Di var taom gaok cừ tri tỉnh Tây Ninh hadei di mbang nyaom ka 7, Quoc hoi mbang XV rah tabiak harei 1/7, ong Nguyễn Trọng Nghĩa, UV Mentri Chinh tri, Bí thư T.Ư Đảng, Akok Mban Tuyên giáo Trung ương khang panuac lac, bruk brei thau Quy hoach bhum ĐNB saong Quy hoach tỉnh Tây Ninh vaktu 2021 -2030, pamong tal thun 2050 hu ba tabiak jalan ngak pamong tal bruk cakrok patagok  di bhum. Meng nan, daong Tây Ninh saong bhum ĐNB pasiam dom gar tavak. Abih di nyu nan lac, pandap hu ngak tabiak meda samar hu ba tabiak darak pasar dunya, darak pasar dalam bhum.

Dalam nyaom biai Kapul Điều phối bhum ĐBSCL mbang ka 4 bahrau peih tabiak di Cà Mau, Phó Thủ tướng Lê Minh Khái, akaok kapul Điều phối bhum ĐBSCL hu tacei tabiak rilo kan kandah tavak tavaiy, bhum ĐBSCL njauk pasiam veik piah cakrok. Dalam nan hu bruk hu mbaok dom danak dak thủy điện di gah angaok ngak salih jalan ia nduac, ngak trun khang dom phù sa, cuah, trun dom kaya ikan. Dom puk palei, tinh ban brei thau cambaih, ngak catang tui dom adat, dom jalan ngak, bruk ngak praong hu ba tabiak, patagok kinh tế tui prein khang, pandar công nghệ glaong, cakrok công nghiệp hijao, patagok bruk ngak mbang tasik, abih di nyu lac du lịch.

Dalam mbang bayar jien bilan 7 thun 2024, Bảo hiểm xã hội (BHXH) TPHCM brei bayar tui yaom jien bilan birau ka urang mbang tui. Ngan haong urang birau hu mbang tui sarak jien bilan meng harei 1/7, meyah jien padeih hưu, daong BHXH, jien daong yaok bilan oh ka kuhria tui jien bilan cơ sở birau meda brei kuhria pasiam veik saong bayar hadei mbang bayar jien bilan 7 thun 2024 dalam tukvak drah abih. Cambaic laic, ngan haong bruk bayar jien tapak tapa dom Bưu điện TPHCM brei bayar jien  meng harei 1 tal harei 25/7/2024. Daok bruk bayar jien tui jalan tài khoản online ye BHXH TPHCM brei payua jien tame tai khoan  urang mbang tui meng harei 1 tal harei 2/7/2024.

Di ban Vị Thanh, tỉnh Hậu Giang daok rah tabiak Nyaom darak pasar Pablei salih saong pandap OCOP. Nyaom darak hu 300 labik pablei pandap di dom doanh nghiệp dalam saong langiu tỉnh pataom mbaok tame. Dom pandap lac kaya nong, pandap ngak blaoh, dom kaya nong hacih, pandap menyim, jhik, takhaok, pandap pandar yaok harei, pandap điện - điện tử, pandap di dom doanh nghiệp... Tapa nan, daong ba dom dịch vụ, dom pandap panda di dom doanh nghiệp ngak dalam taneh ia nao tal menuac blei pandar saong pambuak tame jalan pablei salih dalam taneh ia.

UB bhap bini tỉnh Đồng Nai birau brei klaak sarak bhian hu jao brei labiah 80 ha taneh di xã Long Đức, huyện Long Thành ka sa doanh nghiep tu nhan  lac Kong ty co phan Lộc Thịnh piah ngak danak dak pablei salih. UB bhap bini tỉnh Đồng Nai  jeng hu jao brei dom sở , mban, dom gah  samar peih ngak dom bruk pambuak tal  brei klak  dom danak dak tui hukum, khik brei tani tanat njauk tui hukum. Hu thau, taneh nan lac di karja, hu jao ka Kong ty TNHH MTV Tổng kong ty Cao su Đồng Nai khik iek, ba pandar. Labik taneh lac hu yaom biak glong, daok di labik nao tame pasak ban sit Long Thành.

Australia hu jeng taneh ia camereip abih pakauk pablei pakao hala điện tử gah langiu dom labik pablei jru, hukum bahrau hu ba tame ngak tui meng harei 1/7. Tui adat bahrau, bruk ngak tabiak, pabak brei, ngak po pablei salih saong yaih khan dalam taneh ia dom janih pakao hala điện tử pandar sa mbang saong oh hu pandar piah taong ruak jeng njauk pakauk abih. Yau nan, di Australia, pakao hala điện tử tok hu pablei di dom labik pablei jru. Bruk ini piah pacang bruk njuk pakao rilo di dam dara urang ranaih.

Birau ini, kapol y bac si di Trung Quốc blaic raic hu siam mekre mek anek kamar dalam tian birau hu 28 adit njauk ruak tim. Dahlau di nan, hadei di tuk mboh lac anek kamar dalam tian di diuk pasang umo ranaih njauk ruak  baoh hatai barah prong, gam suy baoh hatai trak, dom bác sĩ di Sang iek ruak Đại học Xinhua di ban Thượng Hải brei blaic raic tử cung di urang amaik. Yaom lac bruk blaic raic hu siam mekre min dom bac si brei blaic raic  mbang ka 2 hadei di tuk anek kamar hu ndih tapui tabiak 2 harei piah palahik abih dom kadha di ruak baoh hatai.

Rilo taneh ia châu Âu yau Italia, Thụy Sỹ saong Prang daok hu dom mbang hajan khang ba tal dauk ia saong jaleih taneh biak khang, ngak brei rilo menuac metai, lahik. Di Thụy Sĩ, takik di nyu 4 urang matai saong 1 urang lahik kayua ia sua di bang Valais. Hajan praong ngak brei rilo labik lahik điện saong oh hu ia pandar, bruk daong brei gaok rilo kan kandah. Dalam tuk nan, di Prang, takik abih 3 urang matai tuk rabuk khang tuh tame bhum Đông Bắc taneh ia Prang. Daok di Italia, hajan khang di gah brak ba tal bruk karja brei panduan ba samar drah meng trực thăng labaih 200 rahra./.