Alin hadiah hala dok taneh ia ka urang taong ikan di ban sit Sông Đốc, huyện Trần Văn Thời, tỉnh Cà Mau

Piah patui bruk pacang caga saong khik hu suai lavik bruk jak jeng pacang caga jit COVID-19, abih di nyu lac dalam tuk jit ruak daok mbuan tagok, Thủ tướng Rajaei birau hu payua harak iew karja dom pakat dom tỉnh nao tal yaok baoh sang duah iew yaok urang; patui samar peih bruk kaluk jru lưu động, di labik hu manuac klauk mbang 2 ka uranaih umo ala 12 thun, mbang 3, mbang 4 ka urang umo meng 18 thun tagok piah sumu bruk ba tabia. Tui nan, gah y tế brei pakhang bruk duah thau ilamu dunya saong panuac di dom chuyên gia piah taong yaom, kuhria mboh dahlau jit ruak rah tabiak kayua biến thể birau.

Harei 25.8, kapul ngak bruk di mBan Liên lạc anek saih miền Nam Trung ương kayua ong Trương Hòa Bình, dahlau daih ngak Phó Thủ tướng Thường trực Rajaei ba akaok, gam haong Báo Người Lao Động alin hadiah tượng trưng 10.000 hala dok taneh ia ka urang taong ikan di ban sit Sông Đốc, huyện Trần Văn Thời, tỉnh Cà Mau. Tapa nan, Danak dak "Jien bac daong anek saih, SV bangsa takik, anek saih kan kathaot" kayua ong Trương Hòa Bình, dahlau daih ngak Phó Thủ tướng Thường trực Rajaei ngak Chủ tịch danh dự saong jao ka Báo Người Lao Động khik ramik, hu jao 100 radaih juak ka dom anek saih kan kathaot daok di tỉnh Cà Mau. Cty Cổ phần Xi măng Tây Đô alin brei tỉnh Cà Mau 200 tấn xi măng, mBan Liên lạc anek saih miền Nam Trung ương hadiah 100 pok pandap, yaok pok yaom 1triệu đồng brei ka rahra sang kan kandah.

Mban khik iek kalan Lê Văn Duyệt birau peih bruk taduan mek Harak pok brei angan Inem krung ilamu phi vật thể pakat negar ka Lễ hội Khai hạ - Cầu an.  Ngan hoang bruk taduan brei angan nan, “Lễ hội Khai hạ - Cầu An di kalan Tả quân Lê Văn Duyệt” hu jeng inem krung ka 3 di Ban raya HCM hu taduan mek angan Inem krung ilamu phi vật thể pakat negar, hadei “Lễ hội Nghinh ông di huyện Cần Giờ” saong "Adat cambat xã hội saong tín ngưỡng Tết Nguyên tiêu di bangsa Lo Quận 5".  

Dom harei ini, yaom ikan pra di tỉnh Tiền Giang daok tagok glaong. Urak ini ikan pra pablei di danao yaom meng 31.500 đồng tal 32.000 đồng sa kg, ini lac yaom glaong abih dalam 2 thun tapa. Yaom lac pandap mbang ka ikan daok di tanut glaong min tui yaom pablei ini, urang raong ikan jeng daok hu laba labaih 3.000 đồng sa kg. Tiền Giang hu bhum raong ikan pra praong labaih 100ha, mboh rilo di dom labik tapen kraong Tiền.

  Yam ndoc Công an tỉnh An Giang brei meyaom 6 bhap bini oh huac metai daong ka 40 urang caluai ia tapa kraong Bình Di, ban sit Long Bình, huyện An Phú, tỉnh An Giang duak tabiak truh Casino di Campuchia di harei 18/8 meng blaoh. Tapa nan, Akok UB bhap bini huyện An Phú jeng hu pok Harak meyaom brei ka 6 urang nan kayua naih gheih dalam bruk Taong abih bhap bini khik caga an ninh taneh ia.

Gialng pariak negar Hàn Quốc brei tagok yaom jien laba rilo jang 0,25% jeng 2,5% piah pacang lạm phát saong pacang phun jien nduac tabiak langiu, dalam tuk Cục Dự trữ Liên bang Mỹ caga dom mbang tagok yaom laba bahrau. Di bilan 7, Hàn Quốc brei tagok khang yaom jien laba di tanut oh ka bhian mboh, lac 0,5% piah pacang lạm phát urak ini daok di tanut glaong abih dalam jaik 24 thun. Rajaei Hàn Quốc huac lac, meyah yaom jien laba di Mỹ glaong jang Hàn Quốc ye phun jien negar langiu meda ba gauk tabiak truh Hàn Quốc, ngak brei yaom jien Uôn trun chip.

Labaih 180 urang metai saong 3.000 baoh sang khut tayak kayua ia sua  di  Afghanistan dalam bilan blaoh. Urang brei panuac ka karjaTaliban di Afghanistan mboh lac bruk khat lahik tayak tayiac  daok jak jang kayua rajaei dahlau diah khik iek cơ sở hạ tầng kurang ralo. Tui kuhria, yaok thun hu yaok pluh urang Afghanistan metai dalam dom mbang hajan khang, abih di nyu lac dom bhum palei pala kan kathaot. Taliban iew bhap bini dunya, abih di nyu lac dom taneh ia Islam, daong karja pabak sumu ka bhap bini gaok kan kandah kayua ribuk ia sua.

Gah Y tế dunya (WHO) khan lac dom urang njauk ruak đậu mùa khỉ di dunya trun 21% dalam adit dahlau, tapa nan brei mboh lac mbang tamuh jit di châu Âu daok trun. Adit dahlau, gah y tế Anh brei thau, tapa tui iek mboh lac ruak đậu mùa khỉ daok njaom mbak suai veik, hadei di tuk mboh lac dom menuac njaom mbak bahrau trun tui harei./.

Urang lang: Bhumi & M. Phuong – 26/08