Melam 13/10 anak tal, di Sang daoh Praong - Nhà hát Lớn Hà Nội hu peih bruk pok meyaom 100 urang ngak nong naih joi abih dalam thun ini. Danak dak kayua kapol Urang ngak nong pakat negar peih ngak. Urang ngak nong naih joi thun 2023 hu palih ruah mai meng bruk ngak mbang di rilo gah, abih di nyu  hu dom urang ngak nong naih joi gah dulich sinh thái, patagok bruk ngak nong tuan hoan saong rilo urang nong salih pandar cong nghe so dalam bruk ngak mbang pala drak saong pablei salih. Dalam 100 urang ngak nong naih joi, hu ong Ngô Văn Đệ, umo 46 thun, daok di  tỉnh Trà Vinh ngak mbang mek jien tame glong abih tal 140 tỷ đồng, laba 42 tỷ đồng meng bruk raong ahdang cong nghiep saong ong Lê Văn Sấm umo 65 thun, tỉnh Bến Tre raong hadang cong nghe glong, kein laba 50 tỉ đồng.

Khan brei thau di mbang ginum biai kinh tế - xã hội yaok bilan di bier harei 5/10, ong Hồ Tấn Minh- Chánh Văn phòng Sở pato magru TP.HCM brei thau lac, dom sang bac oh njauk mek jien brei kadung jien di sang bac, kadung jien di tal bac saong hiệu trưởng njauk taduan bruk ngak di drei mayah caik rahtabiak bruk mek oh njauk saong mek – biyar oh njauk adat. Meng harei 5/10,  Sở hu padang dom kapul nao pasang iek dom labik patao magru hu báo chí ndem tal.

Salipan bilan tapa, gah cảnh sát jalan mbak Bình Dương gam gam peih bruk pasang iek,  tapa nan hu mboh labaih 81.000 mbang suan hukum jalan mbak. Dalam nan, suan ralo abih lac menyum alak peih radaih ngan haong 25.000 mbang. Tui nan, ngak harak bien ban taong phạt dom urang suan adat hu labaih 191 tỷ đồng; mek veik harak adat peih radaih jaik 17.800 mbang. Tukvak anak tal, gah cảnh sát jalan mbak daok patui veik  bruk pasang iek, langyah bruk ngak suan angaok dom jalan radaih, jalan pasei, jalan kraong. Gam haong nan, pasang iek  dom labik mbuan rah tabiak bala jalan mbak di dom labik piah hu jalan pasiam veik.

Peih ngak danak dak bruk ngak negar ka  padang ngak palei pala bahrau, meng thun 2021 tal urak ini, tỉnh Sóc Trăng jak ba hu labaih 8.300 tỷ đồng. Kuhria tal harei ini, dalam tinh hu 64 xã mek hu tanut chuan palei pala bahrau, 16 xa mek hu tanut chuan palei pala bahrau paglaong, hu 3 kapul pakat huyện mek hu tanut chuan palei pala bahrau. Sóc Trăng ba tabiak jalan lac kham marat tal puac thun 2025, hu takik di nyu 8 xa mek hu tanut chuan palei pala bahrau, 16 xa mek hu tanut chuan palei pala bahrau paglaong, 8 xa palei pala bahrau kieu mau.  

Pambuak tal bruk kamuan kumei umo 3 thun njauk urang cap mek piah ndok jien loh  di Ban Tân An, Kong an tỉnh Long An mek veik hu abih yaom jien  975 trieu đồng saong bayar veik ka baoh sang kamuan nan. Tui harak gal ka bruk nan, Nguyễn Thanh Sơn chap mek kamuan umo 3 thun, anek di sa-ai L.T.T umo 32 thun, daok di ban Tân An, tỉnh Long An ndok jien loh 2 tỷ đồng.  Baoh sang sa-ai T hu payua tame tai khoan  di Sơn 975 trieu dong. UB bhap bini tỉnh Long An hu meyaom saong thưởng chip  ka Jabat Cảnh sát hình sự, Kong an Ban Tân An; Jabat 6, Cục Cảnh sát hình sự, Mentri Kong an,  Kong an huyen Tân Phú, tỉnh Đồng Nai 60 trieu dong.

Nhật Bản daok tame tukvak ka dua di bruk tathuak ia nerak tapa langyah blaoh meng sang mac điện hạt nhân Fukushima, hadei di mbang tathuak ia nerak camriep di harei 24/8 meng blaoh. Tui panuac khan di gah pathau khan Nhật Bản, tukvak tathuak ia nerak ka 2 hu peih tabiak di dah page 5/10, tui kuhria dui atah tal harei 23/10. Tui kuhria abih tih dom ia tathuak nerak lac 7.800 tấn, dom nerak tathuak yaok harei tui kuhria lac 460 tấn. hadei di mbang tathuak nerak camriep, Rajaei Nhật Bản saong Điện lực Tokyo hu brei langyah yaok harei nồng độ tritium dalam ia tasik saong ikan vil val sang mac điện hạt nhân saong pathau khan lac oh mboh hu hagait karei.

Iraq meda pakauk mek jien mbaok saong pandar jien đôla kuhria meng akaok thun 2024. Tui Tong cục Đầu tư saong Chuyển khoản di Gilang pariak T.Ư Iraq, bruk ngak ini, lac piah pacang cakak bruk pandar  oh njauk  labaih 50% dalam 10 tỷ USD bo Iraq taduan hu yaok thun meng Cục Dự trữ Liên bang Mỹ. Ini lac sa binah di bruk praong jang piah pacang cakak bruk ngak mbang kinh te pagam pambak tame jien USD hadei di tuk bhap bini takre pandar jien USD jang jien Diar di taneh ia ini.

Google bahrau tabiak mbaok phone par tangin thông minh Pixel 8 saong mẫu đồng hồ thông minh bahrau. Dalam janih phone par tangin Pixel bahrau, Google hu pandar paok langyah di động bahrau abih, Tensor G3. Chip bahrau hu rilo prein nduac AI jang, brei ka urang pandar langyah rilo dữ liệu jang di mangaok baoh phone pan tangin saong di hệ thống điện toán đám mây. Dom tính năng AI di phone par tangin Pixel meda daong mek thaot binguk, yaok pataom mek dom blah web saong pacang cakak dom mbang ieu phone jhak. Meng bruk pataom dom ilamo trí tuệ nhân tạo (AI) rilo jang, Google daok cang phone par tangin Pixel 8 jeng dui pachreih jang dalam bilan blei pandar puac thun ini./.