Urang F1 hu ngak bruk pak di labik 

Ủy ban Thường vụ Quốc Hoi hu brei tapa Sarak ka maong ngak viek dalam 1 bilan saong dalam sa thun di urang ngak dalam tukvak pacang caga jit COVID-19 saong pasiam veik, cak rok patagok kinh tế - xã hội. Tui nan, meyah urang pah manuac ngak caong hu saong taduan hu bruk pachrieh tui di urang ngak, hu pandar urang ngak brei ngak viek labaih 200 maong min oh tapa 300 maong dalam 1 thun. Meyah njauk ngak viek maong, urang pah manuac ngak njauk peih ngak dom bruk phúc lợi khik tani tanat ka urang ngak hu siam lagaih jang dut saong adat hukum ka manuac ngak bruk.

Ban raya HCM daok brei ka F1 hu klauk ginup  vắc xin atau njauk ruak COVID-19 dalam  3 bilan hu adat nao ngak bruk, nao bac. Min, eng drei brei tui iek pren yava takik di abih lac 10 harei , peih bruk dut iek dalam harei ka 5 song tuk mboh  hu hagait medhi lac njom COVID-19. Dalam tuk vak ni, F1 nao mai meng labik dok tal labik bac, labik ngak bruk meng radaih di drei , bhian cuk patiah pacang mbaok ; rao tangin meng ia jru pametai anek ruak, oh pandar pandap panda haong gauk dalam tuk mbang huak, ngak bruk, bac daa.

Huyện Long Thành, tỉnh Đồng Nai bahrau jao 233 ha taneh ka Tổng công ty Mblang kapar haoh Việt Nam (ACV) duh ka Danak dak mblang kapar haoh Long Thành tukvak 1. Piah padang ngak mblang kapar haoh Long Thành, Đồng Nai njauk langyah mbaok haluk 5.000 ha. Tui sanyah di tỉnh haong jabat pakat negar, puac bilan 3 ini, dalam tinh meda ngak salah bruk jao abih tih mbaok haluk tukvak ka 1. Quý II/2022, meda salah bruk jao abih tih mblang taneh pabak ka danak dak. Di bruk ngak mbang kapar haoh Long Thành, hadei di labaih 1 thun peih ngak, po buh jien tame hu peih bruk pasang iek, palai klaak bom mìn, padang paga, daning saong daok peih bruk ngak pasiam mbaok taneh, tathaok ia. min, kayua oh ka ginup mbaok haluk nan ye ka oh ngak pasiam hu.

Tal puac thun  2021, tỉnh Bình Thuận hu  69/93 xã mek hu tanut palei pala bahrau ngan saong 16,6 tanut  sa xã; jien mek tame kuhria rah tapa tui akaok menuac  hu labaih  46,6 triệu đồng sa urang dalam sa thun, glong jang  3 mbang dut song tuk vak bahrau peih bruk padang ngak palei pala bahrau di thun 2010. Huyện bhum ceik  Đức Linh lac sa dalam dom labik  hadah krah dalam bruk peih ngak danak dak pakat negar padang ngak palei pala bahrau di tỉnh song dok kham merat tal thun  2025 mek hu tanut huyện palei pala bahrau  patagok  ngan saong taong abih xã mek hu tanut palei pala bahrau paglong.

Ủy ban Bhap bini ban Đồng Xoài, tỉnh Bình Phước bahrau ieu kakei padeih bruk parabha mblang taneh ngak nong di pak ini. Di ban Đồng Xoài daok tamuh rilo bruk lac kapul, manuac urang daok pagaik cakaoh phun pala di mbang taneh,  san ủi mbaok haluk saong  eng drei peih jalan tuk ka oh hu jabat hu thẩm quyền brei ngak; eng drei parabha lo taneh ngak nong, yaih khan taneh di danak dak bhum bhap bini, yaih khan pablei di mangaok mạng xã hội. Bruk parabha biak rilo mbang taneh ba tal bruk ngak tayah quy hoạch di rilo gah, ngak kan kandah tal bruk pachrieh buh jien tame di ban.

Hội đồng bảo an Liên hợp quốc (HĐBA LHQ) hu 15 thành viên oh meda tapa hu sa sarak ka bruk pahla di  Ukraine tuk hu  Nga song  Trung Quốc plaik phiếu pachreih tui, dalam tuk  13 thành viên dok veik plaik  phiếu patih. Kayua yau nan ye, sarak kayua  Nga pok tagok njauk klaak. Sarak kayua Nga batabiak ka bruk dong pabak bruk pahla song khik caga rahra di  Ukraine, min oh ndom tal bruk ngak di  Nga dalam bruk mesruh gauk di Ukraine.

Dalam tuk jit praong Covid-19 pasang iek hu rilo siam lagaih, rajaei Indonesia brei pacadu dom bruk tame negar, nao mai dalam taneh ia saong dom bruk agama dahlau di tuk bilan eik Ramadan thun 2022 di urang Islam. Rajaei jeng taoh klaak bruk pakauk nao mai biak rilo, sa bruk ngak hu meng kan mai di Indonesia mai gilac palei negar dalam bilan Ramadan saong harei Roya Eid al-Fitr min brei klauk ginup 2 mbang vaccine Covid-19.

Hadei di jiak 2 thun ba tabiak ngak dom jalan pacang veik piah pacang caga jit  Covid-19, yaok ribau urang  Australia bahrau hu mai veik haong rai duik siam mekre bahrau dok dang anak dom bruk oh siam ka prein yava pren yava . Sa janih virus karei dok hu mboh di Australia song hu rilo triệu chứng dreih yau Covid-19. Virus hu angan ieu “siêu cảm lạnh” mboh lac daok njom mbak samar di taneh ia ni,  song hu dom triệu chứng ngak ka rilo urang camereip  medhi drei njom Covid-19, min, dom dut iek jeng brei  âm tính. Di puac thun  2021, dom urang njom siêu cảm lạnh jeng tagok khang di  Anh, tuk dom jalan pacang veik hu yah klaak./.

Urang lang: Hanipha- Thu Thảo- 24/3