Dahlau di tukvak yam tame Tet Nguyen dan Ula Naih 2025, tui adat cambat di bangsa, hadah page ini, Akaok nagar Lương Cường saong Phaok Akaok nagar Võ Thị Ánh Xuân hu mai cuh gahlau nyang pahadar Tong Bi thu Nguyễn Phú Trọng; rivang, tadhau ayuh Tet nguyen Tong Bi thu Nông Đức Mạnh saong nguyen Akaok nagar Trần Đức Lương. Dalam yava langik dom harei jaik Tet, Akaok nagar Lương Cường hu tanyi rivang prein yava muk Ngô Thị Mận, Hadiuk Tong Bi thu Nguyễn Phú Trọng. Akaok nagar Lương Cường tadhau ayuh dom ong Nông Đức Mạnh saong ong Trần Đức Lương ngan haong baoh sang uan raok sa thun barau kajap karo, ngak mbang ginup mada, kham marat rik prein ka bruk cach mang di Ndang, bhap bini.

Kapol bruk ngak kayua ong Y Thanh Hà Nie Kadăm, Akok Hoi ndong Bangsa Quoc hoi mai rivang saong tadhau yuh Tet bhap bini bangsa takik di xã bhum taphia negar Krông Na, huyen Buôn Đôn, tỉnh Dak Lak. Ini lac lac xã taphia negar daok rilo, bhap bini ralo diukrai pambak tame bruk ngak nong. Tukvak tapa, karja jak ba urang ba ilamo tame ngak mbang pala drak, patagok bruk ngak yulit piah salih birau mbang mbang ngui siam jang. Ong Y Thanh  Hà Niê Kdăm kakei lac Ndang saong Karja drei tuk halei jeng sangka tal bol bhap urang bangsa takik, ba tabiak rilo sarak daong cak rok patagok  kinh te -xa hoi, patrun kathaot khang kajap ka bhum taphia negar.

Lien doan Lao dong tinh Tra Vinh peih ngak danak dak “Tet jum pataom” haong dom bruk ngak hu makna yau “Darak pasar Tet Kong ndoan” ngan haong 20 labik pandap, brei tabiak pandap panda caong ka raidiuk saong pandap OCOP hu yaom lap meng 5% tal 40%. Lien doan Lao dong tinh hu alin 500 paok pandap Tet ka urang ngak kong gaok kan kandah, yaok paok pandap hu yaom 800.000 ndong. Taphia nan, hu daong 6 “Baoh sang Kong ndoan” yaom 50 trieu ndong yaok sa baoh.

Huyen Bù Gia Mập, tỉnh Bình Phước birau meyaom 65 urang naih joi dalam bhum urang bangsa takik, hu rilo rik daong ka bruk cak rok patagok kinh te, xa hoi di bhum palei. Jaik 1.530 tỷ đồng buh tame ka dom danak dak rik tame ka bruk cakrok patagok kinh te, ilamo, xa hoi di bhum palei. Hu jaik 1.530 ty dong hu buh jien tame ngak danak dak, danak dak bhum urang bangsa, huyen Bù Gia Mập trun labaih 510 baoh sang kathaot, paglong raidiuk bhap bini. Dom urang naih gheih hu pok meyaom  lac mikva bangsa takik ngak mbang naih joi patagok kinh te, khik ramik ilamo bangsa.

Harei ini, harei 23 bilan Mak, tui adat meng kan di urang Viet lac harei Yang patau ging ndik ikan chep tagok Langik piah khan dom bruk dalam baoh sang ka Po Langik pang. Kayua yau nan bhap bini di nagar hu kuhria caga pandap piah palao Yang patau ging tagok langik suraga. Ralo baoh sang daok khik ramik adat ilimo meng kan, palao ikan chep hadei adat kakuh yang patau ging blaoh saong caong hu sa thun barau hu salamat, patuah jamo. Ralo manuac jang hu ilimo, oh daok cuh ralo bi-ar jien ngak yang, klah palai lahik jien padai saong oh ngak narak dhun mun.

Hadei tuk tagok rai, Ngoai truong birau di Mỹ Marco Rubio harei kabroi hu taom mbaok dom urang lambaok vakil nyaom “ Pak got kim cương” nan lac Mỹ, Ấn Độ, Nhật Bản saong Australia.  Bruk ngoại giao kaok meti di vaktu karja Tong thong Donald Trump brei thau bruk ngak catang gam gam, jeng yau ba tabiak jalan sahaneng  saong pamong tal nyaom “ Pak got kim cương” dalam tukvak anak tal. Nyaom ini patui veik iek Trung Quoc lac bruk sangka dahlau abih di tukvak anak tal.

Singapore harei kabruai hu ba tabiak dom jalan pacang caga catang piah khik iek bruk pandar pandap ndien tu di uranaih pak dom sang bac saong sang bac anek naih umo ala 6 thun. Tui pathau khan di 3 mentri dalam nan hu Mentri Y te, Mentri Pato magru saong Mentri Patagok xa hoi haong baoh sang Singapore, meng harei 1/2 anal tal, dom baoh sang bac uranaih umo ala 6 thun hu pandar dom hukum barau pakauk anek naih umo ala 18 bilan pandar pandap ndien tu saong tok pandar ka bruk bac magru di uranaih meng umo 18 bilan tal 6 thun.

Kakei ka pandiak dui atah rilo harei hu ba tabiak di jiak meteh taneh di Australia hadei tuk ribuk di langiu tasik gah Pei taneh ia ini ba ngak ka yawa langik pandiak lau dalam taneh ia. Cuc Khi tuong  Australia hu ba tabiak kakei dahlau dui atah 3 harei di bhum taneh praong  meng ban Perth di ar tasik  gah Pei ban Brisbane di gah esar. Pandiak catang ngak jhak tal prein yawa urang taha saong uranaih./.