Phó Thủ tướng Rajaei Trần Lưu Quang bahrau pok angan 9 xa biak kan kandah bhum tapen tasik saong kaoh pulao tukvak 2021-2025 tabiak truh bruk biak kan kandah. Dalam nan, tỉnh Long An hu sa xa lac: xã Phước Vĩnh Đông di huyện Cần Giuộc. Tỉnh Bến Tre hu 4 xa, lac: xã An Thuận, xã Bình Thạnh saong xã Mỹ Hưng di huyện Thạnh Phú, xã An Thủy (urak ini lac ban sit Tiệm Tôm) di huyện Ba Tri. Tỉnh Sóc Trăng hu sa xa lac: xã Nhơn Mỹ di huyện Kế Sách.

Mesup ini 1/7, di Hậu Giang, akaok Quốc hội Trần Thanh Mẫn saong kapul ngak bruk di Quốc hội hu alin hadaih 20 paok pandap ka dom Amaik VNAH, sang sarak karja, urang buh prein ka cách mạng; maong iek bruk jao harak alin hadiah 100 baoh sang jum pataom ka tỉnh Hậu Giang. Akaok Quốc hội taong yaom, Đảng bộ, karja, bhap bini tỉnh Hậu Giang kham merat, ieu pataom rilo gah piah daong ka sang TBLS, sang buh prein ka cách mạng di dalam tỉnh. Tal urak ini, tỉnh ngak hu jaik salah bruk padang ngak sang anit ranam, daong ka thương binh hu sang daok, padang hu jaik blaoh bruk padang ngak sang jum pataom ka sang kan kathaot.

Di Harei tabiak mbaok Kapul khik caga siam makre, salamat puk palei di TPHCM hu peih tabiak tuk dah page ini (1/7), Akaok negar ong Tô Lâm kakei ban raya pataom prein tame padang kapul khik caga salamat, siam makre labik daok, biak lac plak tangin pambuak atah di Công an bhap bini dalam bruk duh ka rahra, khik caga quyen, kein lagaih njauk adat hukum dalam raidiuk siam makre, haniem phul di rahra. Tapa nan, kapul hu khik caga salamat, siam makre di labik pak TPHCM meda rik daong pakhang pakajap talei pambuak gauk di Ndang, Kanja saong di rahra, thế trận lòng dân khang kajap di dalam labik tui yaok bhum palei, patagok glaong abih dom kein lagaih, dom prein khang di kapul ini dalam bruk ngak di rahra. TPHCM hu padang ngak labaih 4.860 kapul khik salamat, siam makre ngan haong 15 ribau urang hu mbaok tame khik salamat, siam makre pak di labik.

Dalam 6 bilan tapa, bruk pablei salih menuac saong dom bruk ngak suan adat hukum pambuak tal bruk pablei salih menuac di Bình Thuận jeng daok rah tabiak srau kadau. Bruk kol yaih khan bruk ngak di Campuchia, Myanmar tapa mạng xã hội…ngak krein, ngak randap, dang tabiak yaih khan bruk ngak di dom taneh ia nan haong yaom jien bilan glaong blaoh kateik greik urang ngak bruk, ngak kamei me-in jeng daok rah tabiak. Nan ye, mBan Tacei pato bruk abih bhap bini khik caga siam mekre sron mbon taneh ia saong pacang caga kol tội phạm, tệ nạn xã hội tỉnh Bình Thuận mboh lac, njauk patagok bruk pasang iek, duah thau, khik ramik labik, khik iek kol jhak kol ngak suan adat hukum, gam haong nan, brei samar thau, samar mboh, pataom tame pasang iek, duah thau, ngak brei cambaih laih dom bruk.

UBND tỉnh Đồng Nai bahrau ieu kakei 4 công ty lac: Công ty Cổ phần C.P Việt Nam, Công ty TNHH Japfa Comfeed Việt Nam, Công ty TNHH CJ Vina Agri – dhar Đồng Nai, Công ty TNHH Sunjin Vina padeih ngak bruk raong pah di dom labik raong athur, manuk ada ka oh hu harak adat môi trường di jabat hu thẩm quyền. 4 công ty ini oh pambuak bruk raong haong labik raong athur, manuk ada ka oh hu ginup bruk piah raong glang, ka oh hu harak gah  alam môi trường.

Kuhria tal harei 30/6, dom pandap payua ba samar di Trung Quốc lac labaih 80 tỷ pok, dahlau jang 59 harei duk haong tukvak ini thun 2023. Darak pasar payua ba samar di Trung Quốc dak harei dak peih praong, rik daong siam dalam bruk jhul tagok blei pandar, ngak tabiak, khik kajap raidiuk ka rahra taneh ia ini. Urak ini, bruk payua ba samar dom pok pandap di Trung Quốc daok dang akaok dunya dalam 10 thun gam, saong jeng lac gam gam mek hu dom tanut bahrau glaong abih.

Meng harei ini (1/7), Australia meda peih ngak dom bruk salih bahrau dalam sarak ngan haong sinh vien negar langiu. Dalam nan, jien sahui likau thi thuc tame negar ngan haong sinh vien negar langiu tagok jang dua mbang meng 710 AUD tagok tal 1600 AUD. Jeng meng harei ini, Australia brei dui katut veik tukvak hu daok veik ngak bruk di dom sinh vien negar langiu bahrau bac tamat blaoh; brei padeih bruk salih meng thi thuc du lich tapa thi thuc sinh vien mbang ka 2 ka dom urang oh bac tagok pakat glaong jang. Akaok Mintri pato magru brei thau lac: “pato magru dunya lac drap ar di taneh ia saong kayua yau nan ye negar ini njauk khik catang bruk tantu cambaih laih saong samu gauk”.

Gah tui iek bruk langik tasik Argentina brei tagok tanut “cảnh báo bhong” di dom tỉnh gah meraong taneh ia ini kayua  rabuk tuyết saong langik biak la-an, rilo labik trun tal jaik âm 10 độ C. Langik di ban ine Buenos Aires, dom tỉnh gah brak saong bhum kreh negar Argentina di puac adit rilo labik trun tal âm 6 độ C saong hu tuyết laik. Tui kuhria mboh dahlau, tuyết daok laik kapan dalam adit tal. Urang jakar hu panuac kakei  menuac sia takik nao mai, plaih nyaik dom labik hu tuyết mbuan ba tal bala./.