Anak bruk gilai ikan di urang taong ikan Việt Nam, dalam nan hu urang taong ikan dom tinh tapen tasik bhum ĐBSCL ngak suan bruk taong mek kaya ikan suan adat hukum, oh pathau khan saong oh tui njauk adat (IUU) jeng daok rahtabiak, Bộ Tư lệnh bhum Cảnh sát 4 brei thau, sa dalam dom bruk ngak   hu makna praong di kapul lac daok pathau khan dom jalan pacang caga taong mek kaya tasik suan hukum, oh pathau khan saong oh tui njauk adat. Tukvak tapa, Bộ Tư lệnh bhum peih ngak hu jak jeng danak dak jak ba “Cảnh sát tasik pambuak haong urang taong ikan” di 9 xã dalam 8 huyện di 03 tỉnh Kiên Giang, Cà Mau, Sóc Trăng, khik caga khang kajap quyen ngak po tasik, kaoh pulao, khik ramik an ninh trật tự, salamat di bhum tasik khik ramik.

Meng hadei di Tet Nguyen dan mbiah tal ini, Ban raya HCM daok khik hu bruk ngak di labaih 98% cửa hàng xang menyek, pabak sumu bruk blei pandar di bhap bini. Urak ini, hu 6 cửa hàng pablei xăng menyek padeih ngak bruk. Tukvak anak tal, Sở Công thương Ban raya daok pambuak bruk haong gah khik iek darak pasar saong dom quan huyen tui iek bruk ngak di dom labik pablei xăng; khik brei dom cửa hàng ngak bruk gam gam, pabak xăng menyek ginup ka bhap bini dalam ban.

Di gah Pai negar, kayua yaom durain daok tagok glaong, rilo urang nong di gah Pai brei cacak klaak rilo janih phun pala klak piah salih tapa pala phun durain. Di rilo huyện di Cần Thơ jeng hu bruk urang nong daok nduac tui bruk pala durain, hadei di tuk hu khau tin lac durain hu pablei tabiak negar langiu tui jalan chính ngạch tame darak pasa Trung Quốc. Urak ini, abih tih mblang taneh pala durain di Cần Thơ hu labaih 2.500ha. Oh lac di Cần Thơ, dom tinh, ban yau ye Tiền Giang, Hậu Giang... jeng daok ba gauk salih tapa pala janih phun ini. 

Daok di Vĩnh Long, mikva urang ngak nong daok laik tame kan kandah kayua kruac cam sành laik yaom, hu janih yaom trun daok meng 1.000 - 2.000 đồng sa kilo. Yaom kruac trun kayua hu biak rilo labik pala. Di rilo huyen di Vĩnh Long bhap bini jak gauk pala kruac. Rilo bhap bini di tỉnh karei jeng tuh mai Vĩnh Long pah taneh pala kruac. Di huyện Trà Ôn, labik pala kruac rilo abih di Vĩnh Long hu labaih 9.000 ha taneh pala kruac ye yaok harei huyen ini labaih veik mangaok 1.000 tấn baoh.

Harei ini (lac harei 20 bingun bilan Sa thun Sak tapai), quận Bình Thủy, ban Cần Thơ peih ngak dalam praong prang Harei pathi mbang ka 151 di urang danei angan ilamo Thủ khoa Bùi Hữu Nghĩa. Thủ khoa Bùi Hữu Nghĩa mek angan lac Nghi Chi, ndih tapui thun 1807, lahik di thun 1872, palei daok di puk Bình Thủy, Tổng Vĩnh Định, Châu Định Viễn, dinh Vĩnh Trấn (urak ini lac quận Bình Thủy, ban Cần Thơ). Thun 1835, ong đỗ thủ khoa mbang pacacah Hương saong tabiak ngak quan saman patao Nguyễn. rai diuk saong bruk ngak ariya, văn di Thủ khoa Bùi Hữu Nghĩa lac kreih camin ka hatai tantu cambaih laih, abih prein ka rahra, ka palei negar, khang hatai mesuh pacang bruk kateik greik, jhak tal rahra.

Tui hãng tin AFP, urak ini dom menuac metai dalam mbang megei baoh taneh di Thổ Nhĩ Kỳ saong Syria tagok tal labaih 21.000 urang, dalam tuk bruk caong duah hu menuac daok diuk dak harei dak takik nao. Dom chuyên gia huac lac menuac metai daok tagok khang dalam tuk langik la-an. Yaom lac hu dom kan kandah, min yaok rabau urang jeng daok hu mbaok tame kapul cứu nạn di dua taneh ia saong dunya jeng daok kham merat duah dom menuac daok diuk 

Tổng thống Mỹ brei thau lac, bruk khinh khí cầu Trung Quốc par tapa bhum langik di Mỹ nyu suan hukum di dunya, min ini oh lac bruk ngak suan trak. Panuac di Tổng thống Mỹ nyu nao cagar veik haong jalan sahneng di Hạ viện Mỹ. Dahlau di nan, harei 9/2 Hạ viện Mỹ njauk gauk pachreih tui sa sarak phản đối bruk khinh khí cầu Trung Quốc par tapa bhum langik di taneh ia ini, maong ini lac bruk lih tame khang quyen ngak po di Mỹ.

Dalam mbang ginum biai haong dom urang ngak praong Sudan di ban ine Khartoum, Ngoại trưởng Nga hu sanya lac pachreih tui panuac ieu di Sudan ka bruk yah klaak dom bruk taong phat suai lavik di Hội đồng bảo an Liên hợp quốc ngan haong taneh ia châu Phi ini. Sudan jaik di ini hu rilo mbang ieu Hội đồng Bảo an yah klaak dom jalan taong phat tame taneh ia ini meng di thun 2005, dalam nan hu bruk pakauk phao ndao, pakauk nao mai saong kareik abih drap ar ngan haong dom urang hu mbaok tame bruk mesuh gauk di bhum Darfur./.