

Tui kuhria mboh dahlau thun bac 2025-2026, Ban raya Ho Chi Minh meda parilo tagok anek saih pakacah tame tal bac 10 di karja. Ong Nguyễn Văn Hiếu, Yam ndok So Pato megru Ban raya Ho Chi Minh khan lac, so daok pasang iek veik bruk taduan anek saih tame di yaok sang bac piah brei thau palih hadom anek saih tal bac 10 di karja di thun bac anak tal. Ini lac thun akok meti 4 sang bac THPT brei padeih palih ruah anek saih tal bac 10 chuyen nan lac THPT Gia Định, Nguyễn Thượng Hiền, Mạc Đĩnh Chi saong Nguyễn Hữu Huân. Thun bac 2024-2025, TPHCM hu labaih 88.500 anek saih tal bac 9, trun labaih 28.000 anek saih dut saong thun bac dahlau. Mbang pakacah tame tal bac 10 thun ini meda peih tabiak dalam 2 harei 6 saong 7 bilan 6 anak tal.
Tui kuhria mboh dahlau di dom jabat chuyen mon tinh Ben Tre, bruk njom ia mbak dalam bilan thu thun ini mai tal samar, hu tabung glaong di dom harei anak tal. Ia mbak urak ini tame dalam dom kraong ribaong saong taneh hamu, tanut mbak labaih 2 angaok ribau, tame dalam labaih 40 km tame taneh riya. Gah chuc nang tinh Ben Tre pachreih rahra pacang caga dahlau prein yava saong pacang caga jit, ruak dalam bilan pandiak, kurang ia, njom ia mbak. Dom labik atah di pabah kraong meng 15km tal 69km ba trun brei pasang iek tanut mbak tuk ba tame pandar braong saong pandar ia tapak.
Peih ngak Danak dak pakat negar patagok kinh te - xa hoi bhum urang bangsa takik saong bhum ceik, tinh Ninh Thuan daong labaih 14 ty dong piah padang ngak 354 baoh sang ka baoh sang kathaot bangsa takik dom huyen Ninh Son saong Bac Ai. Yaok baoh sang hu taneh sit abih lac 32 met vuong, brei hu 3 tanut “3 kajap”, tabung kajap, danieng kajap, takai sang kajap. Pakacah jak ba gauk daong ngak brei abih baoh sang oh daok taik tahak, thun ini taong abih tinh jak ba dom gah rik jien tame ngak pasiam saong padang ngak birau 2.111 baoh sang “ 3 kajap”. Ini lac bruk kham merat biak ralo di tinh Ninh Thuận daong ka urang kathaot hu sang daok sahanang hatai ngak mbang, patruh kathaot.
Kham merat tal puac bilan 3 anak tal salah blaoh bruk brei oh daok baoh sang taik tahak, huyen Sa Thầy, tinh Kon Tum hu ngak siam bruk paglaong prein rik daong di rahra saong dom gah ngak pahla. Kuhria tal kreh bilan 2 ini, huyen hu brei oh daok jaik 90 baoh sang dalam 346 baoh sang taik tahak. Urak ini, dom bhum palei daok ba tame padang, pasiam 139 baoh sang. Langiu di jien pabak anak meta meng jien jak ba di tinh, di huyen saong jien patak pataom buh tabiak bhian lac labaih 2,7 ty dong, rahra jeng hu rik daong jak jeng saong jien piah padang, pasiam sang daok hu abih tih jien labaih 7 ty dong.
Urang ngak sara tinh Ben Tre daok kuac mek sara bilan akaok thun. Kayua langik pandiak hajan oh lagaih yau nan ye bilan sara akaok thun ini lahik ralo, urang ngak sara oh bui hatai, sara trun lahik jaik 50% dut saong tukvak ini thun dahlau. Bruk ba tal sara lahik takik lac kayua langik la-ar, rilo mbang gaok hajan praong oh njauk bilan ba tal bruk ngak sara oh lagaih. Bruk ngak sara hu meng kan lavik di urang daok tapen tasik 2 huyen Ba Tri saong Bình Đại, tỉnh Bến Tre. Yaok thun, di bilan pandiak bhang, urang pak ini ngak hu labaih 1.300 ha hamu sara.
Microsoft bahrau ba tabiak sa bruk hadah krah dalam gah mac tính lượng tử hu ngak tabiak sa janih chip lượng tử biak bahrau hu angan Majorana 1. Ini hu maong lac sa bruk jak jeng hu makna hadei 19 roh duah di Microsoft. Bruk hu makna lac piah ngak tabiak hu chip ini, Microsoft hu ngak tabiak sa trạng thái pandap panda biak bahrau nan lac siêu dẫn tô pô, sa janih pandap panda hu brei lac oh hu dalam dunya. Chip Majorana 1 hu caong takre brei peih jalan ka bruk patagok dom he thong mac tính lượng tử bahrau.
Yaom co phieu dom kong ty ngak chreih sambai di Han Quoc daok tagok mai meng hatai caong Kpop jaik tame tukvak peih ngak birau. BTS lac nyaom adaoh urang likei hu dom urang nao ngak bollin, kuhria pambuak veik bruk daoh alat ragam di bilan Hè ini. Dalam tuk nan, nyaom adaoh urang kumei Blackpink jaik nao adaoh grauk labik di dunya di kreh thun ini. Gam haong flim binguk, kaya mbang saong pandap ngak mekre, Kpop lac sa dalam dom pandap pablei tabiak negar langiu ilamo siam mekre abih di Han Quoc.
Kum menuk ada hu ngak ka urang ngak nong di Mỹ brei palahik yaok trieu drei menuk yaok bilan ngak ka gah pabak baoh menuk trun rilo. Bruk ini pambuak haong palai ngak ka yaom baoh menuk tagok samar drah. Rahra di rilo bang brei patakik baoh menuk pablei tabiak yaok harei. Tui Mentri Ngak nong Mỹ, meng akaok thun tal ini hu labaih 21 trieu drei menuk binai njauk kurang tapol. Dom ban saong ban sit di Mỹ mbaoh tangin brei ka rahra raong menuk di sang meyah rahra ngak tui njauk tanut chuan pacang caga jit ruak/./
Viết bình luận