Ngan haong kadha “Taneh ia siam makre - Uan raok bal pataih salamat”, Darak pasar bingu Bình Điền Xuan Ula Naih 2025 di quan 8, Ban raya HCM, peih pakak meng malam kabruai, haong 282 labik pandap hu mbaok tame. Abih tih gilang pandap ni hu Ban raya HCM brei nyim labik piah pablei salih, daong ka urang ngak bein, hu yaom jaik 4 ty ndong. Darak pasar hu ralo labik caik thaot binguk dom drei ula khan ka ginup mada, hadah ka thun nasak Ula Naih, nan lac anek athur sami samar, mbuan diuk haong langik alam…Darak pasar Xuan Bình Điền daok caik labik bui ma-in oh mek jien ka mikva ngan haong danak dak adaoh tamia, ma-in tui bhap bini…Darak pasar Xuan Bình Điền hu peih tal harei 29 Tet.

Di tinh Kon Tum peih bruk sangka kuhria Tet Nguyen  dan Ula Naih 2025 brei ka rahra bhum atah bayah, bhum urang bangsa takik daok patui bruk peih ngak dom kham merat oh caik urang halei kurang Tet. Dalam nan siam abih lac “ Harei  pataom ahar banh chung hijao hu dom jabat, đơn vi, kapol nyaom pambuak haong dom palei  piah bhap bini mai paok, ahar banh chung; daoh tamia, dhih the thao…Taong abih dom ahar banh chung hadei riak tathak blaoh hu alin brei ka sang kathaot, sang  kan kandah takik di nyu lac dua baoh. Thun ini, tinh Kon Tum buh tabiak meng kadung jien karja tinh labaih 13 tỷ dong daong ka baoh sang kathaot, jaik kathaot song dom urang kan kandah mbang Tet.

Dalam tuk Tet Nguyen dan Ula Naih 2025, huyen Đạ Huoai, tinh Lam Dong hu padak padang 6 kapul nao rivang, tadhau ayuh Tet saong alin pandap ka dom jabat, ndon vi, labik agama, bhum mikva bangsa takik, urang ndang umo taha saong baoh sang dalam sarak karja di bhum palei. Dom kapul jang hu mai rivang, dhar phol saong jak ba dom urang ndang umo taha, baoh sang di sarak karja kham marat ngak bruk cach mang, rik prein tame ka bruk patagok palei pala, taneih ia.

Palei ngak tapei racam Mỹ Lồng meng kan labaih 100 thun di tỉnh Bến Tre dom harei jaik Tet  mboh chreih chrai tuk mikva daok sami samar ngak tapei racam pablei darak. Thun ini, yaom pandap ngak tagok glong ba tal jien mek tame trun, urang ngak tapei racam  tok mek tame dua klau rituh sa harei. Mikva urang  ngak bruk meng tangin  saong pambak tame langik yau nan ye bruk ngak tabiak tapei racam oh hu tani tanat. Yau nan min, bhap bini labik ini daok khik bruk ngak meng kan, patui ngak tabiak dom baoh tapei racam  pahe bingi pablei ka urang mbang Tet. 

Mban Khik iek danak dak buh jien tame padak padang dom jalan mbak nao mai di Ban raya HCM barau peih paha dua jalan tame mblang kapal ahaok Tân Sơn Nhất lac: Danak dak padak padang jalan Trần Quốc Hoàn pambuak haong jalan Cộng Hòa, saong danak dak peih praong jalan Hoàng Hoa Thám. Danak dak hu jien buh tame abih tih labaih 4.800 ty ndong meng gilang pariak Ban raya. Ngan haong bruk ba tame pandar dua kong trinh ni pambuak dom jalan mbak di labik Mblang kapal ahaok pakat dunya Tan Son Nhat, patrun kurang bruk gar jalan radaih di tukvak Tet ni.

Kraong Panama sa mbang tra hu jeng pasak di bruk cuang kandah catang di gah chinh tri Mỹ saong Panama, abih di nyu lac hadei tuk Panama meriak pathau Lien hop quoc ka pathau khan birau ini di Tổng thống Mỹ Donald Trump ndem ka bruk mek veik kraong Panama. Karja Panama iew brei payua bruk nan tagok Hoi ndong Bao an min oh iew pataom nyaom biai. Anak bruk catang di Mỹ, Jabat kuhria iek Panama hu khan lac brei peih sa bruk kuhria pasang iek veik abih gah brei mboh cambaic laic ka dom jien padai di karja tuh tame ngak kraong Panama nan.

Thong ndok Bangkok Chadchart Sittipunt khan brei thau hu labih 100 sang bac di ban ine Bangkok di Thai Lan hu padeih dom tal bac hu mbaok tame haong salih tapa bac online kayua daok susah di yava langik alam kayua dhun mun PM 2.5 tagok glaong tui kuhria mboh suai atah tal puac adit ini. Bangkok hu peih dom jalan pacang caga, dalam nan hu ba tabik bruk pakauk radaih paijeng pandap tathuak narak glaong oh nduac tame dalam ban ine.

Hajan ribuk bilan La-ar oh bhian mboh, angan Enzo, tuh tame gah meraong Negar Mỹ ngak 9 urang metai, tui nan ngak padeih rilo bruk ngak di ralo labik. Bruk la-ar  ba tal labaih 1 ribau 200 mbang kapal haok par di dom mbang haok  praong meng bang Texas tal Florida brei padeih; Jaiak 30 jalan raya pambuak dom bang brei kareik pacang, dalam tuk rilo sang bac, jabat rajaei saong urang ngak mbang pablei salaih  jeng dreih yau nan. Dom mbang brei kakei bruk kan kandah samar chip./.