Mai rivang saong alin hadiah pandap ka baoh sang, urang buh prein ngak bruk cách mạng naih gheih di ban Cần Thơ di tuk pahadar 77 thun harei thuong binh liet si, Akok Quoc hoi Trần Thanh Mẫn taong yaom glong bruk yaok thun ban Cần Thơ biak sangka, kuhria ka baoh sang dalam sarak, jak ba urang rik jien tame hu 9 ty 400 trieu dong piah daong ka baoh sang dalam sarak. Tukvak anak tal, Akok Quoc hoi  caong khin, Ban peih ngak samar Sarak di Quoc hoi ka bruk ramik pasiam veik jien bilan padeih hưu, jien daong BHXH, daong jien ka urang hu daong taneh ia saong jien daong xa hoi kuhria meng harei 1.7.2024. Dahlau di nan, page harei nan, Akok QH hu nao rivang Amaik VNAH Trần Thị Hai hu pasang saong dua anek lac liet si di phường Phú Thứ, quận Cái Răng.

Jaik 500 menuac halan hatian lac sinh viên di sang bac Đại học Bách Khoa – Đại học Quốc gia TP.HCM hu mbaok dalam danak dak Dam dara halan hatian bilan hè di tỉnh Đồng Tháp. Tapa nan, dom SV hu ngak dom bruk yau ye: padang labaih 7.000m jalan palei; Caik pagam saong jao brei takik di abih 50 camera an ninh; alin hadiah 1.000 bóng gom piah truac hadah dom jalan; padang ngak sang anit ranam, padang ngak saong ba brei takik di nyu 5 phần mềm, salih số duh ka bhap bini; Peih dom tal bac gah công nghệ thông tin ka uranaih, alin hadiah 100 pok pandap saong jien bac ka nek saih haong sang sarak karja.

Kong an TP.HCM peih ngak sumu gauk bruk taduan harak gal brei ngak the can cuoc di taong abih quan, huyen saong ban Thu Duc. Hadei di sa harei peih bruk taduan harak gal ho sơ brei ngak the can cuoc ka bhap bini, dalam Ban raya taduan hu labaih 2.079 ho so. Thượng tá Nguyễn Ngọc Hải, Pho akaok Jabat Cảnh sát khik iek gah hành chính trật tự XH ( PC06) khan lac, hu 2 bruk njauk brei ngak harak gal ngak birau, salih birau TCC lac bhap bini umo ginup 14 thun oh ka ngak TCC atau the CCCD saong bhap bini hu the CCCD min abih tukvak pandar. Tuk bhap bini nao ngak TCC, kong an brei mek dữ liệu sinh trắc học meta, bingu tangin saong, mbaok meta ( umo ginup 6 thun tagok)

Labik khik ramik tasik Bein negar Núi Chúa dalam labik khik ramik sinh quyển dunya Núi Chúa, tỉnh Ninh Thuận hu 310 janih san hô di 60 pajaih saong 15 but san hô, dalam nan hu 1 pajaih bharau hu mboh di bhum gah pai Biển Đông saong 11 pajaih mbang camereip abih hu mboh di Việt Nam. Bein negar daok hu 297 janih ikan tasik, 33 janih athur tasik, 26 janih cim tasik; 24 janih bò sát tasik; 174 janih rong biển, 4 janih hareik tasik.. Rilo janih dalam nan hu angan dalam Tapuk bhong Việt Nam saong Harak angan bhong di kapul dunya khik ramik langik tasik saong kaya pandap meng langik tasik.

Meng ini tal abih bilan 7 ini di Palei Ilamu - Dulich dom bangsa Viet Nam (Đồng Mô, Sơn Tây, Hà Nội) peih ngak dom bruk piah yaih khan ilamo, adat cambat di bhap bini 54 bangsa Viet Nam. Bruk peih ngak ngan haong kadha “ Bilan hè - Ngak iek saong roh duah” meda yaih khan ilamo  meng kan  pambuak pagam haong dom labik bhap bini dom bangsa ngan haong kien truc, khan ao ngui cuk, ragu daoh, ragam tamia bhap bini, rija roya…Gam haong nan lac dom janih daoh tamia, parang me-in alat ragam bangsa, kadha ma-in meng kan di bhap bini 54 bangsa.

Rajaei Campuchia bahrau padang sa UB pakat glaong lambaok di taong abih 25 tỉnh ban dalam taneh ia piah patagok bruk pagui mek kol pachot pagat online. Tui Cục Pacang caga Tội phạm mạng Campuchia, dom janih duas online di taneh ia ini rilo meng rah tabiak tui dom jalan ngak lac: pachot pagat bruk ngak, ma-in mbia online, ngak ja dom blah web di gilang pariak piah pachot payua jien. Min urak ini oh ka thau cambaih hadom menuac njauk bala saong hadom khat lahik meng dom bruk pachot pagat ini.

Tapa dom kadha bac megru hu meng jit ruak praong COVID-19, Rajaei Nhật Bản brei tapa “ Jalan ngak bruk” birau  piah pasang iek dom jit ruak  njom mbak meda rah tabiak  dalam tukvak anak tal. Dalam bruk nan, meyah he thong jit vu y te  mbuan tapa prein ngak bruk kayua jit ruak njom mbak samar, Rajaei brei peih ngak dom jalan njauk ngak, dalam nan hu bruk khan brei thau samar chip gam tuk jaik hu jit ruak. Tui nan, iew dom jabat, karja dom bhum palei brei pakhang bruk caga blaoh blai dom jalan pacang caga dom jit ruak birau meda rah tabiak di tukvak anak tal.

Di Myanmar, bahrau ini hu 11 urang njauk cap mek kayua pambuak pagam tal bruk pablei brah yaom glaong. Dalam nan hu 4 Yam ndok điều hành dom siêu thị di Myanmar. Dom urang ini njauk duas brei tagok yaom brah meng 31% - 70% dut saong adat ba tabiak. Bruk cap mek rah tabiak dalam tuk karja Myanmar daok kham merat khik tani tanat kinh tế anak bruk lạm phát tagok glaong. Tui panuac di Gilang pariak Dunya (World Bank), dalam tuk mesruh gauk daok tagaok glaong, bruk eik lapa kathaot rambah di Myanmar dalam 6 thun tapa daok pambak praong jang tuk halei karei./.