Ban raya brei hu jalan ngak halei piah ngak jalan pasei 

Jalan mbak pajeng ba ban raya .HCM kak kajap song dom tỉnh ban daok taom dar song dalam taneh ia. Tui nan,  Ban raya pambuak song dom tỉnh ban meng 4 jalan roya, 6 jalan pasei pakat negar, 6 jalan nduac samar... Urak ni, bruk patagok jalan mbak  di ban raya biak prong, meyah tok pagam pambak tame kadung jien ban raya atau kadung jien trung ương dong ye oh ginup song meda dui atah biak lavik, ngak suai damuai bruk patagok. Kayua yau nan ye, tui ong Trần Quang Lâm, Yam ndok Sở jalan mbak pajeng ba, bruk duah dom jalan ngak, sarak jien padai lac biak prong:

BOT dalam giao thông tuk halei jeng biak kan kandah, BOT hu ngak di jalan prong đô thị song oh hu ngak di mangaok  jalan klak. Yau nan, kol drei mboh ngan song jalan buh jien langiu kadung jien karja urak ni biak tavak tavaiy, nan ye gam song bruk roh duah quy hoạch, ye sarak hu peih bruk quy hoạch lac hagait,  urak ni, brei hu dom jalan đầu tư.

Tui  dom urang ilamu, ban raya.HCM brei kuhria tal dom janih karei, oh lac pataom tame patagok song peih prong jalan radaih. Bruk peih ngak Quy hoạch patagok jalan mbak nao mai ban raya .HCM tal thun  2020 song pamaong tal hadei di  thun  2020 dok suai damuai, oh samu haong bruk menuac sia tagok rilo, saong oh samu haong labik lac akaok kapal patagok  kinh tế di ban raya. Dalam tuk ban raya oh kurang dom janih pajeng ba, nao mai karei karei yau jalan krong, jalan pasei song jalan kapan haoh…

Tui kuhria  mboh di dom urang ilamu sang bac  Đại học Việt Đức, janih jalan pasei  đô thị daok ba mai sa kein lagaih bahrau lac: njauk mon, patak pataom năng lượng, không gian, pajeng ba samar song hu rilo. Piah patagok jalan pasei đô thị hu siam lagaih, njauk patagok  đô thị vil val nyu, brei hu bruk rami ramik nyu tui jalan maong di gah đô thị.

Phó Giáo sư – Tiến sỹ Phạm Xuân Mai, urang dalam Kapul cố vấn giao thông ka ban raya .HCM jeng mboh lac, njauk maong iek prong tabiak bruk pajeng ba nao mai di ban raya. HCM. Dalam tuk yau urak ni, njauk pandar jalan pasei dang akaok ka bruk pajeng ba nao mai. Kayua dak patagok, jalan radaih dak gar tuk jeng jalan piah pajeng ba pandap panda, tui kuhria mboh lac 100 triệu tấn sa thun.

Akaok  UBND TP.HCM Phan Văn Mãi jeng ndom lac, TP.HCM meda peih bruk pasang iek dom gah, dalam nan bruk pajeng ba, nao mai lac bruk nao dahlau peih jalan. Bruk pajeng ba nao mai di ban raya brei maong iek praong tabiak dom  tỉnh, ban jiak taphia , pambuak  pagam dalam taneh ia, dunya song dalam tuk vak anak tal, quy hoạch brei maong iek tui jalan yau  nan. Caong khin ngak hu, brei roh duah, brei panuac rilo jang gah thể chế, meng nan khang hatai ba tabiak dom jalan ngak , danak dak prong jang. Ban raya .HCM dalam sahneng kuhria tuk halei jeng sahneng tal bruk pambuak pagam bhum, peih tabiak labik patagok ka ban raya.HCM, piah ka ban raya patui jalan patagok, ngak akaok kapal patagok di taneh ia:

Kol dahlak mong iek tui jalan kein laba di ban raya.HCM song kol dahlak  njauk pambuak gauk peih prong song dom ayut, oh njauk lac kol dahlak hu  trách nhiệm dong ka dom ayut. Nan ye kol drei khin pambuak hu bruk pajeng ba nao mai siam lagaih, kol drei brei pambuak dalam sahneng kuhria, meyah oh ngak yau nan, kol drei njauk gar veik labik ni , gar veik pak ni, ye bruk pajeng ba nao mai jeng oh pambuak pagam hu.

Urak ni, UBND TP dok ngak pasiam đồ án ramik veik quy hoạch padang ngak ban raya HCM tal thun 2040 song pamong tal thun  2060. Kayua yau nan ye, dom asal kadha ka bruk  quy họach jalan mbak pajeng ba  ban raya brei hu samar roh duah, hu panuac brei ramik veik, pabak ka nyu lagaih  haong bruk di anak meta, pamong tal jalan patagok di ban raya dalam tuk vak anak tal, lagaih song dom đồ án quy hoạch pakat negar  bahrau hu  Thủ tướng pasang iek, mbaoh tangin tame. Song brei hu sa  quy hoạch bahrau, ginup pren lang talaih dom labik gar, piah peih prong bruk pambuak pagam bhum, patagok jang bruk dang akaok, dong ka bhum song taneh ia par tagok./.

Urang lang: Hanipha- 16/9