Ban raya Ho Chi Minh bahrau ba tabiak bruk mbaoh tangin ka 7 inem mek sajarah – ilamo pakat ban raya. Harak angan bahrau hu jaik 2 inem mek kien truc nghe thuat lac Danaok kalan gauk Trương saong Labik kubo ong amuk Trương Minh Thành; Bein bangu labik kubo yao klak Gò Quéo; 5 inem mek sajarah dalam nan hu: Danaok Tân Phước, Đình Thần Phú An, Labik ngak bruk di Tinh uy Chợ Lớn saong Ban uy Sai Gon – Chợ Lớn di Vườn Thơm, Labik paling pahadar Vườn Cau Đỏ, Sang bac THPT Ten Lơ Man. Bruk dak danak ini parilo inem mek sajarah – ilamo, labik rah rivang di ban raya tagok 321, dalam nan hu 4 inem mek pakat negar karei crih, 99 inem mek pakat negar saong 218 inem pakat ban raya. Dom inem mek jeng hu bruk siam gheih praong ka bruk pato megru bhap bini, pabak hatai anit ranam taneh ia bangsa.

Tinh Lam Dong urak ini daok khik hu rilo ilamo di dom bangsa takik yau ye kong caing, rabap patau, lat ragam bangsa, menyim khan bai jih dalah, pak gah saong dom drap ar ilamo oh mboh di meta yau sajarah dakrai, kadha daoh bhap bini, dalikal…Njauk ndem tal, 2 kadha hu UNESCO taduan brei angan lac “Lavang ilamo kong cieng Tay Nguyen” saong “ Bein bingu taneh riya dunya UNESCO Dak Nong”. Brei patagok kein lagaih di  bhum taneh ndung bak ilamo, rilo bhap bini bangsa takik xa Nâm Nung padang Kapol yulit bhap bini piah yaih khan, pambak praong ilamo biak gheih di urang Mnong pachreih hu rilo tuai damuai.

Raya kacah lamo Bảy Núi di bangsa Khmer tinh An Giang thun ini brei peih tabiak di harei 31/8 anak tal, di labik 1, palei Vĩnh Thượng, xa An Cư, tinh An Giang. Raya kacah lamo hu 32 yau lamo mai meng rilo bhum palei dalam saong langiu xa, dalam nan hu phuong Chi Lăng (4 yau), phuong Tịnh Biên (6 yau), xa An Cư (18 yau) saong xa Núi Cấm (4 yau). Yaok kapul kacah hu sa yau lamo dua urang taong lamo. Tui Gah Peih kacah, piah duh ka bruk kacah, mbaok taneh hamu tapak hu ia taphia sang baha Rô brei hu taoh rilo mbang piah ngak ka gluh janal jang.

Sang iek ruak Da khoa Pakat negar Can Tho hu ba tame ngak bruk tui mac ngak eng bruk dut iek ruak. Ini lac bruk hu makna praong dalam tuk salih bahrau, rik daong paglaong bruk dut iek, jru ruak, abih takik tukvak cang taduan harak dut iek ruak saong ba mai kein laba biak ralo ka urang ruak. Abih di nyu lac, mac jamraik pasang iek hu aval saong taong abih mau, gam langyah mau ruak samar saong khik piah, hu siam lagaih, njauk tui dut iek ruak.

Meng akaok thun tal ini, tinh Gia Lai hu labaih 1.600 urang njauk ruak pandiak tabiak darah saong hu 304 labik tamuh jit ruak, dalam nan hu 36 labik tamuh ruak daok njom mbak. Ruak pandiak tabiak darah urak ini daok rah tabiak srau kadau di dom xa: Ia Hiao, Phú Thiện, Bàu Cạn, Chư Prông…Kuhria meng di ini tal puac thun, dom urang ruak pandiak tabiak darah tagok rilo kayua dalam bilan tabung glaong di jit ruak. So Y te tinh Gia Lai pachreih dom xa, phuong jhul khang bruk pathau khan, pato megru ka prein yava di rilo jalan ngak piah rahra thau tani tanat ka bruk kan kandah di ruak pandiak tabiak darah saong thau hu dom jalan pacang caga ruak.

Rajaei My birau hu jeng sa dalam dom cổ đông rik jien ralo abih di kapol ngak tabiak chip Intel hadei tuk salih labaih 11 ti USD daong Dao luat CHIPS jeng 10% co phan di kong ty ini. Paok jien daong nan patrun takik pambak tame bruk pablei chip meng negar langiu, gam ba mbuan lagaih ka Intel peih praong bruk ngak mbang di My. Tong thong My Donald Trump mboh lac “ kein laba tapak ka urang kak je ka My”, tuk yaom co phieu Intel tagok hadei khan brei thau.

Quoc hoi Han Quoc hu brei tapa sa hukum pakauk bruk pandar phone saong dom ndap nda ilamo ky thuat karei dalam tal bac di dalam negar, anak dom bruk duh hatai dak harei dak rilo ka bruk kanjah meng bruk pandar mang xa hoi ngan haong rairah sit thun umo. Hukum pakauk brei hu ba tame pandar meng bilan 3 thun anak, ba Han Quoc jeng sa negar bahrau abih pandar bruk ini ngan haong anek saih. Dahlau nan, Australia hu peih praong bruk pakauk mang xa hoi ngan haong anek saih.

Akaok Mentri Jalan mbak Tho Nhi Ky ong Uraloglu taduan hu ba-ar taong phat peih radaih samar hadei tuk ba video tagok mang xa hoi X tavak veik bruk ong peih radaih di jalan peih drah samar. Video nan hu mboh dong ho kuhria peih radaih di ong tacei tal taka 225km sa mon, khang jang 140 km sa mon tui adat di Thổ Nhĩ Kỳ. Ong Uraloglu taduan bruk ngak suan saong taong bhat 9.267 lira sumu 5 trieu 9 rituh ribau dong. Ong Uraloglu khan lac anak tal brei peih radaih tani tanat jang.