Lien doan Lao dong TP.HCM pambuak haong UB Bhap bini Ban Thu Duc peih ngak dom bruk: Adit “Bui sambai uan raok Tet Viet”, “ Harei jum pataom urang ngak kong – Nyaom darak pasar anit ranam” haong bruk blei pandap panda oh bayar jien mbaok. Yaok sa urang ngak kong hu mbaok dalam danak dak hu alin harak piah blei pandap panda yaom 1 trieu ndong. Ngan haong nan, 300 urang ngak kong gaok kan kandah ye hu alin yaok sa urang sa paok pandap yaom 500.000 ndong , dom kaya pandap harei Tet. Danak dak peih ngak tal abih harei 23/1/2025 haong 70 doanh nghiep hu 100 gilang pandap, pablei pandap lap ka urang ngak kong.

Tinh Hau Giang padang rilo kapol nyaom mai rivang, alin pandap ka Amaik Viet Nam anh hung, Bok pan phao karaong, urang thuong binh, benh binh…saong tadhau ayuh dom urang taha umo 100 thun  tuk Tet Nguyen ndan Ula Naih 2025. Var ni, dom kapol urang jakar hu alin ka yaok Amaik Viet Nam anh hung, thuong binh pandap Tet saong jien 2 trieu ndong; alin Thiep uan umo 100 thun di Akok negar saong 5 met khan bai tanyiak, 1 paok pandap lac 1trieu 300 ribau ndong di tỉnh tal dom urang taha umo 100 thun.

Tinh Dak Lak barau hu dua pandap panda akaok mati taduan hu harak OCOP 5 patuk pakat nagar thun 2024 lac asal macca saong kaphe maja. Bruk ni hu makna biak praong kayua hu yaih khan pandap siam makre hacih sa-at saong hu makna yaom glaong di kaya pandap Dak Lak dalam nagar Viet Nam saong dunya. Tal ni, tinh Dak Lak hu labaih 300 pandap panda OCOP taduan hu 3 - 4 patuk. Ngan haong Danak dak pakat Nagar padak padang palei pala barau, bruk pandak padang pandap panda OCOP hu makna biak praong.

Gam haong dom bhum palei karei di tỉnh Sóc Trăng, bruk khik ramik ilamo di bol bhap Khmer di ban sit Ngã Năm hu sangka peih ngak dalam tukvak tapa. Langiu dom bruk ngak ilamo, daoh tamia saong khik siam dom rija roya, di dom xã Vĩnh Quới saong Tân Long, hu 60 dalam 61 puk, palei  hu sang pataom bhap bini, 1 baha Khmer di xã Vĩnh Quới, ini lac labik pataom, duah thau ilamo, daoh tamia, padhih the thao; peih bruk patao alat ragam Ngu am saong dom ragam tamia romvong, pato akhar huroh Khmer…

Hoi ndong Bhap bini ban sit Ayun Pa, tinh Gia Lai barau mbaoh tangin Sarak Nghi quyet ka bruk ngak meng phun jien karja thun 2025. Dalam bruk kuhria buh jien tame ngak pasiam veik ha tang palei pala, dahlau abih lac jalan mbak nao mai. Dom jalan pambuak palei ni palei daih hu pakhang kajap piah ka mikva di dom bhum yau Rưng Ma Đoan. Xa Ia Rbol hu lagaih dalam bruk nao mai saong pajieng ba pandap panda, rik prein salih rai diuk hu siam makre. Bruk kuhria ngak ka thun 2025 daok jhul pataogok hu khang kajap di dom bhum mikva bangsa takik saong palei pala.

Thai Lan mbaoh harak dom bruk salih karei ka thi thuc piah pachreih dom urang ilamo palei ngak, po buh jien tame saong urang negar langiu kaya meda mai daok negar ni suai lavik. Tapa bruk nan pambuak daong Thai Lan hu jeng labik jarah rivang pachreih urang kaya meda mai daok saong nyaom urang ngak bruk online,  rik tame patagok  labik dang gah kinh te saong xahoi di negar ini. Sarak thi thuc  labik daok suai lavik tagok tal 10 thun hu Thai Lan ba tabiak ngak tuk meng thun 2022 ngan haong rilo kein lagaih ka jien je yaok urang jeng yau dom bala karei piha jhul khnag bruk ngak mbang kinh te hadei tuk jit ruak COVID-19.

Dom urang jakar Indonesia khan lac, nagar ni hu panduan 3 rabau manuac daok taphia ceik apui Ibu di kaoh pulao Halmahera, hadei sa mbang pui pruh ngak jieng thak habau lapan, glaong jaik 4km. Ceik pui Ibu pruh meng hadah page harei 15/1 dalam jaik 2 minit, bruk ni pandar karja veih glaong abih bruk mayai ghak ka dom bhum jaik taphia hu thau tani tanat. Indonesia, nagar daok dalam Vanh đai apui “Thai Binh Duong” saong hu 127 ceih pui daok pandiak.

Hadei Israel saong  Hamas biai njauk hatai gauk  brei padeih mesruh di Dải Gaza, urang ngak praong di dom taneh ia saong gah dunya thei jeng njauk hatai pachreih tui burk nan. Tong Thư ký Liên hợp quốc Antonio Guterres uan tabuan ka bruk padeih mesruh di Dải Gaza saong mboh lac nan “ bruk siam hu makna praong akok meti”. Tui dom urang ngak praong di Mỹ,  dom taneh ia chau Au saong Trung Ndong jeng pachreih tui bruk padeih mesruh saong khan lac  dom gah brei iek praong bruk pang gauk brei padeih mesruh, peih palao dom urang njauk chap mek, ba pandap tame daong Gaza, tui nan brei hu jalan ngak chinh tri piah padeih di Gaza./.