Anak dom bruk rah tabiak dak harei dak srau kadau di bala, Mentri Chinh tri hu bruk kuhria hu ka bruk pacang caga, jaleih taneh, pandiak bhang, njom ia mbak bhum Taneran kraong Cuu Long tukvak 2026 - 2035. Kuhria mboh lac brei hu dom jalan langyah taong abih, nao tal bruk pasang iek anak meta ka bruk glut jaleih, ia dauk, pandiak bhang, njom ia mbak, khik kajap an ninh halau ia bhum Taneran kraong Cuu Long. Dalam nan thau tani tanat ka bruk mek rahra ngak bruk dut pagap hu makna abih, patagok ngak mbang, kinh te - xa hoi ngak pasak, khik kajap alam langik, khik kajap quoc phong, an ninh bhum Taneran kraong Cuu Long brei njauk ngak tui.

Di xã Nhơn Mỹ, Ban Can Thơ, hu 70 labik glut jaleih, kuhria tah labaih 1.300 met. Njauk ndem tal, bruk glut jaleih ngak kan kandah tal 9 baoh sang; dalam nan hu 4 baoh sang glut jaleih tuh tame kraong abih, ngak khat lahik trak kaya drap ar di bhap bini. Ong Cao Minh Thơm, Akok UBND xã Nhơn Mỹ khan brei thau, bruk glut jaleih di bhum palei biak samar, njauk ndem tal bilan hajan jaik mai tal, mbuan ba tal bruk glut jaleih birau biak glong.

Tui kapul Ngak bruk Ban raya Ho Chi Minh, dalam bilan urang ngak kong thun ini ban raya peih rilo danak dak pok meyaom dom kreih camin urang ngak kong naih gheih patruh kathaot. Taphia nan, danak dak “Ndom meyai bilan 5” patui veik hu peih ngak, peih bruk taom gaok tapak piah ka urang ngak bruk klah rabha ka hatai haong gah ngak mbang pablei salih saong karja, tapa nan langyah dil samu dom bruk khan njauk lagaih. Kong ndoan ban raya brei patui veik jhul tagok dom danak dak sang daok rahra, sang daok pandaok saong daong urang ngak kong pandar dom jitvu y te saong pato megru.

Bilan Urang ngak kong thun 2026, Lien doan Lao dong tinh Tay Ninh alin 10.000 paok kaya  ka urang ndoan, urang ngak raidiuk kan kanda kuhria abih tih labaih 10 ti dong; daong 20 “Baoh sang Kong ndoan” ka urang ndoan hu radiuk kan kandah ka sang daok, kuhria labaih 1,4 ti dong. Tui nan, hu bruk rik daong di dom doanh nghiep saong dom gah jak ba peih pambak praong  dom bruk kuhria caga ka urang ngak.

UB Bhap bini tinh Ca Mau brei pasiam samar chip Inem mek pakat negar Khao co Vĩnh Hưng (xa Châu Thới). Bruk pasiam piah pkajap bruk lam lamuac khut tayah trak di inem mek kayua bruk kanjah di tukvak, langik oh lagaih saong langik salih karei; khik ramik saong patagok bruk siam gheih di bimong yao klak ini. Inem mek pakat negar Khảo Cổ Vĩnh Hưng oh lac hu makna dalam bruk khik ramik drap ar ilamo pakat negar blaoh daok jhul tagok kein lagaih jirah rivang sajarah - ilamo di bhum palei.

Thái Lan birau khan brei bruk daong urang ngak nong  dalam tuk sraw kadau gah chinh tri saong bruk pabak di dunya daok ngak kan kandah tal gah ngak nong. Mentri Pablei salih Thái Lan brei peih ngak danak dak blei padai brah di drak pasar. Suai lavik, tui kuhria jhul pakhang dom danak dak salih janih phun pala saong daong ilamo ky thuat, daong paglong bruk ngak tabiak rilo kaya kan jeng  yau peih praong bruk ngak kaya nong.

Mentri Ngak nong Philippines kakei caga negar ini meda gaok bruk langik El Nino “biak khang”, ngak khat lahik trak ka gah ngak nong, hu njauk pambuak meng jien akaok tame tagok glaong yau khak drak kayua oh srau kadau oh lagaih di Trung Dong. Negar ini daok tagok jalan ngak pacang caga piah patrun bruk kanjah jhak di bruk langik pandiak catang saong pandar dom bhum palei patagok bruk srap gap ka dom bruk kanjah jhak abih.

Thu tuong Isarael Benjamin Netanyahu khan brei thau, ong kandang jru ruak ung thu tuyen tien liet dalam tukvak tapa. Tui pathau khan, urang ngak praong di Israel umo 76 thun brei kadun bruk pathau khan gah y te dalam dua bilan piah plaik njiak bruk pambak tame pathau khan dalam tuk Iran daok sraw kadau. Thu tuong Netanyahu lac urang ngak bruk ini suai lavik abih dalam sajarah dakrai Israel saong bhian hu rilo mbang blaic raic dalam tuk ngak bruk./.