Danak dak 1 hecta padai peih ngak di Bhum taneran kraong Cuu Long rik tame ngak brei salih jalan pala drak, jalan sahaneng ka bruk ngak padai brah. Hadei gam tinh, ban, Ban Can Tho birau urak ini dang ka dua di Bhum taneran kraong Cuu Long ka padai ngan haong 4,6 trieu tan sa thun, hadei di An Giang padai yuak yaok thun 9 trieu tan. Yau nan ye, Ban Can Tho brei dak padang jalan ngak saong peih ngak tui bhum pala cambaic laic, gam daong ka HTX paglong prein ngak tabiak, pakhang bruk pala drak; jhul pakhang bruk ba mac moc tame pala drak.

Hadei pagam tinh Cà Mau saong tỉnh Bac Liêu, tinh Cà Mau birau peih ngak rilo bruk catang piah dak ramik veik bruk ngak karja saong urang ngak bruk: Khik brei tani tanat raidiuk  urang jakar hadei pagam; Lagaih haong prein ngak bruk, chuyen mon saong bruk ngak; Brei palih ruah rajakar hu ilamo dalam bruk ngak, thau jalan chinh tri tani tanat, tantu. Tapa pasang iek, dom phuong, xã daok khin hu urang jakar kong chuc, vien chuc chuyen ngak 198 bruk. So Noi vu Ca Mau daok khan tagok jabat karja hu tham quyen brei langyah, dak ramik  pabak urang ngak ka pakat bhum palei.

So Ngak nong saong moi truong TPHCM brei khik tamo yaom taneh hu ba tabiak  blaoh di klau xa, phuong, pagam tame dom sarak yaom taneh ka TPHCM kuhria meng harei 1-1-2026. Urang ngak praong di Sở Tai nguyen - Moi truong TPHCM khan lac bruk khik tamo dom sarak meda hu daong tani tanat yaom kaom darak pasar dalam tuk daok suai damuai hu gilac veik, brei mboh njauk haong bruk blei di yaok bhum saong hu tukvak piah kuhria caga du lieu pagam tame hasa yaom taneh.

Hadei tuk trun yaom biar dalam quy 2 meng blaoh, yaom baoh manuk di dom var raong di bhum Dong Nam bo daok patagok ralo. Rilo var raong manuk yaom pablei meng 2.200 - 3.000 dong sa baoh. Ong Nguyen Thanh Son, Akok Kapol Manuk ada Viet Nam mboh lac, urak ini jit tả pabui chau Phi daok tamuh ba tal urang salih tapa mbang rilo saong baoh manuk ada, kaya dalam ia, ba tal yaom baoh manuk tagok glong. Yaom baoh manuk tagok lac hu laba ka urang raong glang. Yau nan min, meyah mikva raong parilo taphon manuk ada oh khik iek hu meda ba tal ngak tabiak rilo urang caong blei takik, labaih labua yaom trun lap.

Kong an TPHCM birau daong hu siam 28 urang njauk chap mek online. Dalam nan hu rilo urang kumei njauk pachot pagat pablei tapa negar Campuchia dalam bilan 7 meng blaoh. Kuhria dalam 7 bilan tapa, Kong an Ban raya HCM ba tabiak langyah 4 mbang pablei manuac, hu 27 urang njauk ba tabiak langyah. Anak bruk srau kadau di kol duis chap mek manuac online, Kong an TPHCM iew dom jabat pambuak tal brei pathau khan, pacang caga saong thau ka kol dius rah tabiak bala.

Rajaei Thai Lan birau ini hu ba tabiak dom jalan piah daong dom bhap bini panduan ba nao labik karei kayua mesruh metak di labik taphia negar Thai Lan -Capuchia mai sang. Dalam nan, dom jabat rajaei pambuak haong dom jabat chuc nang paka ini jhul pasamar bruk nan. Langiu di nan, Thai Lan brei pasang iek bruk khut tayak sang daok saong dom drap ar karei di mikva. Dom bol bala saong bhap bini rahra jeng hu daong ka bhap bini hu pandar kadung jien tui sarak jeng yau dom jien rik daong karei.

Urang hu mbaok tame bol lin Han Quoc hu trun 20% dalam 6 bilan tapa, ralo lac bruk trun ralo urang lin likei dalam umo thun tame ngak lin di taneh ia ndih tapui anek takik abih di dunya ini. Han Quoc nan lac sa dalam dom taneh ia hu urang taha samar ralo saong takik ndih tapui anek di dunya, di tanut 0,75  thun 2024. Ini lac uranaih kuhria rah tapa  sa urang kumei kuhria ndih tapui dalam raidiuk di drei.

Rajaei Indonesia ba tabiak truh 228.000 urang tabiak truh danak dak daong jien karja, hadei thau lac dom urang nan me-in mbia mbang jien online atau oh daok njauk tui kadha sarak daong jien di karja. Urak ini, Mentri Xa hoi Indonesia daok pasang iek veik 375.000 urang hu mbang tui sarak medil lac suan. Dalam nan hu jabat pasang iek tai khoan gilang pariak, harak ho so ngak bruk saong bruk ngak jien padai di urang, dalam nan hu jien labaih oh lagaih haong bruk mbang tui sarak karja./.