Akaok Mintri Lao động - Thương binh saong Xã hội hu pathau khan tagok Akaok negar ka bruk alin pandap ka dom urang hu prein haong CM di tuk pahadar 76 thun harei Thương binh - Liệt sĩ (27/7/1947 - 27/7/2023). Tui nan, hu 8 kapul urang hu prein haong CM hu alin pandap di Akaok negar ngan haong 2 tanut lac 600 ribau đồng saong 300 ribau đồng. Taong abih tih phun jien piah alin pandap ka dom nyaom urang ini  lac labaih 427 tỷ đồng. Tui kuhria, hu jaik 1,4 triệu urang hu prein haong CM hu taduan pandap di akaok negar di dalam tuk pahadar ini.

Dalam 3 thun peih ngak danak dak bruk ngak negar patrun kathaot khang kajap, meng thun 2021 - 2023, tỉnh Sóc Trăng peih jien hu labaih 25 tỷ đồng, buh tame rilo ka bruk cakrok KTXH dom xã biak kan kandah bhum tapen kraong, tapen tasik saong kaoh pulao, patagok pato pakai bruk ngak ka bhum kan kandah, peih pato bruk ngak, daong ka urang ngak nao ngak bruk di negar langiu, daong ka sang kan kathaot, jaik si kan kathaot hu bruk ngak, hu iek glang prein yava, hu bac da-a, hu pandar ia hacih saong dom kein laba karei karei … Tapa danak dak, raidiuk urang sang kan kathaot, sang jaik si kan kathaot bhum bangsa takik, bhum kan kandah hu glaong tagaok, rik daong siam dalam bruk patagok KTXH di tỉnh .

Anak bruk mbuan hu pandiak bhang, thu lagu, kurang ia, dalam tuk caong pandar dien tagok glaong, UBND tỉnh Kiên Giang hu pato tacei dom puk palei paglaong bruk peih ngak dom jalan patak pataom dien, tani tanat pabak dien di dalam ban dalam bilan thu thun ini. Dom pasak pablei salih, labik dịch vụ padam taong abih tih dom pandap truac hadah piah ngak gheih, yaih khan, tapal angan meng maong 10 melam. Dom labik ngak kong, labik ngak pandap salih tapa ngak meneing meng hadei di maong 10 melam. Dom pandap truac hadah di jalan mbak, peih gom suai di abih jang 30 minit saong padam aval jang 30 minit dut saong urak ini; padam taong abih tih dom pandap truac hadah ngak gheih meng maong 10 melam.

Ổi lê - Baoh drum Cao Lãnh bahrau hu Cục Sở hữu trí tuệ (Mintri Khoa học saong Công nghệ) brei harak chứng nhận nhãn hiệu ka Jabat ngak nong saong patagok palei pala huyện Cao Lãnh, tỉnh Đồng Tháp. Dalam huyện hu 518 ha phun drum, sản lượng 70.720 tấn, hu pala tui jalan salamat saong hữu cơ, hu 3,2 ha drum hu chứng nhận VietGAP. Dom pandap hu brei harak angan lac, ổi lê sấy dẻo, drum bluh thu, baoh drum that, ia iak baoh drum. Tỉnh Đồng Tháp dahlau daih daok hu dom janih baoh kayau hu brei nhãn hiệu yau ye craih Tháp Mười; quýt hồng Lai Vung; darang Châu Thành; pa-ok Cao Lãnh saong kruac aik Cao Lãnh.

UBND TP.HCM bahrau peih bruk taom mbaok, uan tabuan ka dom huấn luyện viên, urang pakacah mek hu jai naih glaong di SEA Games 32. Kapul thể thao TP.HCM rik tame ka taneh ia 119 VĐV pakacah di 27 môn saong mek hu 31 HC ameh, 24 HC praik, 20 HC ban, yam tapa jalan ba tabiak tut angan 18-20 HCV tuk camriep. UBND TP.HCM hu ba tabiak tanut jien thuong: Yaok Huy chương ameh, dom urang pakacah lac likei taduan hu 74 triệu đồng, urang pakacah lac kumei hu taduan 80 triệu đồng. Ngan haong yaok Huy chương praik, dom urang pakacah lac likei saong kumei hu taduan 44 saong 47 triệu đồng; Huy chương ban lac 35 saong 37,5 triệu đồng. Jien thuong ka dom urang pakacah hu mek meng kadung jien kanja saong jak ba dalam bhap bini.

Bol lin Hàn Quốc brei thau lac Triều Tiên bahrau cuh janih hu Triều Tiên ieu lac vệ tinh không gian nao gah meraong. Còi báo động hu mehit di grauk labik dalam ban ine Seoul di Hàn Quốc di mon 6:32 mesup ini tui mon di pak nan (21:32 GMT ngày 30/5) brei thau bruk lac ban ieu bhap bini caga nao labik karei. Dahlau di nan, Triều Tiên brei thau lac meda cuh mbang camereip abih vệ tinh tui iek quân sự dalam tukvak meng harei 31/5 tal harei 11/6 piah patagok tui iek dom bruk ngak di Mỹ saong dom taneh ia tui Mỹ.

Cảnh sát Ấn Độ brei thau lac, harei 30/5, takik di nyyu 10 urang metai saong 55 urang njauk rambuac, hadei di tuk sa sruh radaih buýt pajeng urang hành hương tui agama Hindu blait tabiak truh jalan cao tốc saong laik trun sa mbuan ceik Himalaya jaik ban Jammur. Rahra saong kanja palei hu samar drah mai tal labik rahtabiak bala saong peih bruk daong duah urang njauk bala. Ấn Độ hu manuac gaok bala kayua bala jalan mbak dang akaok di dunya. Makna di bala rilo meng lac kayua peih radaih oh caik hatai, jalan mbak khut khat, mbaih mbaoh saong radaih klak.

Liên minh châu Âu (EU) brei thau lac meda tagok rilo jang 2 mbang dom kapal haoh padam pui samar drah dalam danak dak daong dalam bilan pandiak ini, kayua khuah glai tagok rilo meng biến đổi khí hậu. Tui EU, bruk parilo dom sruh kapal haoh padam pui lac bruk njauk ngak tuk bala meng langik tasik daok rah tabiak dak harei dak rilo jang, saong khan lac mbuan hu khuah glai haong ia dauk ia sua khang jang dalam thun ini di Bỉ, Đức saong Italia. Bhum Nam Âu daok caga sa bilan pandiak biak catang, saong hu dom labik daok kurang ia biak khang.