Lien doan Lao dong Ban raya Ho Chi Minh birau pok meyaom 23 doanh nghiep ngak siam tui hukum, kham merat sangka siam ka raidiuk saong paglong jalan sahaneng ka urang. Ini lac dom doanh nghiep oh padeih paglong ilamo khik iek, pakhang prein meraik gauk, paglong asar pandap siam,  padang angan je padap panda Viet Nam; tui nan tuk halei brei sangka, kuhria raidiuk urang ngak, iek urang ngak lac drap ar  praong glong di doanh nghiep; dak padang ilamo pablei salih, ilamo doanh nghiep; rik tame padang ngak Bara raya HCM dak harei dak cak rok patagok salih birau, anit ranam.

Tui Kapul Urang ngak nong tinh An Giang, kuhria rah tapa, hu labaih 82 ribau baoh sang dalam 169 ribau baoh sang urang nong hu tut angan urang nong ngak mbang, pablei salih naih joi dom pakat. Abih tih jien laba urang ngak nong naih joi pakat tinh tukvak 2022 – 2024 hu labaih 25.000 ty dong. Tal ini danak dak urang ngak nong ba tabiak pablei salih naih joi hu prein pambak dalam rilo gah pala drak, raong glang, ikan hadang, ba tabiak dom kaya pandap cong nghiep, yit vu…jeng sa bruk caik hatai sangka dalam raidiuk kinh te, xa hoi di palei pala, hu dui pachreih rilo dom baoh sang rahra hu mbaok tame.

Mban tacei ba jalan Danak dak pato sap Khmer ka urang jakar, kong chuc, vien chuc tinh Soc Trang birau peih dom  tal pato sap Khmer thun 2024. Bruk peih tal bac dalam Danak pato sap Khmer ka urang jakar, vien chuc di tỉnh. Muk Hồ Thị Cẩm Đào, Pho Bí thư Thường trực Tỉnh ủy Sóc Trăng, caong khin  brei salih birau asar kadha, jalan pato tacei saong bac piah ngak hu siam jang, piah daong urang bac  mbuan dar mbuan kanal, paglong bruk duah thau, ilamo sap ndem, akhar vak jeng yau adat cambat tanarakun di bhap bini bangsa Khmer. Meng nan, jak ba  hu siam lagaih  dalam bruk khik iek, peih ngak bruk chinh tri di bhum palei.

Anak di bruk ngak suan hukum jalan mbak di anek saih, abih di nyu nan lac dom adei peih radaih ndien, radaih biar ala 50 cm3 tuk oh ka ginup thun umo jeng daok rah tabiak, So Pato Megru saong Kong an tinh Vinh Long hu pandar anek saih ngak njauk tui adat hukum yau me-om, tuah mot bao hiem tuk peih radaih patuh, radaih juak ndien, radaih ndien; oh pakacah gauk nduac radaih samar, nduac suan jalan, pandar phone tuk nduac radaih. Tapa bruk ini piah samar drah hu ngak tabiak saong maong ilamo jalan mbak lac yau sa bruk diukrai, bruk randap yaok harei tuk paih nduac radaih.

Tinh Kon Tum birau peih ngak “ Mela kong chieng, xoang dom bangsa takik di tỉnh Kon Tum” hu 170 nghe nhan di 8 kapol nyaom tame. Dalam nan hu 7 kapok nyaom lambaok 7 bnagsa di tỉnh, nan lac: Xơ Đăng, Ba Na, Giẻ -Triêng, Gia Rai, Brâu, Rơ Măm saong Hrê. Nghe si ưu tú Phạm Văn Hân, Yam ndoc  Pasak Ilamo-Nghệ thuật tỉnh Kon Tum, khan lac ini lac dom kadha biak gheih, lac ilamo biak gheih daok biak takik bo nghe nhan 7 bangsa daok khik ramik, brei mboh hatai anit ranam, jum pataom dom bangsa takik dalam tinh Kon Tum”.

Bruk tranh cu tong thong Mỹ di amuk Kamala Harris saong dom uy mban chinh tri pambuah tal jak ba hu 1 ty USD, kuhria meng di tuk amuk jeng ung cu vien di ndang Dan Chu dalam bilan 7/2024. Amuk Harris jak ba hu 25 trieu USD dalam harei amuk hu iek brei tapa ngak ung cu vien di ndang Dan chu, saong dui pachreih hu 500 trieu USD dalam labaih 1 bilan. Bruk pakacah gauk di amuk Harris saong ong Trump jeng daok biak samu gauk, haong bruk dang angaok di amuk Harris dalam dunya daok dui jaik gilac.

Jabat Lien hop quoc daong ka urang tị nạn Palestine (UNRWA) taduan hu dom harak ndem puac lac yaok pluh urang Palestine meda metai di trại tị nạn Jabalia saong dom labik karei di  Barak Dải Gaza. LHQ jeng hu brei thau oh daok labik halei salamat piah panduan ba di Dải Gaza. Urang ngak praong di Jabat Liên hợp quốc daong ka urang tị nạn Palestine lac hu takik abih 400.000 urang daok gar di labik nan. Bruk panduan ba  jaik ini bo bol lin Israel ba tabiak lac bhap bini njauk nao labik karei veik, njauk ndem lac trại tị nạn Jabalia. Rilo urang oh khin kayua urang thau lac oh labik halei hu salamat di Gaza.

Kapul Y te lien Mỹ (PAHO) brei mboh dom urang pandiak tabiak darah di chau Mỹ dalam 8 bilan akaok thun ini hu tagok tal tanut glaong abih meng lavik mai. Dalam thun ini hu jaik 12 trieu urang ruak pandiak tabiak darah, kapul y te lien Mỹ hu ieu dom negar di Nam Mỹ patagok dom jalan ngak pacang caga tuk bilan ruak pandiak tabiak darah bahrau rah tabiak. PAHO gam haong nan ieu dom negar dalam Nam Mỹ srap gap dom labik, kein lagaih y te piah pasang iek dom urang ruak praong jang dalam bilan njaom pambak jit ruak pandiak tabiak darah.