ANAK META BREI PEIH PABAH RIBONG RẠCH MỌP DI TỈNH SOC TRANG
Thứ ba, 17:14, 18/02/2025 ÁI NGHIÊM ÁI NGHIÊM
CHAM.VOV4.VN - Thu truong Mentri Ngak nong saong Patagok palei pala Nguyễn Hoàng Hiệp taong yaom glong bruk sangka, tacei pato jalan peih ngak danak dak di tỉnh Sóc Trăng saong kham merat padang ngak di Po buh jien tame ngak, urang taduan ngak bruk tapa nan, mbiah tal ini brong ia pabah ribong Rạch Mọp samar jang tukvak ba tabiak.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Thu truong Mentri Ngak nong saong Patagok palei pala Nguyễn Hoàng Hiệp gam kapol urang jakar saong urang ngak praong tinh Sóc Trăng harei kabroi pasang iek saong anak meta brei peih pabah ribong  Rạch Mọp.  Danak dak hu kuhria taong abih jien buh tame ngak 900 ti dong piah pasang iek halau ia, ia ndik, khik caga dom labik pala drak jaik 37.000 ha pala drak di huyen Kế Sách, Châu Thành tỉnh Sóc Trăng saong huyện Châu Thành, thị xã Ngã Bảy tỉnh Hậu Giang. Thứ trưởng Nguyễn Hoàng Hiệp taong yaom  glong bruk sangka, tacei pato peih ngak danak dak di tinh Soc Trang saong kham  ngak bruk, tapa nan, mbiah tal ini brong ia pabah ribong Rạch Mọp samar jang tukvak ba tabiak.  

Urang ngak nong tinh Tiền Giang tame yuak ralo mblang hamu padai bilan Đông Xuân. Padai yuak kuhria rah tapa hu 6,5 tấn sa hecta, takik jang bilan padai thun dahlau labaih 0,7 tấn sa hecta. Tui So Ngak nong saong Patagok palei pala tinh Tien Giang, bilan padai Đông xuân thun ini, dalam tỉnh trun pajaih 41.000 ha kuhria yuak hu labiah 285.000 tấn padai. Gah ngak nong tinh ini hu peih bruk tam drak padai asar siam, takik tathuak nerak gam patagok hijao di huyen ngak ralo padai lac Gò Công Đông, Gò Công Tây saong Cái Bè, tam drak yaok labik 20 ha.

Canh sat tasik Viet Nam birau pasram peih bruk pakacah “Adei anit ranam tasik, kaoh pulao” ka urang jakar, urang lin saong dom bhum palei di 28 tinh, ban tapen tasik. Bruk pakacah “Adei anit tasik, kaoh pulao palei negar” kayua Canh sat tasik Viet Nam peih ngak dalam 10 thun tapa hu rik tame pachreih hatai anek saih anit ranam, paglong jalan sahaneng ka bruk ngak po tasik, kaoh pulao ka rai dam dara meng tuk daok kik sang bac; daong ka anek saih  paglong jalan sahaneng  ngak njauk tui hukum, palik njiak bruk kanjiak jhak di xa hoi, kham merat hu jeng rahra siam gheih di harei hadei.

Hoi dong Ngak bruk  Hoc vien Phat giao Nam tông Khmer birau peih bruk brei ba Hoc vien Phat giao di phường Châu Văn Liêm, quận Ô Môn, Ban. Cần Thơ tame ngak bruk. Ini lac sa dalam 4 Hoc vien hu Rajaei brei adat padang tabiak di thun 2006 saong hu UB bhap bini Ban Can Tho brei taneh 6,7 ha piah padang tagok. Labik kakuh ngak adat lac sa dalam dom danak dak hu makna biak praong abih hu padang ngak. Mbiah tal ini, danak dak hu ngak salah tui njauk bruk cih tabiak saong hatai caong  di bhap bini bangsa Khmer.

Tukvak anak tal, ia mbak njom tame di tinh Cà Mau meda daok tagok glong jang thun dahlau. Anak bruk nan, Akok UB bhap bini tinh Ca Mau birau tacei pato dom don vi, karja palei pakhang dom jalan pacang caga tua riya, njom ia mbak dalam tinh. Tacei pato peih ngak dom jalan cambaic laic, lagaih haong tui yaok bhum palei; brei pabak ia dahlau,  oh brei ka rahra kurang ia pandar, oh caik ka ia mbak njom tame labik ngak pataba ia mbak, khik ginup ia pacang caga apui khuah, apui mbang glai…

Akok negar Trung Quốc Tập Cận Bình harei kabroi hu ginum biai haong gah ngak mbang pablei salih mbang kaok meti labaih 6 thun, payua panuac brei pakhang bruk daong ka urang ngak mbang, abih di nyu nan lac gah trí tuệ nhân tạo. Mbang ginum biai hu mbaok rilo urang ngak mbang pablei salih praong di Trung Quoc, ngak mbang dom gah kong nghe, tri tue nhan tao saong dom gah ngak kong nghiep meng dahlau diah, yau Huawei, Alibaba, Xiaomi, abih di nyu nan lac kong ti praong AI DeepSeek. Var nan, ong Tập Cận Bình eiw da-a brei pachreih tui saong pakhang hatai jia tame piah jhul pakhang bruk cakrok patagok khang kajap, asar siam di gah urang ngak mbang langiu karja.

Roya Maha Kumbh Mela daok peih ngak di gah barak Ấn Độ birau taduan raok labaih 500 trieu urang agama Hindu lac ralo abih kuhria meng dahlau mai hu mbaok saong ngak adat menei ia po gireik di labik ia taom gauk di klau kraong Hằng, kraong Yamuna saong kraong Saraswati hu ba tame dalam damnei Ấn Độ. Dom urang nan ralo jang rahra di jaik abih dom taneh ia di dunya, ngak roya nan jeng bruk pataom  mbaok praong abih di dunya ini.

          Melam kabroi tui tukvak pak Viet Nam, sa sruh kapal haok di Gah kapal haok Delta di Mỹ, pajeng 80 urang kableik saong apui mbang tuk par trun di ban Toronto negar Canađa.  Meng thaot bingu tavak veik brei mboh  bala biak trak, min patuah taong abih 18 urang dalam ahaok nan  daok diuk meng dom bruk daong sumu samar. Hu 18 urang njauk rambuac, dalam nan hu 2 urang trak./.

ÁI NGHIÊM

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023

URANG PANG DANAK DAK (THÍNH GIẢ VỚI CHƯƠNG TRÌNH)