Nyaom pandap brah, rilo pabui, saradang…pablei khik yaom yau klaak

Dang akok nyom biai ka bruk pabak điện, pabak dhang, khí ka bruk ngak tabiak điện, khik kajap năng lượng rah tabiak di biar harei 3-4 di jabat Rajaei, Thủ tướng Rajaei Phạm Minh Chính iew dom pakat, dom gah, jabat, đơn vị pambuak tal njauk brei paglong jalan sahaneng, bruk ngak, tui chức năng, bruk ngak, tui iek kajap bruk rah tabiak, ba tabiak dom jalan ngak khik kajap gah điện duh ka bruk ngak mbang, bruk pandar di bhap bini, ngan saong yaom lagaih.

Pahadar harei Tết meng kan bangsa Khơ me Chol Chnam Thmay 2022, Kapul ngak bruk dalam nan hu dom urang di Hội đồng bangsa di Quốc hội song Ủy ban bangsa hu mai rivang, tadhau yhut Tết di baha Monivongsa, ban Cà Mau song baha Rạch Giồng, huyện Thới Bình, tỉnh Cà Mau. Jeng dalam mbang ni, Hội đồng bangsa hu brei tỉnh Cà Mau 100 triệu đồng piah tỉnh iek glang, brei pandap ka mik va bangsa Khơ me, boh sang kathaot song urang hu angan je.

Ban raya HCM brei ba tabiak yaom pablei dom janih pandap pandar yaok harei tame danak dak pablei khik yaom darak pasar thun 2022 saong Tết Quý Mão 2023. Tui nan, dom janih rilo manuk saong baoh manuk ada pablei yaom glong jang yaom dahlau meng 7 -14%. Nyaom pandap brah, rilo pabui, saradang…pablei khik yaom yau klaak. Ini lac kham merat di ban raya piah pablei khik yaom darak pasar, klak rabha kan kandah saong urang blei pandar.

Hajan ia sua dalam dom harei tapa di gah kreh negar ngak ka 2 urang metai, 1 urang lahik song 5 urang njauk rambua; jaik 2 rabau 600 lồng bè njauk khat lahik; labaih 88 ribau ha padai song jaik 17 ribau ha njam patam njauk ia dauh. Văn phòng Thường trực Mban tacei jalan pakat negar ka pacang caga bala meng langik tasik hu panuac kakei dom tỉnh ban samar pasiam dom khat lahik, dong ka bhap bini pandap mbang hua, oh caik ka boh sang halei eik lipa. Dahlau di nan, Thủ tướng rajaei jeng hu công điện ieu dom jabat chức năng pataom tame ramik pasiam dom khut khat meng hajan ia sua di gah kreh negar.

Sa bala mblung ia biak pandik harao birau rah tabiak tuk biar harei kabroi 3-4 di xã Hoà Hiệp, huyện Xuyên Mộc, tỉnh Bà Rịa - Vũng Tàu ba tal 4 anek saih bac tal 7 metaio. Tui panuac khan tuk camereip, di mon 2 biar harei nan, sa nyaom anek saih jak gauk nao ma-in saong menei di binek Suối Cát. Dalam tuk menei, hu 4 adei kumei blung ia, urang daong srong tagok min metai abih.

Tổng thống Secbia Aleksandar Vucic brei thau lac jayah pak dalam mbang camereip di bruk palih ruah tổng thống rah tabiak harei kabroi. Ong Vucic pakacah tame nhiệm kỳ tổng thống ka 2 ngan song panuac sinya ba mai sron mbon song tani tanat ka Secbia dalam tuk bruk mesruh gauk di Ucraina dok ngak kan kandah ka taneh ia ni tuk brei palih ruah talei rohim meng kan song Nga song cong khin hu mbaok tame Liên minh châu Âu (EU). Tui kuhria, bruk pilih ruah hu Ủy ban Bầu cử pathau khan di melam ni 4/4 tui tuk vak pak nan.

Trung Quốc birau duah mboh sa janih anek ruak di biến thể Omicron oh ka bhian mboh dahlau di nan. Tui dom urang y tế, janih nan tamuh meng dhar BA.1.1 di biến thể Omicro saong hu duah mboh di sa urang njom ruak Covid-19 hanjol di Tô Châu, tỉnh Giang Tô. Tapa langyah gien hu mboh, janih anek ruak ini oh dreih haong dom janih biền thể karei daok njom mbak di Trung Quốc jeng yau di dunya.

Cảnh sát bang California, Mỹ, urak ni dok duah takik di abih 1 urang pagam tal bruk cuh phao rah tabiak tuk mesup harei 3/4 (tui tuk vak pak nan) ngak ka 6 urang metai song 10 urang njauk rambuac. Urang jakar pak nan urak ni oh ka duah tabiak du urang halei hu mbaok tame mbang cuh phao song dok hu panuac ieu rahra pabak khau tin piah duah thau urang pametai menuac./.

Urang lang: Bhumi – Hani Pha – 04/04