.

Meng akaok bilan 2 tal ini, dom mblang nghêu di huyện Gò Công Đông, tỉnh Tiền Giang jeng hu bruk nghêu metai meng 20%-25%. Mblang raong nghêu metai praong jaik 500 ha, trak abih lac di labik cồn Ông Mão, ông Liễu. Dom jabat chuyên môn hu mek mẫu nghêu dut iek ye oh mboh bimao, min hu mbaok di dom janih ký sinh trùng saong vi khuẩn karei min takik, oh jhak hagait tal nghêu raong. Urak ini, gah chức năng palei daok ngak brei cambaih laih makna ba tal metai nghêu raong ini.

Tui Kapul bruk ngak ikan Ban Rạch Giá (tỉnh Kiên Giang), urak ini hu jaik 50% dom urang dalam kapul daok dang anak bruk oh daok drap ar hagait,  mbong patih tangin, 20% daok njauk gilang pariak khik gilai piah payar sre. Dom urang daok veik daok ngak tapa harei. Kayau yau nan ye, kapul likau urang ngak praong di tỉnh Kiên Giang, Dhar Gilang pariak karja  tỉnh Kiên Giang  pasang iek brei pagol sre, kadun tukvak bayar sre, trun jien laba ka urang dalam kapul. Kiên Giang lac tỉnh  hu dom gilai taong chap ikan  praong abih dalam taneh ia ngan haong  labaih 9.000 sruh ngak bruk, dalam nan hu labaih 6.000 sruh gilai hu prein khang meng 90CV, rup gilai atah meng 15m tagok.

Thủ tướng Thái Lan Pra-dút Chan-ô-chan (Prayut Chan-o-cha) brei giải tán Hạ viện di akaok bilan 3 tal piah peih jalan ka bruk Tổng tuyển cử di harei 07/05 tal, tui jalan ngak di Ủy ban Bầu cử (EC). Tui ong Prayut, tukvak hu padang blaoh piah ka dom jabat pambuak tal meda peih ngak dom bruk caga ka Tổng tuyển cử hu siam, lagaih. Urang brei panuac di Rajaei Thái Lan brei thau, hadei di tuk giải tán Hạ viện, Rajaei urak ini jeng daok ngak bruk mbiah tal tuk rajaei bahrau tabiak mbaok taduan bruk ngak. 

Trung Quốc caong lac darak pasar dulich dalam taneh ia meda siam veik khang kadang dalam thun ini hadei di tuk rajaei taneh ia ini brei padeih sarak “Zero COVID”. Tui harak pathau khan birau ini di Học viện Du lịch Trung Quốc, jien mek tame meng bruk dulich dalam negar  di thun 2023 meda hu labaih 580 tỷ đô la Mỹ, tagok labaih 95% dut saong tukvak ini thun dahlau. Tuai dulich  dalam negar  kuhria mboh dahlau  labaih 4,55 tỷ mbang di thun 2023, dalam tuk tuai dulich  dalam saong langiu negar meda hu labaih 90 trieu mbang. Tui kuhria mboh dahlau, darak pasar  dulich  taneh ia ini tame tukvak  pasiam birau meng quý 2 anak tal meda daong gah dulich taneh ia ini pasiam veik hu abih.

Negar Prang rah tapa mbang pandiak bhang khang di abih dui atah dalam 31 harei oh hu hajan, dalam tuk dom labik di châu Âu jeng daok having akaok hadei di mbang pandiak bhang khang. Tui jabat pasang iek khí quyển châu Âu di Liên minh châu Âu, bilan 1/2023 lac bilan pandiak ka 3 di châu Âu, haong nhiệt độ di harei akaok thun bahrau tagok glaong di abih kuhria meng kan mai di bhum taneh ini. Châu Âu rah tapa thun pandiak ka 2 kuhria meng dahlau mai di thun 2022, daok negar Pháp, Anh, Tây Ban Nha saong Italy hu langik pandiak gam haong toa riya trak damak oh ka bhian mboh dalam rilo abap tapa dalam bhum./.