UB bhap bini Ban raya HCM birau iew dom  Sở dom gah saong karja palei oh iew bhap bini ba tabiak sổ hộ khẩu, sổ tạm trú ba-ar atau ba-ar brei thau khaw tin ka labik daok tuk ngak harak gar hành chính. Langiu bruk patagok pasang iek tapak di dom đơn vị, abih di nyu lac labik ngak bruk sa pabah mbang dom pakat; ban raya jeng iew brei langyah catang urang jakar, kong chức, vien chức ngak suan dom quy định  angaok nan tui thẩm quyền; brei taduan bruk ngak anak UB bhap bini ban raya meyah caik rah tabiak bruk ngak kan kandah ka bhap bini, manuac sia haduh hatai. Dahlau di nan, di dom bhum palei daok hu bruk iew bhap bini brei ba tabiak harak gal ka labik daok, abih di nyu nan lac hồ sơ  brei thau lakhah.

Gah ngak nong kuhria patagok 65.000 - 75.000 ha durian, min puac thun 2022,  dalam taneh ia hu tal jaik 110.000 ha durian. Urak ini, rilo labik dalam bhum taneran kraong Cửu Long, Đông Nam bộ haong Tây Nguyên jeng daok patagok “pandiak” phun durian. Gah chức năng saong rilo tỉnh gam gam hu panuac khan ka bruk ini, plaih ba tal kan kandah. Tui Mintri ngak nong saong patagok palei pala, bruk tagok rilo taneh pala, kurang pasang iek, pala mblah tui gauk, oh tui jalan ba tabiak di gah chức năng, meda ba tal  bruk baoh rilo pablei oh abih ngak brei laik yaom hadei ini…

Sở NN & PTNT tỉnh Trà Vinh pambuak saong Pasak  Pambuak bruk dunya Raong Pala saong Chap mek kaya ikan dalam ia khang kajap birau jao brei Harak chứng nhận tanut chuan ASC ( nan lac harak brei angan pakat dunya ngan haong kaya ikan) saong pambuak chuoi gia tri  ngheu di tỉnh Trà Vinh saong 3 HTX raong ngheu, kuhria abih tih taneh praong 433 hecta. Harak brei angan chuan ASC lac sa dalam dom harak brei hu piah thau pandap meng halei, lac tanut pakat dunya ngan hong kaya ikan dalam ia hu raong, patrun patagok di abih bruk ngak jhak tal alam moi truong. Pandap hu tanut chuan ASC hu urang blei di dunya takre.

Meng hadei di Tết Nguyên đán tal ini, yaom sara tagok glaong, hu tuk yaom tal 2.400 đồng/kg, glaong jang 2 mbang duk haong tukvak ini thun blaoh. Urak ini yaom sara daok trun, min urang ngak sara di Bà Rịa -Vũng Tàu jeng daok hu laba 50%. Mikva urang ngak sara di Bà Rịa- Vũng Tàu thau pandar ilamu kỹ thuật bahrau, meng bruk ba ia tame hamu tal bruk lang blah tauk, salih ka jalan ngak klak, tui nan, asar sara siam jang saong hu yaom glaong jang. Hatai caong daok veik di mikva urang ngak sara lac, pablei hu yaom, tani tanat labik pablei, piah meda diuk hu meng bruk ngak sara.

Urak ini, yaom lac tabung glong di bilan thu lagu min thau caga ia taba, kham merat iek glang nan ye bein phun mbang baoh di tỉnh Tiền Giang jeng daok brei rilo baoh. Abih di nyu lac, hadei di tuk laik yaom , baoh thanh long daok tagok yaom, kurang baoh blei po bein hu laba glong. Tukvak ini, thanh long hatai bhong ( janih 1) pablei di bein  yaom labaih 30 ribau đồng sa kilo, tagok 10 ribau đồng sa kilo dut saong akok thun ini. Kurang baoh thanh long pablei kayua pablei tabiak negar Trung Quoc catang; dalam tuk nan baoh karei bilan, takik tabiak baoh. Ngan haong yaom tani tanat yau urak ini, yaok ha phun thanh long , po bein duah jien tame jaik 500 trieu dong sa thun.

Anak bruk daok tagok khang bruk blei khan ao klak piah pandar, ngak kan kandah tal gah menyim, jhik dalam taneh ia, Tổng thống Indonesia bahrau tabiak adat pakauk bruk pablei salih khan ao klak blei meng negar langiu tame. Gam haong nan, hu panuac ieu dom gah pambuak tal, brei tui iek dom doanh nghiệp blei meng negar langiu tame dom khan ao klak, tapa nan, hu dom urang njauk chap mek. Akaok mintri pablei salih taneh ia ini dahlau di nan khan lac, rajaei oh pakauk dom doanh nghiệp pablei salih khan ao klak hu ngak dalam taneh ia, min pakauk khan ao blei meng negar langiu tame, kayua meda ba tal jhak ka prein yava saong ngak kan kandah ka gah ngak kong dalam taneh ia.        

Peih bruk brei cảnh sát khik iek durien lac bruk  birau ba tabiak hu Cảnh sát tỉnh Trat, đông nam Thái Lan peih ngak. Bruk ba biak yau nan hadei di tuk dom mbang co klaik ralo di dom bein saong dom kol co klaik mek nao dom baoh hu yaom sa trieu baht, jaik 700 trieu đồng. Tui bruk ba tabiak nan, cảnh sát brei pasang iek vin taom dar dom trang trai durien meng mong 18h biar harei sup tal subuh page harei hadei, mbiah tal tuk halei taong abih durien dalam bein hu paik baoh. Ini lac mbang akok meti bruk nan hu ba tabiak ngak yau nan di Thái Lan.

Bruk klaoh jalan pabak saong yaom năng lượng tagok glaong ngak brei lạm phát di Ba Lan dalam bilan 2 tagok glaong abih kuhria dalam 26 thun tapa. Tui dom yaok pataom mboh lac, lạm phát di Ba Lan dalam bilan 2 tagok 18,4% duk haong vaktu ini thun bloh. Rilo urang ilamu jia lac, lạm phát di Ba Lan dalam bilan 2 urak ini tagok tal tabung glaong di chu kỳ tagok yaom urak ini. Min tukvak trun veik di lạm phát hu kuhria mboh lac abih rilo tukvak. Nan ye menuac blei pandar di Ba Lan daok dang anak bruk yaom kaom daok chit dalam rilo bilan tal./.