Page ini 20/6, Sở Pato megru Ban raya HCM brei thau điểm pakacah tame tal bac 10 di karja thun bac 2023 -2024 di jaik 96.000 anek saih. Tui nan, anek saih hu tanut pakacah glong abih kuhria taong 3 mon Toán, Ngữ văn saong Ngoại ngữ mbang pakacah thun ini lac 29,25/30 điểm. Cambaic laic lac anek saih ini hu tanut pakacah Ngữ văn lac 9,25, Toán saong Tiếng anh mek hu 10 điểm yau gauk. Tui nan, anek saih ini daok lac urang hu tanut pakacah mon Ngữ văn glong abih TPHCM. Dahlau di nan, tui Sở Pato megru Ban raya, tanut 3 mon pakacah Ngữ văn, Toán saong Ngoại ngữ pakacah tame tal bac 10 thun ini oh hu karei hagait ralo dut saong  thun dahlau. Mon Ngoại ngữ lac mon pakacah  hu anek saih pakacah mek hu tanut 8 tagok ralo abih ngan haong labaih 32% anek saih.

Hadei di tuk Mintri jalan mbak pajeng ba ramik veik quy hoạch mblang kapal haok Phú Quốc, Tổng Cty Cảng hàng không Việt Nam meda pathau khan pakat hu thẩm quyền buh jien tame ngak sang ga tuai damuai T2 hu prein taduan raok 6 triệu tuai sa thun, patagok abih tih prein raok taduan tuai di mbalng kapal haok ini lac 10 triệu tuai sa thun. Tal thun 2022, mblang kapal haok Phú Quốc taduan raok hu labaih 5 triệu 500 rabau mbang tuai gam haong 90 - 100 mbang par yaok harei. Tui kuhria tal thun 2025 dom tuai damuai tapa mblang kapal haok Phú Quốc hu jaik 7 triệu mbang urang.

Anak bruk ruak tangin, takai, cambuai tagok samar dalam dom adit jaik ini gam haong bruk gilac tamuh veik di Enterovirus 71 genotype B5, tui kuhria mboh dahlau  tukvak anak tal meda hu rilo urang ruak trak saong meda ba tal metai, Sở Y tế TP.HCM ba tabiak 3 jalan ngak brei caga. Dalam  nan, urang ruak trak , meng 2A tagok, kuhria mboh meblah labaih 10% urang ruak daok iek ruak di sang. Tui harak pathau khan di Viện Pasteur TP.HCM, meng akok thun mbiah tal ini, di bhum gah Meraong negar  hu 9.028 mbang  urang ruak tangin takai cambuai, dalam nan hu 4 urang metai ngan haong ruak tangin takai cambuai pakat 4, kayua Enterovirus 71. 

Tui yaok pataom di hải quan brei mboh lac durian pablei tabiak negar langiu tagok khang dalam bilan 5, pataom veik 5 bilan akaok thun pablei tabiak negar langiu janih baoh ini hu labaih meteh tỉ USD.Tổng cục Hải quan bahrau brei thau bruk blei tame, pablei tabiak pandap panda di Việt Nam bilan 5 saong 5 bilan thun 2023. Dalam nan, gah njam patam baoh kraoh dalam bilan 5 ba mai 656 triệu USD, tagok 67,7% duk haong bilan dahlau. Kuhria abih 5 bilan akaok thun, yaom pablei tabiak negar langiu dom pandap ini hu tal 2,03 tỉ USD, glaong abih kuhria meng dahlau mai saong tgaok tal 42,9% duk haong tukvak ini thun dahlau, samu 608 triệu USD.

Urak ini, dom gah chức năng tỉnh Bến Tre saong UB bhap bini huyen Chợ Lách daok padang ngak Danak dak  “ Patagok  phun pajaih saong bingu kieng Chợ Lách  pakat dunya”. Tapa nan, ngak brei pabak prein khang ka jalan tacei ba buh jien tame ngak mbang saong ngak tabiak pajaih phun pala, bingu kieng, daong ka bhap bini duah jien tame glong. Mbiah tal ini, tỉnh Bến Tre  hu labaih 8.000 baoh sang pala drak, pablei salih  phun pajaih ngan haong ralo jnaih yau:  Durien, sakmao -chôm chôm, măng cụt, pa-ok , darang, panat…

Yaom lac dalam saman internet pabak riyak daong pambuan payua panuac kakei saong ieu phone video, cảnh sát bang Odisha gah timur Ấn Độ jeng daok caong khin saong pato pasram 1 tapon cim katrau piah ba tin, caga tuk hu bala meng langik tasik ngak ka jalan talei cakak klaoh, oh ieu phone hu. Hu meng saman thuộc địa Anh tuk dom đồn cảnh sát pandar dom drei cim katrau piah ndom biai nao mai haong gauk, kapul cim katrau pajeng ba di bang Ođisa hu labaih 100 drei cim katrau Homer di Bỉ. Ong Satish Kumar Gajbhiye – Tổng thanh tra cảnh sát di  bang Ođisa brei thau, cảnh sát khik ramik dom drei cim katrau kayua yaom glaong inem kraung di nyu saong piah khik ramik ka dom rairah harei hadei.

Tui harak pathau khan birau di Pasak Dunya ka Bruk patagok Ceik Tích hợp, dom kraong ia khan di talei ceik Hindu Kush di Trung saong Nam Á, gah pai di talei ceik Himalaya, ralai meda lahik tal 75% the tich di puac abap ini kayua baoh taneh pandiak tagok, ba tal ia sua mbuan gaok bala saong kurang ia pandar di 240 trieu urang daok diukrai di bhum ceik. Dalam dom thun kuhria meng thun 2010, dom kraong ia khan  ralai samar jang tal 65% dut saong abap dahlau. Ong Philippus Wester nan lac sa urang ilamu moi truong  brei thau, dunya  daok lahik  nao dom kraong ia khan saong meda lahik abih tih hadei 100 thun tra.

Meyah daok njauk palai pajoa, baoh taneh saong langik tasik di baoh taneh meda jeng srau kadau saong oh mai veik hu tani tanat, nan lac panuac khan brei thau dahlau di dom urang ilamu, khoa học vật lý Alex Bernadini di Đại học Porto (Bồ Đào Nha). Rilo thun ini mai, bruk langik tasik di baoh taneh kan kandah rah tabiak rillo jang. Khuah glai khang, rabuk khang, pandiak khang glaong di abih. Dom urang ilamu jeng hu panuac brei thau, ini lac bruk mai meng bruk ngak di anek menuac, pagap yau am cuh nhiên liệu hóa thạch, jah tak glai saong patagok bruk ngak nong. Meyah baoh taneh daok njauk palai pajoa jhak jang, ye baoh taneh saong langik tasik meda jeng srau kadau saong oh mai veik hu bruk tani tanat./.