Mesup 5/9, gam haong anek saih dalam taneh ia, rilo anek saih dom pakat di dom tỉnh Đông Nam bộ hu mbaok tame bruk Peih thun bac bahrau. Thun bac bahrau ini, sang bac Phổ thông Bangsa gam bac gam daok tỉnh Bình Thuận taduan raok 935 anek saih di 13 bangsa yau ye Cam, K’ho, Raglai... Thun bac meng blaoh, dom anek saih naih joi tagok labaih 7% saong lac thun ka 10 sang bac hu labaih 99% anek saih tamat THPT, glaong jang kuhria rah tapa di tỉnh. Pak tỉnh Long An yaom lac thun bac bahrau daok rilo kan kandah, min tỉnh daok brei jhul khang bruk xã hội hóa pato megru piah daong ka anek saih, sinh viên gah jien bac, khan ao, tapuk siphau, radaih juak... piah dom adei hu mbuan lagaih nao tal sang bac. Piah caga ka thun bac bahrau, gah pato megru Tây Ninh biak sangka tal bruk daong ka anek saih sang kan kandah, bhum taphia negar, bhum urang bangsa takik.