Ngan haong dom labik dulich praong, Sở Dulich  caong khin brei hu jalan ramik veik, brei hu labik khik radaih, brei tacei ba jalan  plaik njiak gar jalan, pataom tame bruk daong urang gaok bala, daong urang di tapen tasik, labik menei, danao caluai ia; pakhang bruk pasang iek, pasang iek bruk ngak tui hukum, ba tabiak yaom saong pablei njauk yaom, oh caik rah tabiak bruk pablei tagok yaom, kateik yaom, blei pataom piah ngak kein laba suan hukum ngak jhak tal bruk dulich di  tỉnh.

Tukvak tapa, palei Cam Đa Phước, huyện An Phú, tỉnh An Giang hu daong ngak dom bruk du lịch bhap bini, nan ye raidiuk di urang Cam hu glaong tagok mboh di anak mata. Ong Ysa, urang daok di palei Cam Đa Phước khan lac: "Dahlau daih, dom pandap menyim yau khan bai, xa rong, ao…bhian hu pablei ka mikva urang Cam dalam palei ye urak ini hu jeng pandap du lịch, hu tuai takre". Langiu di nan, dom pandap mbang meng kan mai di urang Cam An Giang yau tung lò mò, cà ri lisei nị,  ko am, ahar nam parang… hu jeng pandap mbang duh ka tuai mai ravang me-in.

Tỉnh Lâm Đồng birau pok panuac tagok likau brei ngak 3 labik daok birau samar chip gam haong  bruk khik ramik ilamo meng kan di bangsa, patagok  dulich sinh thái, ilamo di 3 huyện nan lac Đơn Dương, Cát Tiên saong Di Linh. Tui nan, Labik daok tai dinh cu gam khik ramik ilamo meng kan di urang bangsa takik, patagok  dulich sinh thái, ilamo  di huyện Đơn Dương di palei Hamanhai 1, xã Pró, di taneh praong 8 ha, kuhria taong abih tih 50 tỷ đồng. Danak dak meda padang ngak pasiam veik  labik bhap bini pataom mbaok, buh jien tame blei mac jamraih, pandap panda saong duah pataom  dom pandap meng kan  di urang bnagsa takik Châu Mạ...

Caga ka thun bac bahrau, tỉnh Sóc Trăng hu tacei pato dom sang bac samar drah brei ramik pasiam sang bac, dom tal bac, puh ramik hacih sa-at duh ka bruk pato saong bac. Tal urak ini, tỉnh Sóc Trăng hu labaih 2.700 bilik bac pabak hu tanut ba tabiak di Mintri Pato Megru. Tui ong Nguyễn Văn Khởi, Phaok akaok UBND tỉnh Sóc Trăng, dalam thun bac bahrau, tỉnh daok brei pablak dom danak dak bruk ngak negar saong bruk đầu tư công tukvak mbiah piah pabak ka labik pato bac. Dalam nan, tỉnh pataom tame paglaong ilamu dom gru pato, urang ngak bruk di dom sang bac bangsa gam bac gam daok; palahik bruk oh thau akhar haroh ka bhap bini bangsa takik.

Kapol anek saih Sang Pho thong Bangsa gam bac gam daok THCS Cư M’gar, huyện Cư M’gar, tỉnh Đắk Lắk hu ngak tabiak dom baoh tapuk dalikan hu thaok binguk dua – dua sap Việt - Ê Đê, yaih khan ka adat cambat, tanarakun, bruk anit ranam taneh ia, ilamo, anek manuac, pandap mbang di urang bangsa Ê đê. Tapa ndom baoh tapuk nan, kapol anek saih  caong khin payua nao dom asar kadha khik ramik ilamo bangsa tal dom rai anek saih bangsa takik. Kapol urang ngak tabiak baoh tapuk dalikan nan hu 15 urang roh duah saong pataom veik dom harak tai lieu ka ilamo Ê đê piah ngak tabiak tapuk dalikan dua sap.

Pháp ba labaih 25.000 cảnh sát saong hiến binh mai khik caga siam mekre salamat ka Thế vận hội brei ka urang jaoh jo Paralympic tui kuhria hu peih tabiak meng harei 28/8 tal harei 8/9 tal. Daok bruk peih mbaok Paralympic hu pacang khik meng 15.000 urang an ninh. Akaok Mintri Nội vụ Pháp Gérard Darmanin ndom lac, dom jabat mật vụ Pháp urak ini oh ka mboh hu bruk ngak brei srau kadau min rilo cảnh sát saong hiến binh hu ieu pataom piah khik siam mekre salamat ka bruk nan.

Tổng cục Du lịch Nhật Bản khan lac, yaom lac langik pandiak khangg  saong hajan ribuk  di dom labik, gam panuac kakei dahlau ka bruk megei baoh taneh saong riyak sóng thần, dalam bilan 7 meng blaoh, tuai negar langiu mai tame taneh ia ini tagok tal jaik 3,3 trieu urang, ralo abih kuhria meng dahlau mai ini. Dalam nan, tuai Trung Quốc  dang akok ngan haong labaih 776 ribau, patui di nan lac Hàn Quốc hu labaih 757 ribau mbang. Bruk tuai negar langiu gam gam tagok khang lac kayua jien Yên laik yaom, ba tal jien cai pandar di tuai negar langiu trun biak ralo.

Madagascar saong dom kapul nyaom di dunya hu peih ngak dom jalan ngak karei piah patagok bruk khik caga athur glai puk palei, abih di nyu lac pataom tame khik caga “vượn cáo” lac biểu tượng di taneh ia pulao kaoh ini. Dom janih “linh trưởng” hu maong lac dom nyaom athur hu tasau mbuan lahik abih saong hu ba tame dalam Tapuk bhong di Khik ramik Langik tasik Dunya. Kapul nyaom ini jeng kuhria mboh dahlau lac labaih 98% “vượn cáo” mbuan lahik abih dalam 20 thun tal kayua bruk jah tak glai saong man pateok biak rilo./.