Ban raya Ho Chi Minh kuhria patui veik pambuak 2 bruk pilih ruah tui hoc ba saong pakacah di mbeng pakacah pilih ruah tame tal bac 10 tukvak 2026-2027. Tui nan, jalan pilih ruah tame tal bac 10 hu kuhria yau ini: ngak bruk pilih ruah tame tal 10 sang bac THPT pakat karja di dom labik halei karei, dom sang bac THPT pakat karja, daok veik brei pilih ruah meng jalan pakacah klau mon: Ngu van, Toan, Sap Anh. Bruk khik tani tanat 3 mon pakacah pieh brei kein lagaih ka amaik ame, anek saih saong dom sang bac hadei tuk ramik caga labik ngak bruk karja.

Tinh Ca Mau hadei pagam tinh lac bhum palei raong rilo hadang, aring di abih dalam negar. Yaom lac hu lagaih rilo  saong danei angan labik hu hadang, aring bingi min oh ka hu kaya OCOP mek hu tanut 5 patuk pakat negar. Bruk ngak tabiak kaya hu kein laba glong meng hadang, aring piah hu jeng dom kaya OCOP 5 patuk oh lac paglong kein laba kinh te bo daok rik tame padang angan kaya nong Ca Mau haong darak pasar dalam saong langiu negar.

Gah Padeng ngak Ban uy Can Tho bahrau hu harak pandar dom jabat, labik pambuak gauk samar drah pasiam dom angan uy vien mban chap hanh ndang bo, uy vien mban thuong vu ndang uy, phaok akaok HĐ Bhap bini, phaok akaok UB Bhap bini pakat xa; dang akaok, phaok akaok dom jabat chuyen mon hu caong takre tut angan halan tian mai ngak bruk di dom xa, phuong daok kurang urang jakar tui labik ngak bruk lagaih. Dalam nan brei caik dahlau bruk ramik urang jakar hu ilamo gah jien padai, padang, pasang iek taneh riya, kong nghe khao tin.

So Yulit TPHCM brei parilo danak dak tui kadha duh ka tuai yulit ma-in melam. Siam abih lac dom show parang iek biak pachreih hatai urang takre yau: Ia bulan di mblang mesruh” hu peih ngak yaok bilan di Labik inem krung sajarah dak rai Địa đạo Củ Chi saong “Taneh riya pathei – Địa đạo samalat abih dalam hatung hatian bhap bini”. Langiu di nan, dom bruk nao sirah main ban raya meng radaih buyt glong dua tal laneng lanoi, nao ma-in angaok kraong Bai Gon, tour “ Mong iek ia harei tame ceik di kraong Bai Gon” saong dom danak dak gam mbang dom kaya bingik karei  di dom kapal gilai  praong tapen kraong Bai Gon…

Meng akaok thun tal ini dalam negar hu labaih 32 ribau urang njauk ruak pandiak tabiak darah, dalam nan hu 5 urang metai. Yaom lac dom urang njauk ruak saong urang matai kayua ruak pandiak tabiak darah hu takik jang dut haong tukvak ini thun dahlau min dalam negar daok yam tame bilan tabung glaong di jit ruak pandiak tabiak darah. Njauk caik hatai sangka, dom bhum palei di gah Maraong hu dom urang njep ruak tgaok biak glaong, yai Tay Ninh tagok 274%, Dong Nai tagok 191%, Ban raya Ho Chi Minh tagok 151%.

Thái Lan meda ba angan jru Etomidate, lac janih jru ngak me tinh mach, tame angan jru huong than Janih ka 2 piah pacang caga pandar suan hukum dalam dom janih pakao hala ndien tu meda ngak ghien saong metai. Tui bruk ba tabiak birau, urang pandar suan hukum pandap hu Etomidate meda taong phat daok guk 7 thun atau taong phat jien tagok tal 700.000 baht, samu 22.000 USD.

Ha vien My hu brei tapa jalan hukum hu kuhria brei salih karei piah ngak tabiak hukum ka jien ndien tu hu brei yaom meng do la My, atau daok hu ieu lac stablecoin. Ini hu maong yau sa bruk salih lagaih ngan haong gah ngak kong drap ar ky thuat lek taka so, peih jalan ka rilo kapul ngak mbang praong dalam dunya njauk hatai saong pandar jien ndien tu. Stablecoin lac sa janih jien ky thuat lek taka so hu yaom kaom hu ba tame sa drap ar tani tanat, pagap yau jien tui hukum atau ameh, piah khik tani tanat ka yaom jien.

Yaom lac hu brei padeih cuh di karja Siry, dom bruk mesruh metak catang daok rah tabiak. Gah tui iek adat quyen anek manuac di Syri khan lac, kuhria abih tih urang metai dalam 6 harei mesruh metak kayua bangsa agama di Sweida tagok tal labaih 500 urang. Yau nan min, urang metai oh ka brei thau cambaic laic.