Tukvak anak tal, TPHCM hu 5 danak dak praong jaik peih ngak yau ribaong Xuyên Tâm, ar ribaong Kênh Đôi, jalan Vành đai 2 – vaktu ka 1, Jalan Vành đai 2 - vaktu 2 saong jalan peih drah samar  TP.HCM – Mộc Bài…hu 7.000 baoh sang bhap bini hu taneh tavak tame jaik 270 ha. Langiu di nan, lac dom danak dak praong yau dom labik TOD, bruk peih ngak danak dak jalan patagok pasei…Pho Akok UBND TPHCM Bùi Xuân Cường mboh lac: Ini lac dom danak dak pabak prein khang patagok TPHCM yau nan njauk brei hu jalan ngak, abih di nyu lac hu mbaok tame di taong abih gah, abih di nyu lac bruk jak ba bhap bini brei peih taneh.

Jhul khang bruk pathau khan, ngak brei palahik bhum klaik klaoh, bhum oh hu internet lac jalan njauk ngak piah rik tame daong paglong raidiuk bhap bini, abih di nyu lac bhum urang bangsa takik saong bhum ceik. Tui Akok mentri Khaw tin saong Truyền thông Nguyễn Mạnh Hùng, dalam 751 bhum klaik klaoh, bhum oh hu internet brei peih ngak tui hukum birau tabiak, min tal ini Sarak nan oh ka salah saong suai damuai. Hu rilo kadha ba tal bruk nan, min Akok Mentri Nguyễn Mạnh Hùng brei taduan bruk ngak nan.

Adit Ilamo - Padhih - Yulit tinh Long An mbang ka 2 ngan haong kadha “ Caong takre di kraong Vàm”, meda peih ngak di puac bilan 11 thun ini. Bruk nan hu dom bruk ngak yau: Nyaom biai pambuak, jhul pakhang bruk yulit saong pandap OCOP di TPHCM haong 13 tỉnh, ban ĐBSCL. Dalam nan, mbang akaok meti tỉnh Long An peih bruk pakacah Yai vah ghe 3 lá di kraong  Bảo Định caong khin hu peih ngak veik, patagok dreih yau pakacah ghe Ngo di urang bangsa Khmer ĐBSCL.

“Adat ngak yang Oóc Om Bóc – Pakacah ghe Ngo Sóc Trăng, Bhum taneran kraong Cuu Long mbang ka VI saong Adit Ilamo, Padhih  saong Yulit  Sóc Trang mbang ka 1, thun 2024” ngan haong kadha: “Khik ramik saong patagok ilamo  dom bangsa  Khmer; Brei mboh ilamo siam gheih ralo janih di urang bangsa Khmer. Dalam tuk peih ngak adat, dom bruk ilamo, the thao hu pablak tame  piah hu rilo bruk pachreih chrai, yaih khan, pachreih urang buh jien tame ngak yulit tỉnh Sóc Trăng.

Melam kabroi 13/11, di tinh Kien Giang  peih Nyaom pataom “ Ilamo nghe thuat bangsa Khmer”, di lac bruk ngak akaok meti peih tabiak daom bruk di Harei Ilamo the thao bangsa Khmer tinh Kiên Giang thun ini, pachreih kapol urang nghe thuat meng kan di bangsa Khmer  di dom palei dalam tỉnh. Di harei nyaom pataom  daok hu dom kadha peih ngak lac ragam tamia, kadha daoh bhap bini Khmer.

Thu tuong dahlau diah di Thái Lan Thaksin Shinawatra mbang akok meti  hadei 18 thun hu kadha bac chinh tri anak yaok ribau urang pachreih tui Đảng Daong taneh ia Thái di tỉnh Udon Thani, bhum  Barak negar Thái Lan. Dalam kadha bac di drei, Thu tuong dahlau diah di Thái Lan mboh lac Rajaei  kayua Đảng Daong taneh ia Thái ngak praong urak ini daok khik brei jum pataom saong kham ngak tui dom sarak patagok kinh te -xa hoi piah ba mai raidiuk drei sir ka bhap bini. Gam haong nan iew Rajaei Thái Lan brei ngak dahlau gah pato megru, y te pagong jien mek tame ka bhap bini.

Dom hang kapal haok dunya brei padeih rilo mbang par nao saong mai kaoh pulao Bali jeng yau kaoh pulao Lombok di Indonesia kayua huac bau ging ceik pui khuah. Tabung ceik pui Lewotobi Laki Laki glong labaih 1.580m angaok mbon ceik Flores daok pruh jeng dom pambuk bau glong  tal 10km, njauk brei paduan rahra nao labik karei. Dhun mun bau ceik pui khuah pacang mesup oh mboh jalan mbuan ba tal bala kapal haok. Harei 4/11, ceik pui khuah ngak metai 9 urang.

Ruak meta mong atah oh mboh di uranaih dak harei dak rilo. Tui kuhria di dunya hu mboh ruak ini ngak jhak tal 35% uranaih di dunya. Dom urang roh duah mboh lac urang nan meda tagok veik 40%, lac sumu labaih 740 trieu uranaih  ruak meta mong atah oh mboh di thun 2050. Meyah oh pasang khik iek hu, meta can thi  meda samar ngak meta ruak trak saong oh jru dhit ruak hu./.