Harei ini Ban raya Ho Chi Minh peih padang danak Mblang bein pasak saong Pasak hanh chinh – chinh tri bahrau di Thu Thiem. Pasak hu quy hoach ngan haong taong abih taneh sàn labaih 272.000m², pabak hatai caong ngak bruk ka labaih 8.000 urang jakar, kong chuc, duh meng 1.500 – 2.000 mbang urang saong gah ngak mbang pablei salih yaok harei tapa majam “sa bambang” hadah krah bahrau.Mblang bein pasak hu prein padang labaih 268.000 urang ka dom danak dak chinh tri saong meda tagok tal 500.000 urang tuk peih ngak harei ilamo. Bruk panduan Pasak hanh chinh mai thu Thiem brei daong prein patagok ha tang, jalan mbak saong dui pachreih buh jien tame.

Harei paguh page 30/4, Ban raya Dong Nai hu padang di taong abih taneh praong saong rahra bhap bini di tinh Dong Nai. Ban raya Dong Nai jaik TPHCM, tinh Lam Dong, tinh Tay Ninh saong negar Campuchia. Ban raya Dong Nai brei patagok ngak tui bruk kinh te kong nghiep kong nghe glong, khang kajap, hu dom bruk praong  ngak tabiak kaya hacih hijao, birau; Bruk nagk nong kong nghe glong; Pasak logistics tui sumu dunya…Dong Nai jeng pamong tal bruk patagok jeng medil do thi praong,  pambuak kajap saong klak rabha bruk patagok haong TPHCM soang bhum Dong Nam bo.

Bo Tu lenh Quan khu 7 pambuak haong tinh Lam Dong jao labik daok rahra danak tapen balai bol lin rahra tapen negar di xa Quảng Trực, tinh Lam Dong. Labik daok rahra tapen negar ini, hu taong abih jien buh tabiak ngak lac 12,5 ty dong. Danak dak padang 60 baoh sang alin ka dom baoh sang kan kandah ka sang daok, yaom kaom padang labaih 200 trieu dong sa baoh sang daok. Langiu di dom baoh sang rahra hu jao alin yaok baoh sang sa baoh tivi saong sa drei limo ine piah menek.

Di xã Ia Boòng, tỉnh Gia Lai, Kapol Kinh tế - Quốc phòng 717 (Binh đoàn 15) birau peih bruk padang ngak, jao danak dak “ Patuk hadah bhum palei” lac dom jalan truac hadah  meng ndien ia harei kayua  karja bhum palei  khik iek, pandar. Danak dak kuhria atah  labaih 5,8km, pagam 126 got jameng  menyek gom ia harei. Xã Ia Boòng hu labaih 95% bhap bini lac urang bangsa takik, baoh sang kathaot saong jaik kathaot daok glong ralo. Yau nan ye, danak dak ini rik tame khik kajap raidiuk; palagaih pasang hadah jalan mbak nao mai hu labaih tuk melam, pambuak kajap bruk yak yum jumpataom bhap bini. 

Ban raya Can Tho brei daong uranaih mam non lac anek di urang ngak kong, urang ngak bruk di labik ngak kong; gru pato mam non ngak bruk di labik pato megru mam non pakat karja, ta-eng menuac kapul peih tabiak dalam bhum hu labik ngak kong. Tui nan, uranaih hu daong 200.000 dong sa uranaih di sa bilan. Ngan haong gru pato mam non hu daong 800.000 dong sa gru pato di sa bilan. Tui Ub Bhap bini Ban raya Can Tho, kuhria jien buh tabiak ngak daong labaih 6,8 ti dong sa thun meng kadung jien karja.

Dom kapol daong pahala kakei dahlau ka bruk kurang kaya mbang biak trak di ralo labik di bhum Somalia. Dom baoh sang gaok kan kandah kong ka-ing  hadei dom pluh thun taneh ia ini gaok mesruh metak, bruk langik salih karei oh lagaih. Njauk ndem tal, bruk kurang jien padai ba tal dom jabat ngak pahala  brei cakak trun bruk daong. LHQ iew do rajaei daong saong dom gah brei rik tame daong brei tani tanat radiuk bhap bini Somalia.

Ai Cap mek hu bruk caktok samar dalam bruk pala drak padai mi ciuk mbak, tuk pala jak jeng meng halau ia hu tanut mbak glaong. Ngak iek hu peih ngak di labik El-Moghra, di sa mac gah Pei Barak Ai Cap, atah kraong Nile saong oh lagaih ka bruk ba ia tuh. Ia pandar piah tuh tame padai lac halau ia dalam taneh hu njom ia mbak. Bruk ngak hu tapa ngak iek brei mboh ty le tamuh glaong, prein ciuk mbak hu pasiam, bruk ngak hu meda patui veik tagok tuk pandar rilo.

Jaik abih dom bhum di An Do daok dang anak bruk langik pandiak  dui atah rilo harei, tal 46 do C. Anak bruk nan, jabat duk iek langik tathik  kakei gam gam ka prein yawa, iew bhap bini brei menyum ia  ginup saong takik tabia gah langiu meng mon 12 tuk tal 16 tuk. Sang bac tieu hoc di ralo labik brei karei pambang atau salih tukvak pato saong bac piah khik prein yawa ka uranaih./.