Dang akaok nyaom ginum biai di Rajaei bilan 7 online pambuak dom tinh, ban di Trung uong page ini, Thu tuong Phạm Minh Chính  caong khin dom bhum palei khan brei thau dom bruk daok tavak tavaiy dalam bruk ngak tui jalan karja palei dua pakat khin Karja pakat negar lang talaih. Dom metri, dom gah, bhum palei njauk brei ngak hagait piah jhul pakhang bruk cak rok patagok kinh te - xa hoi; abih di nyu nan lac kadha bac megru hu piah samar, patagok, oh huac kandah, padrah jang piah kham ngak hu dom bruk ba tabiak dalam thun 2025 saong vaktu Nyaom roya mbang XIII di Đảng ba tabiak.

Dalam 7 bilan akaok thun ban Cần Thơ pablei brah tabiak negar langiu 1 trieu tấn brah, jien mek tame labaih 515 trieu USD, tagok 5,9% dut saong tuvak ini thun dahlau. Kuhria thun ini, Cần Thơ  pablei labaih 1 trieu 800 ribau tấn brah, meblah labaih 20% kuhria taong abih brah pablei tabiak negar langiu di negar. Gam haong nan, rilo janih kaya kan pablei tabiak negar langiu di ban hu tagok biak siam dalam tukva tapa.

Piah ba mbuan lagaih ka urang jakar kong chuc hadei tuk pagam tinh, UBND tinh Ca Mau birau tabiak sarak daong urang jakar blei sang daok xa hoi. Tui nan, urang hu sang blaoh min daok atah labik ngak bruk meda hu brei blei, pah sang daok xa hoi dalam tinh. Urang khin blei sang daok lac sang atah labaih 20km kuhria meng labik ngak bruk saong lac tok sa baoh sang eng di tinh Ca Mau.

Tukvak jaik ini, tinh Vĩnh Long hu dom urang raong đuông la-u tui hatai di drei piah mek halak ngak ndap mbang. Bruk nan ngak suan dom tui kadha khik iek saong pasang iek phun pala saong mbuan pambak jit palai pajua, ngak jhak tal phun li-u. Anak bruk nan, So Ngak nong saong Moi truong iew dom don vi chuc nang brei duah thau,pasang iek saong langyah catang dom bruk ngak suan ngak chung. Đuông la-u mebaoh di phun la-u, hadei di nan menek jeng halak mbang tame rup phun la-u ngak metai.

Kong an xã Trị An, tỉnh Đồng Nai (huyện Vĩnh Cửu dahlau diah) hu taduan panuac sa-ai V.A.M.T khan lac, anek kumei umo 14 thun kapol urang oh krein randap meyai sap negar langiu ba tagok radaih o to pajeng nao. Baoh sang hu iew phone rilo mbang min oh hu nan ye mai khan ka kong an daong. Tui dom ilamo jalan ngak bruk, kong an chap mek hu urang medil daok pajeng kamuan nao TPHCM( jaik tal mblang kapal ahaok Tân Sơn Nhất), pajeng nao phuong Tam Long (tỉnh Bà Rịa - Vũng Tàu klak), hadei di nan pajeng nao xã Cẩm Mỹ, tỉnh Đồng Nai.

Dom urang jakar padang ngak hukum Trung Quoc daok iew dom urang jakar takik peih bruk ginum biai saong brei panuac tacei ba bruk ngak tatut cambaic laic piah atah klak “ dom bruk oh hu kein lagaih”. Bruk ngak brei mbuan mbiah dom mbang ginum biai saong haroh harak gal ala 5.000 baoh akhar lac sa dalam dom bruk ba tabiak dalam harak ar khan di rajaei, ba tabiak piah “ urang jakar ngak bruk tok hu ngak saong harak gal oh hu kein lagaih”. Tui  China Daily, harak ar khan nan hu asar kadha pasang iek catang tani tanat dom harak tai lieu saong mbang ginum biai, asar kadha  brei katut panak, ndem tapak tame bruk ngak. 

Tui taka kuhria di rajaei brei mboh rahra Nhật Bản di thun 2024 trun labaih 908.000 rahra dut haong thun 2023, trun daoak jaik 121 trieu urang. Ini lac thun ka 16 taphia gauk rahra Nhat Ban trun takik saong trun ralo abih kuhria meng tuk yaok kuhria rahra di akaok thun 1968. Tui taka kuhria birau abih hu brei thau dalam tuk dom urang ilamo ngak sarak daok jhul khang bruk kham ngak brei cagar veik bruk takik ndih tapui anek saong takik rahra di dom labik.

Tong thong Mỹ Donald Trump ba tabiak Sarak pandar jien je pabak veik 25% ngan haong ndap nda An Do, kuhria abih jien je ka taneh ia Nam Á ini tagok tal 50%. Bruk nan piah taong phat bruk New Delhi blei veik menyek tamo meng Nga, oh huac panuac kakei dahlau di Washington. Nha Trang khan lac jalan patagok jien je “njauk ngak tui piah hu siam” di dom adat taong phat di Mỹ daok ngak tui./.