Bhap bini di dom tỉnh gah kreh negar gaok rilo kan kandah di mbang ia sua 

Anak dom khat lahik kayua hajan ribuk di ban  Đà Nẵng song dom tỉnh: Thừa Thiên Huế, Quảng Trị, Quảng Nam ngak dom urang metai song lahik, yaok pluh ribau sang bhap bini dauh dalam ia, glut jaleih taneh rah tabiak di rilo labik, rilo  jalan mbak nao mai, krong ribong, sang bac njauk khut khat trak, Thủ tướng Rajaei hu harak pandar  Chủ tịch UBND dom tỉnh, ban nan, dong iek glang, khik ramik rai duik  ka bhap bini, oh caik ka urang kathaot eik lipa, oh caik ka bhap bini oh hu labik dok. Gam song nan, samar pasiam dom khut khat , abih di nyu nan lac sang bac, bilai y tế, jalan điện, ia pandar…khik kajap bruk iek ruak tong ruak pasiam veik bruk ngak mbang pala drak hadei di  ia sua, dong tani tanat rai duik ka bhap bini, caga pacang  dom mbang bala bharau meng langik tasik.

Mesup ini (17/10), di tuk chào cờ akaok adit, Jabat dom mBan Thành ủy, Ủy ban Kiểm tra Thành ủy, Jabat Thành ủy TPHCM peih bruk jak ba urang jakar, công chức, urang ngak rik tame 1 harei jien bilan daong brei Kadung jien “kayua urang kathaot” TPHCM thun 2022, saong yaom jien abih tih 400 triệu đồng. Tapa nan, Bí thư Thành ủy TPHCM Nguyễn Văn Nên jeng ieu abih gauk pachreih tui, rik daong meng hatung hatian, meng trách nhiệm glaong abih piah daong tame Kadung jien "Kayua urang kathaot" TPHCM, daong ka urang kan kathaot.

Di tuk ba tabiak bruk Bilan tabung glong  “Kayua urang kan kathaot” thun 2022 rah tabiak mesup ni (17/10), mBan jak ba kadung jien “kayua urang kan kathaot” ban  Cần Thơ taduan hu 5 tỷ 316 triệu đồng meng dom jabat, đơn vị, doanh nghiệp song urang ngak pahla. Ni lac , bruk hu makna chính trị, xã hội praong  piah patagok bruk jum pataom gauk, anit ranam gauk di bhap bini, pamong tal danak dak ,“Abih labik dalam taneh ia ba tangin tame daong ka urang kan kathaot ” thun 2022.

Ban Thường trực Ủy ban MTTQ Việt Nam huyện Lộc Ninh, tỉnh Bình Phước bahrau peih Danak dak alin hadiah tivi brei ka 43 sang urang bangsa takik kan kathaot daok di xã Lộc Khánh saong Lộc Thành. Ini lac sa dalam dom bruk ngak di danak dak patrun 144 sang kathaot urang bangsa takik daok dalam huyện. Tui nan, tal tukvak ini, Kadung jien kayua urang kathaot huyện hu daong tivi ka 81 sang bhap bini bangsa takik kan kathaot daok di 7 xã, haong yaom jien abih tih jaik 430 triệu đồng. Dom baoh tivi lac jalan daong pabak khau tin ka mikva..

Hadei di jiak 2 mon kham merat padam khuah, kreh pandiak ni (17/10) gah chức năng padam hu pui khuah prong di sa nhà hàng karaoke daok di  Quận 1, TP.HCM. Makna rah tabiak khuah, kayua  apui  hàn xì parah tame dom blah xốp gah dalam quán. Labik khuah lac 300m2 dalam 800m2. Bruk khuah oh ngak ka urang halei metai. Dahlau di nan, dalam bilan 5/2022, nhà hàng karaoke ni  hu pasang iek song brei padeih, kayua oh pabak hu bruk pacang khuah padam khuah . Urak ni, jabat chức năng dok pasang iek ngak brei cambaih laih bruk khuah.

Dalam harak ndom puac di tuk peih mbaok Nyaom roya Đảng Cộng sản Trung Quốc mbang ka 20 di mesup ini 16/10, Tổng Bí thư - Chủ tịch Trung Quốc Tập Cận Bình ndom lac, meda padang  dom sarak saong daok tui bruk taneh ia caga pacang bruk menuac sia daok taha nao. Bruk menek, bruk ndih tapui di Trung Quốc daok trun biar di abih dalam thun ini, tui kuhria mboh dahlau, hu oh ka tal 10 triệu anek kamar tabiak dunya, duk haong 10 triệu 600 rabau di thun bloh.

Dom urang ruak cúm mùa di  Mỹ dok tamuh khang, abih di nyu nan lac di gah timun, Đông Nam song gah kreh negar  di taneh ia ni. Dalam bilan di ruak thun 2020-2021, mbang  cúm camereip rah tabiak gam haong jit  COVID-19, min, hu biak takik. Dalam bilan di ruak thun  2021-2022, jit  cúm daok tamuh gilac veik, hu sa binah makna mai meng bruk dom jalan pacang caga COVID-19 hu yah klak. Urang jakar y tế Mỹ hu panuac ieu bhap bini nao klauk  vắc xin pacang cúm mùa, dalam tuk vak bruk klauk vắc xin di  Mỹ lac daok beir.

Tui Kadung jien uranaih Liên hợp quốc (UNICEF), bruk mesruh gauk di Ukraine ba tui dom kan kandah gah kinh tế daok jhul gac 4 triệu uranaih di Đông Âu saong Trung Á laik tame eik lipa, kan kathaot, tagok 19% duk haong thun 2021. Langiu di nan, UNICEF brei thau, uranaih jeng mbuan njauk urang taong paoh, kateik greik ngak bruk. Kadha ini jeng hu makna lac meda hu gac 4.500 uranaih metai dahlau di tuk ginup 1 thun saong hu gac 117.000 uranaih oh hu bac da-a dalam thun ini./.

Urang lang: Hanipha- Mousaphuong- 17/10