UB bhap bini Ban raya Ho Chi Minh bahrau ba tabiak jalan pakacah gauk tukvak tabung glaong 60 harei melam “kham marat jhul samar, nang suat jeng dua” kham marat ngak salah jalan ba tabiak di gah kinh tế - xã hội thun 2024. Mbang pakacah peih tabiak meng urak ini tal abih harei 31/12. Abih di nyu dalam nan, tui jalan ba tabiak lac ieu kakei jhul khang danak dak pakacah gauk uan harei pahadar 50 thun Harei peih paha gah maraong negar, yasa taneh ia (30/4/1975 - 30/4/2025). Dalam nan hu 61 danak dak, bruk ngak pakacah gauk angan je pakat ban; kham marat tal puac thun ini hu meng 20% danak dak, bruk ngak pakacah gauk angan je hu ngak salah tui njauk jalan ba tabiak, hu pagam papar, pok brei angan pakat ban.

Mbang Bangsa tinh Binh Thuan daok ngak jalan ngak tangei lai di dom xa, palei pala daok kan kandah di dom huyen Hàm Thuận Bắc, Hàm Thuận Nam, Bắc Bình, Tánh Linh. Ba drei tame pambuak ngak bruk ka 255 baoh sang mikva bangsa takik daok kathaot saong jaik kathaot. Abih di nyu nan lac, dom baoh sang bangsa hu mesraiy dahlau 20% phun jien meng gah dang akaok pambuak. Bruk pambuak bruk ngak tangei lai caong takre daong mikva bangsa takik parilo jien mek tame saong patagok bruk ngak mbang khang kajap.

3 quý di thun ini, dom hadang ia taba di dalam taneh ia lac labaih 1 trieu 100 tấn, kim ngạch pablei tabiak negar langiu mek hu 2,8 tỷ USD. Dalam tuk nan, jalan ba tabiak di gah kaya tastik ba tabiak ka gah pablei tabiak hadang dalam thun lac 4 tỷ USD. Di tỉnh Cà Mau, dalam 10 bilan blaoh tapa, hadang raong lac 200 tan, mek hu labaih 82% dut saong jalan ba tabiak. Min, yaom hadang di dalam taneh bier nan ye urang raong hadang hu bala takik. Daok di tỉnh Bạc Liêu, bruk cak rok patagok raong hadang dalam tukvak tapa biak samar, dalam tuk nan bruk pandar saong peih ngak dom jalan langyah ia tachrauk nerak dalam bruk raong kaya tasik daok biak takik.  

Meng harei 9/11-15/11/2024, mada rah tabiak Harei raya pesta Oóc Om Bóc – Pakacah gaiy Ngo Soc Trang bhum Taneran kraong Cuu Long mbang ka VI. Piah khik tani tanat bruk siam mekre salamat luac tukvak rah tabiak Harei roya pataom gauk, Kong an tinh Soc Trang pato tacei dom kapul paglaong bruk pasang iek bruk ngak tui adat di hukum dalam gah ilamo, padhih, yulit saong bruk yaih khan di dom labik pablei salih yitvu kuan nha hang, khach san, yiyvu menyum mbang, karaoke, massage saong dom labik rah tabiak bruk parang iek ilamo, nghe thuat, me-in, piah samu duah mboh dom bruk ngak suan hukum, piah ngak catang langyah dom bruk ngak suan hukum nagar.

Tui kuhria di Pasak kuhria mboh dahlau bruk langik tasik tỉnh Hậu Giang, kayua ia tagok gam haong hajan bilan Đông Bắc, bilan 11 ini, di dalam tinh mboh dua mbang ia tagok glaong, yam tapa tanut bao dong 3, ngak ia dauk di dom labik. Kayua yau nan ye, Pasak kuhria mboh dahlau bruk langik tasik tinh hu kakei rahra njauk pacang cakak danao ikan, pacang ar khik bein phun mbang baoh, caga dahlau mac njuk ia piah tuk ia dauk dui atah. Dom sruh ghe gilai daok nduac di mangaok kraong nduac dhair dhan piah pacang caga bruk glut jaleih taneh ar pacang saong plaih atah jalan ia nduac.

 Jabat pacang caga kol khung bo kon bleih chak di Indonesia kakei lac, kol khung bo kuhria jalan taong meng taong anak mata tapa online saong pamaong tame dom urang kumei saong uranaih. Meng akaok thun tal ini, Jabat ini brei thau lac hu labaih 2.200 tai khoan jalan intenet mang xa hoi patabiak labaih 10.500 asal kadha pambuak tal khung bo. Dom asal kadha hu duah mboh dalam nan hu bruk dakwah pathau khan khung bo, peih bruk taong tame online, pilih ruah urang khung bo saong ba tabiak dom asal kadha ngak pamaoh gauk, di mangaok dom gah Facebook, TikTok, YouTube saong WhatsApp. (VTV)

 Dom urang metai kayua hajan sua ribuk biak trak damak di gah timun negar Tây Ban Nha tagok tal labaih 158 urang, dalam tuk dom kapul daong duah urang njauk bala daok roh duah dom urang lahik dalam bala langik tasik biak trak damak abih pak châu Âu dalam labaih sa piluh thun tapa. Grauk labik di Valencia daok gaok kan kandah haong guh baok, dom pandap nda pacah ngan haong yaok ratuh sruh radaih ô tô daok bak pacang jalan. Dom labik gaok hajan samu haong hajan di sa thun tok dalam 8 maong. Bala ini lac bala hajan ia sua trak damak abih meng nan mai ka oh bhian mboh pak di Tây Ban Nha.  

 Liên hợp quốc Pahasa kapul pambuak nagar nagar dunya saong dom taneh ia tapen tasik bahrau peih mbang ginum biai samar drah, piah duah tabiak jalan langyah pacang caga haong bruk yah klak karang di dunya. Bruk ini rahtabiak tuk nhiet do tasik tagok, san hô jhul tảo dalam kalik tabiak langiu, ngak ka karang salih tapa sambo mau putih. Mayah oh hu tảo, karang mbuan njauk matai eik, gaok ruak saong metai. Liên hợp quốc Pahasa kapul pambuak nagar nagar dunya jeng ieu kakei dom taneh ia rik tame rilo jien padai jang tame kadung jien dunya duh ka dom labik karang./.