Tui Mentri Quoc phong, harei dieu binh, dieu hanh pahadar 80 thun harei Negar 2-9, peih ngak di Mblang bein Ba Đình dalam page harei 2-9-2025. Brei hu nam kapul hu mbaok tame dieu binh dieu hanh, dalam nan hu: kapul urang pan truai saong bol lin dang akaok balai apui; kapul cuh phao harei raya; kapul bol lin peih par ahaok; kapul dieu binh dieu hanh; kapul dang sa labik dalam nan hu bol lin dang akaok lễ đài, 11 kapul bol lin saong 7 kapul urang di mentri kong an dak akhar huroh. Langiu di nan, daok hu kapul dieu binh di angaok tasik di Cam Ranh (Khanh Hoa). Hadei tuk dom kapul salah blaoh bruk dieu hanh tapa lễ đài, kapul brei neh jalan di dom jalan dalam ban pambuak haong rahra.

Pasang iek bruk ngak danak dak padang ngak tatua Rạch Miễu 2 pambuak tinh Dong Thap saong Vĩnh Long jiak hu ba tame pandar, Pho Thu tuong Trần Hồng Hà meyaom dom bruk kham merat di po buh jien tame ngak, don vi peih ngak saong 2 tinh brei jhul pasamar peih ngak danak dak ini. Urak ini, danak dak tatua Rạch Miễu 2 ngak hu 99%, samar jang bruk dut bruk ba tabiak dahlau 5 bilan. Pho Thu tuong kakei lac, bruk ngak hu salah aval oh lac hu makna praong dalam ka gah jalan mbak hu lagaih pambuak dua tinh Vinh Long - Dong Thap bo daok pabak prein khang patagok kinh te, xa hoi di bhum taneran kraong Cuu Long.

Urak ini tinh Dong Nai hu 8 xa tapen negar lac Lộc Tấn, Lộc Thành, Lộc Thạnh, Tân Tiến, Bù Gia Mập, Đắk Ơ, Hưng Phước saong Thiện Hưng. Taong abih dom xa jeng likau padang dom banah piah duh ka bruk peih bruk gam bac gam daok meteh harei dalam sang bac ka anek saih bangsa takik. Dom bhum palei jeng likau tinh brei hu sarak daong urang jakar pasang iek, gru pato, urang ngak bruk hu mbaok tame bruk daong gam bac gam daok meteh harei, gam haong nan daong var mbang ka anek saih, abih di nyu nan lac anek saih bangsa taik baoh sang kan kandah.

Piah klak rabha dom kan kandah saong ba mbuan lagaih piah tani tanat raidiuk, daong urang jakar, kong chuc, vien chuc saong urang ngak sahanang hatai ngak bruk hadei pagam tinh, HĐND tinh Lam Dong kham merat daong yaok urang jakar jien pah sang 3 trieu dong sa bilan. Tukvak daong tal 12 bilan. Dalam tukvak nan, urang halei hu tame daok sang karja ye oh abih jien pah sang, min brei bayar jien ndien, jien ia.

Kapul Urang njauk jru mek klik kruac/dioxin Ban raya Can Tho bahrau peih bruk taom gaok dom urang dalam kapul, urang njauk dioxin dalam Harei ka dom urang chat doc mau da cam/dioxin (10/8). Urak ini ban raya Can Tho hu labaih 19.000 urang dalam kapul saong labaih 13.000 urang njauk chat doc mau da cam. Tukvak tapa, Thành hội jeng hu sangka, daong ka labaih 190.000 urang njauk jru mek klik kruac  da cam tapa dom danak dak daong sang daok, jien alin pachreih bac, daong brei mesre jien oh mek jien laba, rivang saong alin pandap dalam haarei raya, Tet, bruk daok dang, sangka prein yava, bac megru bruk ngak. Tapa nan, daong urang njauk dioxin saong baoh sang dom urang nan uak drei tagok tani tanat raidiuk.

Gah lin daong duah urang gaok bala daok duah dom urang daok veik hadei ia ribuk sua saong glut jaleih taneh lam kateik sa palei di tabung ceik gah barak An Do. Takik abih 4 urang metai saong yaok paluh urang karei daok lahik, rilo palei ia ba theik. Bol lin saong canh sat pak ini pandar  ahaok  peih ta-eng, athau (asau) mai duah saong ahaok truc thang piah duah dom urang daok lahik. Bilan hajan hangin yaok thun bhian ngak khat lahik biak trak di grauk labik dalam negar An Do.

Sa talei cap tatua tuen di labik jirah rivang me-in danei angan di Tân Cương, Trung Quoc njauk klaoh talei takatuak ngak takik abih 5 urang metai saong 24 urang njauk rambuac. Thaik thaot hu papar di angaok Douyin brei mboh tatua mbleng tapa sa gah. Karja palei hu anak meta brei padeih bambang labik jirah rivang me-in piah duh ka bruk pasang duah iek saong pasang iek ka bruk salamat.

Birau tame bilan 8 min bilan hè thun ini mboh langik hu rilo mbang pandiak hajan jhak rah tabiak di meteh baoh taneh. Pandiak di Trung Dong saong chau A  tapa 50 do C. Di bhum Bac Cuc, Phan Lan langik pandiak labaih 300C dui atah 22 harei. Dalam tuk nan, hajan praong ngak ia ribuk sua trak di Trung Quốc saong Pakistan, hajan praong abih dalam labaih 140 harei tapa./.