Akaok UB Bhap bini Ban raya Ho Chi Minh Nguyễn Văn Được bahrau pasang iek dom danak dak hu makna di labik dalam ban raya, dalam nan hu danak dak buh jien tame padang jalan Vanh dai 3 saong danak dak jalan peih samar Ban raya Ho Chi Minh – Mộc Bài. Akaok UB Bhap bini Ban raya Ho Chi Minh pandar dom labik hu pambuak jhul khang bruk pambuak, samar drah peih ngak, khik kajap asar siam glaong saong njauk tukvak tui mbaoh tangin. Abih di nyu nan lac, dom urang dang ngak brei ka hu jalan langyah cambaih laih piah ngak bruk suai jang tukvak ba tabiak, tavak tavaiy ka takai taneh lamar lamuac, saong bruk suai bayar jien – urak ini bahrau hu 14% jalan ngak thun 2025. Taphia nan, caik hatai bruk pambuak samu yau gauk di jalan Vanh dai 3 saong jalan peih samar Ban raya Ho Chi Minh – Mộc Bài, piah patagok rilo abih prein ngak dom jalan di bhum kinh te hu makna di gah Meraong.

Pahadar 135 thun Harei manek Po Chu tich Ho Chi Minh (19/5/1890 - 19/5/2025), Mban Thuong vu Tinh uy Tien Giang hu alin brei Huy hieu Đảng ka 579 urang ndang umo praong thun saong urang plang lahik blaoh.  Dalam nan hu 1 urang ndang hu taduan Huy hieu 80 thun Ndang saong 1 urang ndang hu tadaun Huy hieu 75 thun Ndang. Dom urang ndang hu taduan Huy hieu Ndang halan hatian patui daong bruk ngak, nao dahlau dalam bruk dak padang Ndang  di bhum palei dak harei dak kaya meda patagok khang kajap.

 UB Bhap bini tinh Soc Trang brei khan tapa bruk pasiam veik kuhria phun jien di karja buh tame dalam tukvak 2021 - 2025 di dom phun jien dalam kadung jien karja palei pasang iek. Tui UB Bhap bini tinh Soc Trang, urak ini Trung uong hu jalan ka bruk ramik kapul he thong chinh tri. Di bhum taneh dalam tinh, hu dom danak dak tuk peih ngak meda gaok kan kandah dalam bruk ramik, piah plaih bruk palai, UB Bhap bini tinh ba panuac tagok HĐ Bhap bini tinh brei padeih bruk peih ngak 6 harak angan ngan haong taong abih phun jien jaik 75 ti dong.

Akok UBND tinh Trà Vinh brei thau samar chip bruk glut jaleih ar binek ia labik Cồn Hô, xã Đức Mỹ, huyện Càng Long. Kayua ia ndik gam hangin khang, ia nduac khang ngak ka taneh ar binek Cồn Hô di palei Mỹ Hiệp, xã Đức Mỹ glut jaleih, ralo labik ar pacang binek talah, ngak khat lahik biak trak jien padai jeng yau kan kandah dalam bruk ngak mbang di mikva bhap bini, ngak jhak tal 25 hecta taneh pala phun mbang baoh, raong glang athur saong raong kaya dalam ia di 29 baoh sang bhap bini di labik ini.

Di tinh Hau Giang, yaom durian daok trun biar dut haong akaok bilan pala. Ri6 janih Vip di labik durian hu yaom meng 65.000 dong/kg, janih A di tanut 53.000-55.000 dong/kg, janih B di tanut meng 35.000-40.000 dong/kg. Tui rilo po bein, yaom durian hu urang ikak kaiy pataom blei di bein daok biar rilo dut haong yaom daok pablei di kadai kuan saong baoh durian janih A jeng oh hu rilo. Kayua jien buh tabiak glaong nan rilo po bein khat lahik atau hu jien laba biak biar. Urak ini dalam tinh Hau Giang hu jaik 3.000ha phun durian.

Jabat chuc nang Thai Lan birau ini hu duah mboh, chap mek jaik 1.900 asar matuy patau saong labaih 500 asar jru lac hu mbat thaot binguk “Doraemon”. Dom urang nan khan lac, yaom tha than matuy labaih 300 baht sumu labaih 235.000đ. Dahlau di nan, dalam dom bruk ngak catang pagui mek kol matuy, canh sat Thai Lan jeng mek hu matuy asar hu mbat thaot binguk “Molly” saong “Labubu”. Yau nan ye, Jabat chuc nang Thai Lan kakei amaik ame saong anek saih brei sahaneng caga dahlau  anak bruk hu dom matuy mbat thaok binguk hu angan je bo uranaih takre.

Tong thong My Donald Trump hu bau veik hatai sahneng dang khik Dai Gaza gam haong nan ndom lac My brei ngak ka labik ini jeng sa labik tu do. Panuac ndom di ong Trump njauk rahra Palestine ndom puac oh njauk hatai, dom negar Arab saong Lien hop quoc tuk ndom lac bruk ini pambuak tal bruk neh halang bangsa. Dom urang langyah jeng hu ndom lac, bruk My hu mbaok tame tapak Gaza brei ngak ka Washington pambuak tame dalam mbang mesuh metak di Israel saong Palestine.

Di Nigieia meng akaok thun tal ini hu 138 urang metai kayua jit pandiak la-ar Lassa. Pasak Pasang iek saong Pacang caga jit ruak Nigeria kakei lac dom beuk kan kandah urak ini lac duah mboh ruak saong jru ruak oh ka siam, jien taong ruak glong di dom labik, gam sahaneng daok biar dalam dom bhap bini ka ruak. Thun 2024, negar ini hu 214 urang metai kayua pandiak la-ar Lassa./.