Di harei pahadar 80 thun harei Bangsa Negar 2/9, Mentri Khoa hoc saong Kong nghe pambuak haong Mban Pathau khan saong Jak ba trung uong, Mentri Ilamo, Pahat padhih saong Rah rivang peih harei ba tabiak paok tem buu chinh brei mboh thaik thaot Chu tich Ho Chi Minh hu cih meng nghe thuat ho hoa bahrau, gam praong prang, gam jaik taphia. Paok tem brei mboh ka hatai thau dhar phol ngan haong Chu tich Ho Chi Minh saong yaok trieu urang jaleih trun ka Taneh ia.

Gam haong dom bruk ngak gah yulit, UBND Ban Can Tho jeng hu ba tabiak bruk peih ngak dom bruk pahadar Harei bangsa negar thun ini. Bruk praong di Danak dak pahadar hu peih ngak di melam 2 bilan 9 di mbang daoh Bein bingu Tay Do, phuong Hưng Phú, Ban Cần Thơ; Peih angaok riya papar binguk Danak dak daoh take salam uan, labik peih ngak di Bein bingu Tay Do, phuong Hưng Phú, langiu di labik ini daok hu pambuak labik  Mblang bein Xà No, phường Vị Tân, Hậu Giang klak saong Khu medil  5A, phường Phú Lợi, tỉnh Sóc Trăng dahlau.

Di phuong Quy Nhon, tinh Gia Lai srap gap peih Raya “Gheih ghang Ceik glai – Tasik hijao pataom” salam uan 80 thun Katmang Bilan Dalipan, harei Bangsa Negar 2/9. Dalam harei Raya, tuai damuai hu mbang 5.000 kaya mbang ngak meng ralaow ikan ya oh mek jien, hu ngak meng dom urang ngak kaya mbang di Viet Nam saong dunya. Langiu di nan daok hu Raya kaya mbang “Meng bhum taneh Bazan saong Tasik”, parang dom ndap nda OCOP, palei ngak bruk bhap bini meng kal, Harei raya ilamo menyum kophi saong kong caing Gia Lai, gam haong rilo danak dak karei karei, parang iek taong gun, me-in kong caing, ragam ragu bangsa…

Muyim Quan khu 9 birau peih bruk parang iek ngan haong kadha “Cach mang Bilan 8 - Peih tabiak sajarah dakrai”. Parang iek piah rik daong bruk pato megru, pachreih jak ba urang jakar, urang lin bol bala Quan khu  9 saong bhap bini, abih di nyu nan lac patagok bruk anit ranam taneh ia, kham merat dalm bruk dak padang saong khik caga Taneh ia. Parang iek yaih khan labaih 300 blah thaok binguk, tai lieu, kaya kan saong labaih 200 baoh tapuk khan ka bruk khang kadang  di bilan thu sajarah thun 1945.

Di harei Bangsa Negar 2/9, Thao Cam Vien Sai Gon peih rilo danak dak adaoh tamia hu asal kadha “Pok meyaom taneh ia”; labik bein meng kal – labik sron mbon saong ilamo, labik puac tapuk oh mek jien ngan haong yaok rituh janih tapuk; labik piah me-in baangal cuah ka uranaih. Tuai damuai daok hu duah thau rilo labik rivang me-in dui pachreih, yau ye: Labik Inem mek Quán Nhan Hương – labik ngak bruk di biet dong Sai Gon, bain kadit, bein ciim hồng hạc, bein athur uranaih…

Danak dak biak mekre di taneh ia cổ đại hu duah mboh di ceik Shamsan, di Yemen birau hu gah Pato megru, Ilamo saong Khoa hoc di Lien ndoan A Rap (ALECSO) ba tame sarak angan Drap ar Kien truc saong Do thi A Rap. Ini lac bruk humak na praong ka sa dalam dom drap ar ilamo lavik thun abih di taneh ia ini. Danak dak ini hu labaih 50 kuang padang ia, min urak ini daok tok 18 kuang ia daok di ceik brei mboh bruk gheih khik halau ia yaok ribau thun dahlau. Ini lac dalam dom labik sirah rivang sajarah saong yulit danei angan abih di Yemen. 

Sa labik parang biak karei bahrau hu peih bambang di Gilang pakat Negar di Cong hoa Sec, parang dom atau talang jeng patau di mukkei urang menuas meng kal hu labaik 3 trieu thun. Tuai rivang me-in di gilang meda hu maong iek thaik 2 atau talang jeng patau di kra dhen menuas danei angan lac Lucy saong Selam, mbang akaok meti hu parang di chau Au. Tui gilang, 2 atau talang jeng patau ini brei thau ka dom tukvak akaok meti di bruk paatagok jeng menuas.  

Cuc Nang luong negar Trung Quoc khan lac, labaih meteh dom radaih bahrau di taneh ia Trung Quoc mboh urang khin peih radaih hacih athak, takik cacbon hu njom tame dalam jalan sahaneng di bhap bini rahra taneh ia ini. Rajaei Trung Quoc pachreih urang ndik radaih ndien gam nang luong hacih tapa dom meyao meyit harak hijao saong ndien hacih, gam peih ngak dom danak iek dahlau bruk pandar radaih saong ndien di dom tinh piah jak ba bhap bini rahra pandar veik rilo nang luong ngak tabiak gilac.