Tui Mentri Ngak nong saong Patagok palei pala, 5 bilan akaok thun dalam taneh ia pablei brah tabiak negar langiu hu 3 trieu 6 rituh tan, tagok glong gah brah pablei saong yaom jien mek tame. Tapa nan mboh lac asar brah Viet Nam dak harei dak hu darak pasar dunya taong yaom glong; yaom padai blei di mikva urang nong daok hu laba veik, khikcaga ginup padai brah. Bruk nan jeng hu makna lac 3 bruk praong dalam bruk pala drak, pablei salih, pablei brah tabiak negar langiu hu tani tanat.

Peih ngak danak dak bruk ngak negar patrun kan kathaot khang kajap tukvak 2021 - 2025, tukvak tapa, dalam 2 thun meng thun blaoh, dom xa, ban sit pak Long Phú, tỉnh Sóc Trăng hu daong palagaih ka jaik 300 urang sang kathaot, sang jaik kathaot, sang bahrau tabiak truh kathaot cak rok dom bruk raong glang, tapa nan dom bruk hu kein laba, daong patrun  dom sang kathaot, sang jaik kathaot. Taeng dalam thun 2023, huyện Long Phú trun 921 sang kathaot saong trun 688 sang jaik kathaot.

UB bhap bini tỉnh Trà Vinh birau tabiak bruk samar chip ka glut jaleih takai kraong Cổ Chiên di labik xã Hưng Mỹ, huyện Châu Thành. Abih tih taneh glut jaleih atah labaih 100 met, dalam nan hu 2 labik gam tapak tal kraong Cổ Chiên. Ini lac labik taneh hu sang ngak bruk, labik caik pandap piah daong bruk bala, daong urang gaok bala di Bol lin Biên phòng tỉnh padang bien brei thau, labik glut jaleih, bruk glut jaleih  piah urang lin, bhap bini thau, brei caga dahlau bruk diukrai, ngak mbang pala drak, piah pacang caga khat lahik, caga pandap panda, manuac urang, mac jamraih  di labik dahlau piah ngak bruk tuk rah tabiak glut jaleih.

Gah Y tế TPHCM bahrau mboh 2 uranaih njauk ruak ndaih baoh. Tapa duah thau mboh lac, dua uranaih ini ka oh klauk jru ginup tui harei tacei pato di Danak dak klauk jru peih praong saong ka oh klauk vaccine pacang caga ruak ndaih baoh. Kayua yau nan ye, Sở Y tế daok ieu amaik ame ba anek di drei nao tal dom bilai y te piah klauk jru vaccine. Klauk vaccine lac jalan ngak siam abih piah khik ka uranaih plaih njauk ruak ndaih baoh. Dua mbang klauk vaccine pacang caga ruak ndaih baoh ba mai kein lagaih piah pacang caga ruak ndaih baoh tal 97%.

Rayo kuhria mboh dahlau bruk langik tasik di bhum Nam Bộ khan lac, 3 harei puac bilan 5 ini, Nam Bộ saong Ban raya HCM hu rilo mbang hajan praong, ralo labik hajan praong. Hajan praong dui atah  tal harei 1/6 ye meda trun. Yau nan min, biar harei sup hu hajan saong hangin. Dalam tuk hajan meda hu hangin gaving, jakala klak, hajan patau saong hangin khang. Hajan meda ia sua di dom kraong, craoh, glut jaleih taneh  di mbuan ceik saong ia dauk  di dom khu đô thị. Langik di bhum tasik  meng Bình Thuận tal Cà Mau, Cà Mau tal Kiên Giang saong tasik Thái Lan jeng langik jhak hu hajan saong hangin. Gilai brei pataok tame palaik njiak labik salamat.

Rajaei Indonesia bahrau tabiak mbaok cổng khau tin rajaei online tích hợp, mek angan ieu lac INA Digital. Blah web khau tin hu padang ngak piah pagam dom ung dung di rajaei urak ini saong ba mbuan lagaih ka rahra pambuak saong pandar. Web ini hu pandar piah langyah dom jit vu xa hoi mbuan jang saong tantu cambaih laih jang, rik tame biak praong dalam bruk patagok prein maraik gauk di Indonesia angaok dunya. Tui kuhria INA Digital meda ba tame pandar meng bilan 9 thun ini.

Rajaei Hàn Quốc birau khan brei thau, dom pandap ngak brei ka uranaih pandar yau takhaoh, kadung kalik saong talei ka-ing hu pablei di blah web SHEIN di Trung Quốc hu asar jru mek glong jang tanut brei adat yaok rituh mbang. Phthalate lac asar jru ba tal ngak sraw kadau hormone saong hu pambuak tal bruk ngak limeh labah kilo, ruak baoh hatai, dom ruak ung thư saong dom ruak metian anek. Karja Seol khan lac, hu iew SHEIN ba tabiak truh angan dom pandap pablei di drei.

Thun 2023, bhum Đông Á saong Đông Nam Á hu cap mek dom matuy patau praong abih kuhria meng dahlau mai, lac 190 tấn. Bruk ini bahrau hu Jabat Liên hợp quốc ka pacang caga ma tuy saong toi pham khan brei thau. Tui Liên hợp quốc, dom kol toi pham daok patagok bruk ngak tabiak dom janih pakauk ini. Thái Lan lac labik pajeng praong abih dom janih ma tuy meng bhum Tam giác Vàng, bhum jaik taphia haong Lào saong Myanmar. Liên hợp quốc brei thau lac, daok hu dom janih ma tuy tong hop bahrau di darak pasa pamaong tame dam dara./.