Tui nan, gah ribong kraong Ban raya HCM padang ngak hu labaih 45 danak dak ribaong kraong ngan haong labaih 2.000 km ar pacang  praong sit tapen dom kraong ribaong, gam haong labaih 900 dom danak dak yau pabah ribaong, ar pacang, balai njuk pruh ia…Langiu di nan, daok hu labaih 600 danak dak ar pacang ia ndik gam jalan mbak palei pala hu buh jien tame ngak meng dom thun tapa…

Sang bac Tiểu học saong Trung học cơ sở Đông Giang, huyện Hàm Thuận Bắc, tỉnh Bình Thuận pambuak gauk peih ngak "Harei pataom tapuk saong ilamu puac tapuk haong jaik 1.000 baoh tapuk, daong ka gru saong saih di pak ini hu rilo janih tapuk piah puac piah bac. Tapa ini, dom sruh radaih Gilang tapuk nao mai daok hu pabak brei tapuk, dalikan dom janih hu daong ka dom adei thau hu rilo ilamu bharau tui rilo jalan, yau ye tame internet, pang – iek tapa tivi, pahat pasram ilamu puac eng, bac eng, ngak bruk tui kapul nyaom… Bruk ngak ini piah paglaong sap Việt ka anek saih, abih di nyu lac anek saih tiểu học bhum bangsa takik, lac jalan peih tabiak ka dom adei thau cambaih dom môn bac karei.

Kapol Urang kumei huyen Châu Thành, tỉnh Tây Ninh pambuak haong Kapol Urang kumei huyen Dương Minh Châu birau peih ngak danak dak “Pambuak haong urang kumei bhum taphia negar”. Di danak dak, dua Kapul hu alin brei 50 paok pandap ka 50 urang hội, urang kumei bangsa takik raidiuk kan kandah di xã Hòa Hội, huyện Châu Thành; alin 5 paok phun jien padang mbang ngui ka urang kumei pablei salih, pasiam raidiuk. Tapa ini, Kapol urang kumei  huyen Dương Minh Châu hu mai rivang, alin pandap ka urang jakar, urang lin Đồn Biên phòng Pabah mbang negar  Phước Tân.

Urang ngak nong tỉnh Đồng Tháp pala njam patam baoh kraoh laba jang ngak padai 2-3 mbang, dalam quý 1/2024 dom njam patam baoh kraoh katut panak harei di tỉnh hu 1.120 tỷ đồng. Urak ini, yaom pablei dom janih  njam patam baoh kraoh di Đồng Tháp hu tani tanat. Tui janih hu laba meng 60 - 365 triệu đồng/ha. Tui panuac khan di ong Huỳnh Tất Đạt, Phaok Yam ndok Sở Ngak nong saong patagok palei pala tỉnh Đồng Tháp, kein laba meng bruk ba taneh ngak padai tapa pala njam patam rilo jang 2 - 3 mbang. Urak ini njam patam dalam 2 - 3 bilan lac paik pablei hu, laba meng 50 - 77 triệu đồng/ha nan ye tỉnh Đồng Tháp brei pambak praong bruk ngak ini. 

Piah klak rabha, daong ka mikva kurang ia pandar di bhum pandiak bhang, ia njaom mbak, Kong an xã Biển Bạch Đông, huyện Thới Bình, tỉnh Cà Mau pajeng ba, brei 100 thung ia hacih ka 50 baoh snag; 30 block  ia ka uranaih nao bac; njuk ba ia  tal 28 baoh sang ngan haong  28.000 lit ia pandar ka mikva di bhum thu lagu dalam xã. Dahlau  di nan, Kapol radaih kua kong nghe Bình An, xã Trí Phải, huyện Thới Bình jeng hu alin brei 140 mbang ia menyum ka bhap bini  di labik kurang ia pandar di bhum Biển Bạch.

Di Thái Lan, bruk bayar jien nao mai tapa jalan thanh toán điện tử quốc gia di Thái Lan PromptPay mek hu tanut glaong bahrau dalam thun 2023, dalam tuk cai pandar jien mbaok trun daok biak takik. Kuhria dalam bilan 12/2023, abih tih yaom jien pandar PromptPay daok di tanut glaong haong 76 triệu mbang yaok harei. Tui gilang pariak negar Thái Lan, bruk thanh toán số tagok biak rilo di menuac cai pandar blei pandap dalam dom thun tapa, tuk Thái Lan pamaong tal bruk sa taneh ia oh hu jien mbaok.

Tổng thống Mỹ Joe Biden saong Thủ tướng Iraq Mohamed Shia al-Sudani njauk gauk  brei khik kham merat pamong tal bruk mek mai veik lien minh quan sư, kayua Mỹ dang kaok, piah pacang veik kol cực đoan di taneh ia Trung Đông ini. Dua gah brei pasang iek dom bruk, dalam nan hu bruk taong tame gam gam di IS, bruk caong daong di Rajaei Iraq, jeng yau bruk pakajap gah an ninh di taneh ia Trung Đông ini. Lien minh quan su kayua Mỹ ba akok hu padang tagok di thun 2014 piah mesruh pacang kol IS. Tuk nan, IS meblah jaik 30% taneh riya  Iraq saong rilo labik di Syria.

Hu takik di abih 19 urang matai hadei di tuk sa sruh radaih buýt saong sa sruh radaih ô tô saok gauk angaok jalan Oyo-Ogbomoso di bang Oyo negar Nigeria. Tui panuac khan di Gah tui iek salamat jalan radaih Nigeria, bala mai meng 2 radaih peih nduac suan hukum jalan cao tốc, 2 sruh radaih khuah chip hadei di tuk ginuh tame gauk, tok hu 1 urang daok diuk saong daok hu tui iek prein yava di sang iek ruak jaik nan. Bruk radaih ginuh gauk ngak brei menuac matai lac bruk bhian hu mboh di Nigeria kayua dom makna lac radaih pajeng tapa prein, jalan mbak oh siam saong urang peih nduac radaih oh tui hukum jalan mbak./.