Di tinh Bac Lieu, tukvak thun bahrau, Phaok Akaok negar Võ Thị Ánh Xuân bahrau alin hadiah 200 paok pandap Tet, 500 trieu dong daong urang kathaot gam haong 200 trieu dong ka Kadung jien Daong ka uranaih di tinh. Phaok Akaok negar ini brei mboh hatai chreih chrai anak bruk patagok di tinh Bac Lieu urak ini, taong yaom glaong bruk kham merat paglaong dom kein lagaih hu dalam tinh yau ye hadang, padai, ndien angin saong sara; gam haong nan tinh jeng sangka khik ramik saong patagok kinh te, xa hoi. Thun 2025, tinh Bac Lieu kuhria ka bruk brei oh daok sang taik tahak ka jaik 2.000 baoh sang kathaot, kan kandah ka sang daok.

Phaok Akaok Quoc hoi Trần Quang Phương gam haong Kapol ngak bruk di Trung uong harei kabroi hu mai rivang, lin pandap Tet ka urang ngak saong urang jakar, urang lin, bhap bini huyen tapen negar Ea Sup, tinh Dak Lak. Lambaok urang ngak praong di Ndang, Karja,  Pho akok Quac hoi Trần Quang Phương alin brei 300 paok pandap Tet tal urang ndoan, urang ngak raidiuk kan kandah. Pho Akok Quoc hoi caong khin mikva bhap bini bhum tapen negar kham merat ba drei tame ngak bruk khik iek bhum taneh tapen negar, kham merat yam tapa kan kandah, ngak hu jayak  dom bruk cakrok patagok kinh te - xahoi dak padang bhum tapen negar kaya meda. 

2.000 sinh vien, urang ngak bruk baoh sang kan kandah di Ban raya Ho Chi Minh hu daong harak ve radaih nao sang mbang Tet angaok “Mbang radaih bal pataih” hu peih nduac di page harei ini 20/1 nao tal dom tinh bhum Kreh negar saong bhum Tay Nguyen. Ini lac bruk ngak yaok thun di Ban Ndoan, Kapul Sinh vien, Pasak Daong anek saih, sinh vien TP.HCM pambuak haong dom gah karei peih ngak piah sangka Tet ka anek saih, sinh vien kan kandah daok bac megru di dom sang bac dalam Ban raya. Dom sinh vien ini daok hu alin hadiah yaok urang sa paok pandap, hu yaom 700 ribau dong.

Bingu Tet di tinh Tiền Giang ba tabiak darak pasar saong darak Bingu Xuan. Yau nan min, takik urang blei, binguk siam oh sumu gauk, urang pala bingu  jien mek tame takik jang dom thun dahlau. Urak ini, dua baoh phein bingu cuc Vạn thọ  yaom meng 70 tal 80 ribau ndong, Cúc Vàng Hè yaom labaih 100 ribau dong dua phein, cuc Mam xoi yaom pablei meng 150 – 160 ribau ndong dua phein. Bilan bingu Tet Ula Naih 2025, urang ngak nong tinh Tien Giang  pala labaih 1 trieu 200 ribau phein bingu. Ta-eng darak  Bingu Xuân ban Mỹ Tho brei labaih 500 labik  piah urang ngak nong parang iek, pablei phun bingu ngak mekre tuk Tet.

Tui Mblang kapal ahaok dunya Tân Sơn Nhất, dom tuai damuai nao tal mblang kapal ahaok par tuk Tet tagok labaih 5% dut haong thun dahlau. Tui kuhria, dalam tuk Tet, mblang kapal ahaok par raok labaih 26.000 mbang par, ngan haong abih tih labaih 4 trieu mbang tuai damuai. Harei glaong abih kuhria hu 970 mbang par. Dut haong tukvak ini Tet thun 2024, dom mbang par tagok 6%, tuai damuai tagok labaih 5%. Kayua yau nan ye, mblang kapal ahaok par Tân Sơn Nhất pataom tame ka hu siam lagaih abih dom bruk peih par ahaok, pasiam veik bruk peih par ahaok tui jalan lagaih piah duh tuai damuai siam abih.

Tui jalan ba tabiak, dalam harei kaok meti tagok rai Tong thong ka 47 di Mỹ, ong Donald Trump mbaoh tangin dom sarak hukum, dalam nan hu dom sarak urang negar langiu tame, langik tasik, nang luong saong jien ndien tu. Dom sarak  nan ngak salih karei rilo sarak di karja dahlau  saong  hu ba tame pandar chip, oh cang Quoc hoi brei tapa. Vaktu dahlau, tuk tagok rai ong Trump tok mbaoh hasa harak Hukum  Iek glang prein yawa Lagaih tui kadung jien urang.

Trung Quốc ba tabiak bruk ngak pakat negar akaok meti dalam thun ini piah dak padang sa “taneh ia hu bruk pato megru khang karo”  thun 2035. Tui nan, Trung Quốc  brei padang ngak bruk pato megru khang kajap, tui nan  pasang iek preih praong bruk bac da-a oh abih jien, parilo tagok palih ruah đại học asar glong, peih praong bruk pato pakai hadei ndai hoc saong patagok urang bac tagok tien si. Bruk nan piah jhul khang bruk patagok siam mekre saong patagok  taong abih gah di anek saih, khik brei anek saih tieu hoc saong trung hoc takik abih di nyu  dua mon  pasram rup pabhap yaok harei, piah takik ruak sup meta saong tagok kilo lamek.

Sa sruh radaih pajeng xang birau patuh hadei tableih di bhum kreih negar Nigeria ba tal takik aih 70 urang metai tuk urang pataom mek menyek sre tabiak. Yaom lac karja kham merat pacang ghak urang veik, rilo urang oh huac metai khin mek xang tuk yaom xang di Nigeria tagok glong dalam tuk kan kandah kurang jien padai. Labaih 170 urang metai dalam bruk dreih yau ini di bang Jigawa bilan 10 meng blaoh, ini lac bala jhak abih di Nigeria.