Mentri Pato Megru bahrau pandar dom So Pato Megru patui veik pasang iek pato veik, bac megru veik; bruk ngak di dom labik pato megru pho thong ta-eng peih ngak di dom gah, dom menuac urang. Gam haong nan pato tacei salih bahrau jalan pato bac saong pasang iek, taong yaom tui jalan pataok ilamo di anek saih, brei kein lagaih piah anek saih hu patagok taong abih; ramik tukvak ngak danak dak biak hu ilamo khoa hoc, su pham, siam lagaih, oh ngak kateik geik ka anek saih; khik kajap tal puac thun bac, anek saih mek hu bruk caong khin tui adat di danak dak.

Ndang bo xa Thường Phước, tỉnh Đồng Tháp birau peih nyaom roya mbang ka I, vaktu 2025-2030. Ini lac don vi akaok meti doi tinh Dong Thap peih Nyaom roya. Di mbang  nyaom ini, ong Nguyễn Trọng Nghĩa, Uỷ viên Mentri Chinh tri, Bi thu Trung ương Đảng, Akok Ban Tuyen giao saong Dân vận Trung ương kakei lac, Thường Phước lac xã taphia negar, labik hu makna biak praong ka bruk quoc phong- an ninh, kayua yau nan ye pambuak bruk tani tanat bruk khik kajap quoc phong, an ninh haong bruk patagaok kinh te, xa hoi. Pakhang bruk pambuak labik tapen negar, bac megru ilamo, kinh te haong dom  bhum palei negar Campuchia.

Tinh Dong Nai kuhria buh jien tame labaih 16.000 ti dong ngak jalan di angaok rah tui jalan raya 51, piah patrun bruk gar tavak di ban medin pasak. Jalan di angaok rah tui jalan raya 51, jalan meng canah pak Vung Tau tal canah jalan Vo Nguyen Giap saong jalan peih samar Bien Hoa - Vung Tau hu buh jien tame tui jalan pambuak bruk karja saong ta-eng dom gah dom menuac urang (PPP). Danak dak hu atah labaih 5,5km, hu buh jien tame padang hu 6 jalan radaih. Langiu di nan danak dak brei buh jien tame ngak di angaok rah tui jalan raya 51 saong dom jalan canah pak Vung Tau, Bambang jang 11, jalan Vo Nguyen Giap haong jalan peih samar Bien Hoa - Vung Tau saong canah jalan haong jalan ka 2 dalam palei pala.

TPHCM daok kurang darah  piah iek ruak, darah khik piah daok takik, pabak hu meng 70 tal 80% bruk taong ruak. Yau nan ye, So Y te TPHCM iew bhap bini alin brei darah, piah hu ginup darah ka urang ruak hu salamat, mbon sanang dalam tuk ramik veik bruk ngak gah iek ruak. Tui nan, caong khin UBND dom phuong, xa, dac khu  samar padang Mban tacei jak ba urang halan hatian brei darah pakat phuong, xa; pakhang pambuak haong Kapol Chu thap do TPHCM jak ba bhap bini halan hatian brei darah, rik tame pabak darah dalam gilang khik piah tal luac thun 2025. 

Kong an phuong Binh Minh, tinh Tay Ninh bahrau duah mboh saong pataom khik 587 kg saong jaik 5.300 lit jru pamatai hareik, jru pamatai halak haling hu angan meng langiu negar bo dua urang di Tay Ninh pajeng ba. Ngak bruk haong jabat karja, dua urang ini hu khan hu tok mek dom ndap nda nan meng sa urang Campuchia oh ka thau cambaih laih angan tapa mang xa hoi, hadei nan pajeng ba mai Viet Nam piah pablei tabiak darak pasar piah mek jien laba suan hukum. Meng akaok thun tal ini, kapul ini hu ngak takik abih dua mbang pajeng ba haong taong abih labaih 6.000 lit jru khik caga phun kayau meng Campuchia mai Tay Ninh pablei.

Tong thong Mỹ Donald Trump birau hu Thủ tướng Campuchia Hun Manet pok meyaom alin yai Nobel Hòa bình kayua hu rik daong pacang cakak bruk mesruh gauk di labik taphia negar Campuchia saong Thái Lan. Langiu Campuchia, Pakistan jeng hu panuac lac meyaom Tong thong Donald Trump alin yai Nobel Hòa bình kayua hu rik daong pacang cakak bruk mesruh haong An Do. Thu tuong Israel jeng hu palih ruak ong Trump piah alin yai ini.

Rajaei Han Quoc brei ka dom kapul tuai damuai jirah rivang me-in mai meng Trung Quoc tame bo oh brei hu visa meng harei 29/9 tal bilan 6/2026. Bruk ini hu ba tabiak hadei tuk Trung Quoc brei mien thi thuc ka rahra Han Quoc saong tuai damuai negar langiu meng bilan 11/2024. Gah pasang maong caong takre ini lac sa bruk brei mboh bruk pambuak gauk di dua negar meda hu pasiam di tukvak ngak bruk di Tong thong Han Quoc Lee Jae Myung. Gam haong nan brei daong pachreih kinh te dalam negar dalam tuk tuai damuai dunya daok hu pasiam veik.

Bruk lavang vaih saong eik lipa dak harei dak rah tabiak ralo labik di Dải Gaza. Meng bilan 6 tal bian 7, dom urang tame sang iek ruak kayua iek lipa lavang lavaih tagok dua mbang, meng jaik 6.000 tagok jiak 12.000 mbang. Sa kapol tui iek bruk eik lipa di dunya khan lac, bruk iek lipa daok rah tabiak di Dải Gaza, bruk eik lipa daok rah tabiak ralo, uranaih metai kayua dom eik lipa saong bruk taduan pandap daong pahala di labik pacang cakak klaoh kan tame hu./.