Kien Giang padang ngak palei pala bahrau  

Ban Hà Tiên, tỉnh Kiên Giang birau hu pok brei panuac lac ngak salah bruk padang ngak palei pala birau saong taduan Huân chương Lao động hạng ba di Akok negar. Hadei di labaih 10 thun peih ngak, danak dak pakat negar padang ngak palei pala birau hu jeng bruk pakacah gauk biak chreih chrai, praong dalam di ban Hà Tiên, jalan mbak, bruk ngak mbang kinh te- xã hội  palei pala hu buh jien tame sumu gauk ngak jeng mbaok meta palei pala birau. Mbiah tal ini, jien mek tame di bhum palei  di Hà Tiên hu 56 trieu đồng sa urang sa thun.

6 bilan akaok thun ini, bruk ngak mbang di tỉnh Bạc Liêu hu siam veik biak samar, bruk patagok kinh tế dang ka klau dalam bhum Taneran kraong Cửu Long, hadei di tỉnh Hậu Giang saong ban Cần Thơ. Tui ong Phạm Văn Thiều, akaok UBND tỉnh Bạc Liêu, hadei di tuk jit ruak COVID-19 pasang iek hu, bruk ngak mbang, kinh tế di tỉnh Bạc Liêu hu siam veik samar drah, mek hu rilo jak jeng, siam mekre. Bạc Liêu daok jhul samar bruk klauk jru vaccine Covid-19 mbang ka 3 saong ka 4 ka urang praong thun, peih praong bruk klauk jru ka uranaih.

Piah peih  ngak siam sarak  ka Urang hu angan je dalam bhap bini bangsa takik, dom thun tapa Mban Bangsa tỉnh Bình Thuận pambuak dom gah peih ngak ginup tui sarak yau rivang tadhau ayuh tết, lễ; brei saoh Báo Dân tộc saong Phát triển, Báo Bình Thuận; pathau khan khaw tin; pasram pabak ilamu pathau khan, jak ba ka dom Urang hu angan je dalam bhap bini…Padang dom Kapol Urang hu angan je dalam bhap bini nao rivang iek, bac megru bruk ngak di dom tỉnh ayut sahabat. Meng nan hu samar pachreih ba Urang hu angan je dalam bhap bini bangsa takik patagok siam bruk ngak di puk palei.

Ndom ka danak dak Langyah bruk dauk ia kayua triều cường di dalam ban raya HCM hu kuhria tal bruk biến đổi khí hậu, tukvak ka 1, ong Phan Văn Mãi akaok UBND TP.HCM brei thau: ban raya halain hatain mbaoh tangin brei dui atah tukvak phụ lục hợp đồng min njauk pasang iek veik rilo asal kadha tamuh tabiak kayua gah buh jien tame ba tabiak. Danak dak langyah bruk dauk ia kayua ia tagok tukvak ka 1 lac danak dak praong, piah pacang ia tagok saong caga dom kan kandah di bruk biến đổi khí hậu ka bhum taneh praong 570 km2 ngan haong labaih 6,5 triệu dân. Danak dak hu peih ngak di kreih thun 2016 saong tui kuhria hu ngak salah di thun 2018. Min kayua dom kan kandah tavak tavaiy dalam bruk peih mbaok taneh saong phun jien nan ye tukvak ngak salah hu kadun veik rilo mbang.

Urak ini, yaom pabui diuk di dom tỉnh ĐNB tagok 10 ribau đồng sa kilo. Yaom pabui diuk tagok, nan ye yaom pabui di dom darak meng kan tagok tui. Yaom lac yaom pabui diuk tagok min urang raong glang oh taduan hu laba ralo kayua pabui dalam trang trại raong daok takik. Tui Hiệp hội Raong glang tỉnh Đồng Nai, yaom pabui tagok kayua pandap mbang tagok glong, ruak jit tả pabui Châu phi ngak khat lahik di dom labik gah Barak. Yau nan min makna ba tal yaom pabui tagok kayua urang blei daok pataom pabui pablei tapa Trung Quốc.

Tui panuac khan brei thau di Jerusalem hu Tổng thống Mỹ saong Thủ tướng Israel  mbaoh tangin tame di harei 14/7, sa mbang tra brei thau veik bruk sanya di Mỹ pachreih tui suai lavik saong oh salih karei di Mỹ ka jalan ngak lac 2 taneh ia soang pamaong tal bruk jhul samar palagaih ka bhap bini Israel saong Palestine hu mbang tui dom bruk samu gauk khik tani tanat ka an ninh, tự do saong cak rok patagok siam makre. Gam haong nan, Mỹ sanya oh brei ka Iran hu khik vũ khí hạt nhân, brei thau lac meda ngak yaok bruk meng prein khang di taneh ia piah khik tani tanat bruk ini. 

Mali brei padeih bruk panduan ba di Phái bộ Gìn giữ hòa bình Liên hợp quốc kayua bruk salamat taneh ia. Tapa nan brei mboh bruk catang tagok birau abih dalam talei pambuak bruk di karja Mali saong dom taneh ia di dunya. Mali brei ngak bruk nan 4 harei hadei di tuk chap khik 49 lin Côte d’Ivoire haong panuac lac  "lin taong pah" piah pajaleih karja quân sự Mali. Yau nan min, Côte d’Ivoire brei thau ini lac dom urang lin di Gah Daong Taneh ia.

Tổng thống Sri Lanka Rajapaksa hu payua harak likau padeih bruk tal akaok quốc hội tapa email. Urak ini ka oh thau cambaih bruk brei padeih hu ba tabiak meng jalan email atau meng jalan karei. Dalam tuk nan, MIntri Ngoại giao Singapore brei thau lac ong Rajapaksa hu brei adat tame taneh ia Đông Nam Á ini dalam “sa mbang rivang taeng”, gam tui di nan jeng brei thau lac ong Rajapaksa oh likau tị nạn saong jeng oh hu pabak adat tị nạn./.

Urang lang: Thu Thảo -Ái Nghiêm -15/7