Dalam bilan 5 - Bilan Ngak pahala thun ini, Kapol Chu Thap ndo Viet Nam kham jak ba hu 500 ti dong piah peih ngak dom bruk pahala; daong bruk ngak mbang  hu karo kajap ka 17.000 baoh sang; peih ngak dom bruk “Harei anit ranam” di taong abih xã, phường dalam negar; yaok pakat  Kapol nyaom peih ngak takik abih 1 danak dak, bruk ngak lagaih haong raidiuk; tui nan jhul pakhang bruk  jak ba alin brei darah pachreih tui Bilan halan hatian thun ini dalam negar, caong khin taduan hu labaih 80.000 don vi darah…

Page ini harei 4/5, labaih 700 urang jakar dom jabat gah Đảng saong MTTQVN di Ban raya HCM hu mbaok tame danak dak pasram pandar taka so. Brei panuac di var nan, muk Văn Thị Bạch Tuyết, Pho Bí thư Thành ủy TP.HCM khan lac, Sarak ka 57-NQ/TW di  Mentri Chính trị ndem lac bruk salih pandar taka so lac bruk hu makna praong piah ngal brei patagok bruk ngak, khik iek hu lagaih. Ngan haong bruk ngak gah kinh te, pasak ilamo – kong nghe, TPHCM njauk brei  ngak dahlau dalam bruk ngak nan.

Mbiah tal ini, Ban Cần Thơ yuak hu labaih 270.000 ha padai Dong Xuan, yuak hu jaik 73 tạ sa hecta. Taneh ngak padai  daok veik ralo di dom bhum palei di tinh Hau Giang (dahlau) saong tinh Sóc Trăng ( dahlau), tui kuhria brei yuak blaoh di adit tal. Yaom padai Dong Xuan tukvak tapa hu urang blei yaom meng 4.900 -7.750 dong sa kilo janih padai, biar jang meng 100 - 2.550 dong sa kilo dut saong tukvak ini thun dahlau. Langiu di nan, jien buh tame ngak tagok ba tal urang gak padai  takik laba labaih.

Tinh Lam Dong birau mbaoh tangin ngak Danak dak kuac rok ribaong kraong, ar pacang binek ka 2 piah pacang gluh, hareik ka danao ia Xuân Hương, phường Đà Lạt kuhria jien buh tame labaih 48 ti dong. Danak dak  daok ngak brei pakajap labik craoh ia atah labaih 770 m piah mbuan tathuak ia saong khik binek , jalan mbak di labik ini, rik tame khik siam mekre labik jiak taphia, ngak labik daok ka bhap bini jeng yau ngak labik sirah ma-in  di tuai damuai mai rivang yulit Da Lat.

Hadei rilo bilan langik pandiak dui atah, jala pandiak harei kabroi 3/5 hu hajan oh njauk bilan di ralo labik di dom tinh gah Meraong negar, ngak lahei la-ar. Tui kuhria meteh bilan 5 ini, di bhum gah Meraong negar hu hajan karei bilan. Gah chuc nang  kakei bhap bini tuk langik hajan brei plaik njiak jakala, grum mblait, hangin khang. Langiu di nan, brei iek veik gom ndien di palei pala, talei ndien jiak sang, cakak ramik dhar phun kayau praong jiak sang bac, darak, jalan, labik daok di bhap bini…

Mentri Quoc phong Mỹ birau brei mbaoh harak ginum biai haong 8 kapol nyaom kong nghe dang akaok piah ba dom ung dung tri tue nhan tao AI tame ngak beuk tame du lieu khik kandauk. Ini lac bruk hu makna piah salih ka bol lin Mỹ  hu jeng sa bol lin mesruh metak meng AI”. Njauk ndem tal, rilo bruk ngak sraw kadau dahlau diah  lahik abih sa bilan piah langyah  ye urak ini daok kuhria tui yaok harei.

Ban Thuong Hai, Trung Quoc daok jhul pakhang bruk buh jien tame ngak mbamg gah ilamo - yulit ngan haong dom danak dak praong, dalam nan njauk ndem tal bruk padang vòng đu payeng oh hu gut truc glong abih di dunya ini, dom baoh cabin pajeng glong 228 met. Danak dak kuhria tui phun jien labaih 2 ti nhan dan te, caong khin jeng thaik binguk siam gheih abih  di labik pabah tathik  Thuong Hai. Danak dak nan hu jeng kaya ilamo - yulit birau pambuak bruk yulit saong blei pandar.

Yaok rituh bhap bini Hàn Quốc pataom gauk di sa bein bingu tapen  kraong Hàn piah hu mbaok tame sa bruk kayua karja ban Seoul peih ngak, hu ngan “ Pakacah ndik katut”. Dalam mbang ka 3 peih bruk pakacah ini, urang brei angui cuh khan ao njuak tui kadha anek kumei patao atau anek likei patao daok ndih, tal labik  pakacah mboh glaih glar… drei catang tian. Mbang pakacah ndih katut oh lac brei ka urang pakcah hu pabka prein yawa bo daok paglong jalan sahaneng di bhap bini Han Quoc ka bruk ndih./.