Page ini 22/6, UB bhap bini Ban raya HCM peih Bruk padang ngak hạ tầng kỹ thuật Danak dak Padang ngak jalan radaih điện ngầm ka 2 Ban Raya HCM  (Bến Thành - Tham Lương). Ini lac bruk hu makna praong, brei mboh tukvak peih ngak di labik ngak jalan metro ka 2. Phaok akaok UB bhap bini TPHCM Bùi Xuân Cường taong yaom, jalan metro ka 2 hu makna biak praong saong bruk padang danak dak hạ tầng kỹ thuật lac bruk akaok meti brei mboh labik padang ngak di jalan metro ka 2. Gaom haong nan, hu panuac ieu po thầu peih ngak hu salamat, oh ngak gar jalan, oh klaih klaoh bruk pabak hạ tầng tapen jalan, abih di nyu lac điện, ia; patak pataom, plaik njiak palai pajua.  

Urak ini mangaok dom website, pandar bruk pablei salih online, mạng xã hội, taphia dom pandap ma-in bhian randap di mangaok dom blah wed daok ba tagok pablei dom pandap di angan pandap ma-in taong paoh gauk, pandap ma-in njauk pakauk dalam raidiuk, ngak kanjak jhak tal bruk pato jalan diukrai, prein yava atau an ninh, trật tự, salamat dalam rahra, ngak kan kandah tal urang pandar, abih di nyu nan lac uranaih. Kayua yau nan ye, Cục pablei salih online saong Kinh tế số (Mintri Công Thương) kakei urang blei pandar njauk sahneng kuhria cambaih laih dahlau di tuk ble pandap me-in ngak jhak tal jalan diukrai sam mekre, tal prein yava di mangaok mạng.

Đồng Nai urak ini hu 37 bhum pala hu brei pabak mã labik pala hu tanut chuẩn pablei tabiak negar langiu  tame dom darak pasar kan  tame ngan haong taneh praong 479 ha. Dalam nan, hu 15 bhum pala pa-ok hu brei mã số bhum pala pablei tapa darak pasar  Australia, New Zealand ngan haong taneh 203 ha.  Piah mek hu tanut chuan hu brei mã số bhum pala tame dom darak kan, dom bhum pala brei ngak njauk tui jalan salamat, abih di nyu lac pandar khak,  jru khik caga phun pala piah khik salamat  kaya nong meng dahlau saong hadei paik mek, duah thau hu kaya nong meng halei mai.

Urak ini mblang taneh pala madar di huyện Tuy Phong, tỉnh Bình Thuận daok tagok khang tal labaih 128 ha. Tui taong yaom di gah ngak nong, abih tih dom mblang pala madar jeng salih tapa pala dalam sang halam nan ye năng suất mek hu glaong, sản lượng tui kuhria mek hu 22 - 27 tấn sa ha sa vụ. Langiu di nan, dom baoh sang daok pandar jalan pruh ia patak pataom, trun manieng bruk pruh jru khik caga phun pala, daong ka baoh saong chất lượng tagok, yaom pablei di bein trun tagok meng 10.000 - 15.000 ribau đồng/kg tui janih baoh.

 Meng akok thun tal ini, Sang iek ruak Nhi đồng Cần Thơ hu labaih 2.000 mbang urang njom ruak tangin, takai, cambuai mai iek ruak saong taong ruak. Di Khoa Truyền nhiễm, meng akok bilan 6 tal ini, urang mai taong ruak tagok rilo, meng 30 urang tagok yaok harei. Ini lac bruk cagar veik dom thun. Oh lac uranaih ruak di  Cần Thơ bo rilo tỉnh dalam bhum taneran Cửu Long yau Đồng Tháp, An Giang, Bạc Liêu...hu mboh uranaih ruak tangin takai cambuai tagok, dom urang ruak trak brei ba tagok sang iek ruak pakat angaok.

Harei ini (22/6), dom urang pan akaok dunya saong urang roh duah ilamo hu mbaok tame Mbang nyaom biai pakat glaong ka langik tasik di ban ine Pari (France) piah ngak cambaih laih jalan ngak piah trun manieng dom trak damak ka dom taneh ia hu jien mek tame biak bier saong peih veik rilo kadung jien ka langik tasik. Mbang nyaom biai pataom tame rilo asal kadha, panuac likau di dom nyaom taneh ia daok cak rok patagok ngan haong rilo asal kadha meng bruk yak klaak saiy tal jien padai langik tasik. Yaom lac Mbang nyaom oh caong ba tabiak harak praong, min dom urang jakar hu mbaok tame padang ngak jalan ka mbang nyaom pakat glaong brei thau lac, dom sanya biak khang, nan ye hu ba tabiak bruk daong ba ka dom taneh ia kan kathaot.  

Mexico daok dalam dom harei pandiak glaong abih dalam rilo thun tapa ngan haong nhiệt độ tagok tal 45 độ C di dom bang. Jabat Thời tiết pakat negar  Mexico brei thau, ini lac mbang pandiak ka 3 di taneh ia ini meng akok thun kan kandah kayua El Nino. Rajaei di dom bang ba tabiak quy định  uranaih nao bac dua mong dalam sa harei piah plaik njiak pandiak. Di ban ine Mexico City, labik takik hu langik pandiak glong jang 30 độ C, hu mboh nhiệt độ tagok tal 35 độ C dalam labaih 1 adit tapa.

Sa sruh gilai pajeng urang di cư  karam di tasik Đại Tây Dương,  labik langiu tasik di kaoh pulao Canary di Tây Ban Nha ngak ka takik di nyu 39 urang di cu metai mblung ia. Kapul khik caga takai tasik Tây Ban Nha brei thau lac, sruh gilai ini pajeng labaih 60 urang saong dom urang di cu ini njauk cang tal labaih 12 maong piah hu sraong daong Jalan di cu meng Tây Phi tal kaoh pulao Canary tapa tasik Đại Tây Dương jeng bhian randap jang dalam dom thun jaik di ini, dalam tuk kanja dom bhum palei hu pacang cakak bruk di cu suan adat hukum di Địa Trung Hải./.