Dom labik pakacah ralo meng caik di dom sang bac THCS saong dom sang bac THPT. Thun ini, TPHCM hu  98.681 anek saih tal bac 9 tut angan pakacah tame tal bac 10. Yau nan, mbang pakacah tal 10 thun ini meda hu 78,3% anek saih pakacah gam tame tal 10 karja. Abih tih dalam ban hu 16.252 anek saih oh tut angan pakacah tame tal bac 10. Dalam nan ralo anek saih palih ruah bruk bac di dom sang bac cao đẳng atau trung cấp, bac megru di TTGDTX-GDNN atau patui bruk bac megru di dom sang bac tư thục.

 Piah khik ka bruk peih Mbang pakacah tamat THPT hu siam mekre, salamat, njauk adat pakacah, Mban tacei pato Mbang pakacah tamat trung học phổ thông thun 2024 tỉnh Đồng Tháp ieu kakei So pato magru pambuak bruk haong dom gah pambuak tal rami ramik dom labik pakacah lagaih gah jalan mbak nao mai, labik mbang labik padeih padai ka anek saih; khik kajap bruk hacih saat pandap mbang; bruk khik caga siam makre ka dom labik pakacah. Gam haong nan nan, pambuak bruk haong Kapul dam dara, dom gah pambuak tal, daong ka dom anek saih lac anek kamuan di sang sarak kanja, sang kathaot, sang gaok kan kandah hu mbaok tame mbang pakacah; abih di nyu nan lac oh caik ka anek saih klak pakacah kayua oh hu jien atau nao mai gaok kan kandah.

Urak ini, di rilo palei hu pala durian di Bình Phước, phun metai kayua njom ruak dak harei dak rilo. Tui Chi cục Pala drak saong Khik caga phun pala, rilo taneh pala durian metai kayua pandiak bhang saong njomruak bimao. Bruk njom ruak rah tabiak ralo labik dalam tỉnh. Urak ini, kuhria taong abih taneh pala durian  di Bình Phước labaih 5.300 ha. Bình Phước daok tacei pato jalan peih praong taneh pala durian tagok meng 8.000-10.000 ha tui jalan ngak nong cong nghe glong, pambuak dom labik pabak pandap duh ka bruk pablei tapa negar langiu.

Hadei di tuk mbao chi brei thau lac “hu halei oh bruk tuh cuah tame nền jalan nduac samar ngak metai padai?”, kanja di Hậu Giang saong dom gah  pambuak tal hu mbang ngak bruk piah daong dom khat lahik ka urang ngak nong. Dom jabat chuyên môn jeng ndem lac, mblang taneh pala padai rah tui jalan nduac samar Cần Thơ-Cà Mau, labik nao tapa puk 9, xã Vị Thắng, huyện Vị Thủy njauk kan kandah lac kayua njom ia mbak ngan haong nong do ia mbak glaong. Jalan ngak di dom gah pambuak tal lac yaom lac ka oh thau makna, min  oh caik ka rahra njauk khat lahik; gam haong nan, sanya hu jalan ngak piah khik siam ka padai di rahra dalam tuk ngak jalan.

Sa sruh jit ruak laka cambuai tapaok kakau di athur raong bahrau hu mboh di xã Đăk Jơ Ta, huyện Mang Yang, tỉnh Gia Lai. Hadei di tuk mboh saong tabiak panuac lac hu jit, karja palei di labik ini daok kham pacang, padam jit ruak. Yau nan min, urak ini jaik abih athur raong oh hu klauk jru caga ruak. Kadha nan ba tal bruk padam jit  jneg yau pacang caga jit ruak njom mbak mboh dahlau lac gaok rilo kan kandah. Urak ini, gah chức năng  hu pathau khan, jak ba bhap bini brei caik athur ruak daok karei di dom drei athur khang kajap; tui nan pambuak hoang pasak jit vu ngak nong di huyen piah peih bruk taong ruak ka dom drei daok ruak.

 Yaom lac lam phat di Mỹ mboh trun dalam bilan 4 min tui kuhria yaom kaom jeng daok glaong. Bruk ini daok ngak brei salih karei bruk bhian randap blei pandar di gah kinh te praong abih di dunya – lac labik hu bruk pandar mek phun jien rik tame 80% bruk patagok. Blah mbao Thời báo phố Wall hu pataom mek panuac di yaok ratuh urang puac harak mbao hu ndem ka bruk pacang caga haong yaom kaom tagok glaong. Rilo urang brei thau lac, urang ngak catang bruk oh mbang langiu, dalam tuk dom urang karei pandar phiếu trun yaom tuk nao darak pasa yaok adit. Bruk bhian randap blei pandar ini ngak ka yaom jien mek tame di rilo labik pablei lẻ di Mỹ trun dalam quý I.

Tui harak pathau khan birau meng Gah Y tế dunya (WHO), dom ruak njom mbak tapa jalan ndih daok likei kumei lac daok lac dom cuang kandah praong ka prein yawa di bhap bini dunya saong ngak brei 2,5 trieu urang metai yaok thun. Tui Tổng Giám đốc WHO, dom urang ruak giang mai dak harei dak tagok lac sa dalam dom bruk having akaok ralo, yaom lac patuah manuac sia naih joi rilo dalam bruk dut iek ruak, taong ruak, taom gaok. Kuhria ta-eng 4 ruak njom mbak tapa jalan ndih daok di likei kumei bhian hu ralo abih lac: giang mai, lậu, chlamydia saong trichomonas ye hu labaih 1 trieu urang nhiem trung yaok harei.

Hajan khang rahtabiak veik di rilo bhum palei di gah maraong negar Brazil, ngak brei ia dauk veik di rilo bhum bo dahlau di nan oh njauk dauk. Tui Viện kuhria mboh dahlau bruk langik tasik negar, dalam labaih 12 maong, rilo bhum palei pak Porto Alegre hu ia hajan rilo jang tanut kuhria rah tapa di dalam bilan. Ia hajan ba theik dom nerak tachrauk hu rami ramik hadei di mbang ia dauk dahlau di nan, ngak ka bruk dauk ia jeng trak damak jang. Mbang hajan ia sua khang meng blaoh di gah maraong negar Brazil ngak ka 163 urang metai, labaih 600.000 urang panduan ba nao daok di labik karei, 64 urang daok lahik ka oh duah mboh./.