Page ini, di dac khu Con Dao, Uy vien Trung uong Ndang, Phaok Bi thu Thanh uy, Akaok UB Bhap bini Ban raya Ho Chi Minh Nguyễn Văn Được, gam haong kapul lambaok vakil mai pok bingu, cuh gilau kakuk dom Anh hung liet si di Kubo Hàng Keo, Kubo Hàng Dương, Danaok kalan Con Dao. Hu mbaok tame kapul hu dom urang lambaok vakil ba drei tame Nyaom Roya Lambaok vakil mbang ka I, thun 2025-2030 di Ndang bo dac khu Con Dao. Thau dhar phol tal dom Anh hung liet si, dom urang lambaok vakil brei mboh hatai kham merat patagok Con Dao tui jalan hijao, hacih sa-at, karo kajap, khik ramik yaom kaom sajarah - duh yang mebang agama, padang labik ini jeng pasak yulit sinh thai, ilamo, sajarah, njauk haong bruk halan tian klak rup drei ka taneh ia di rai rah dahlau.

Meng harei 10 bilan 8 jalan peih drah samar Ben Luc – Long Thanh hu brei mek jien jalan. Kak jien jalan lac 2.000 dong sa km. Jalan peih drah samar Ben Luc -Long Thanh atah jaik 58km, nao tapa Dong Nai, TPHCM saong Long An klak. Dom jalan ba tame pandar rik tame biak ralo piah patrun gar jalan, rah tabiak bala saong salamat jalan mbak; nao mai mbuan lagaih.  

Danak dak sang daok rahra di labik taka 4 jalan Phan Chu Trinh (phuong Bình Thạnh klak) Ban raya Ho Chi Minh bahrau hu peih ngak, pabak jaik 900 baoh sang duh ka bruk ba nao daok labik karei ka rahra Ban raya Ho Chi Minh. Kuhria brei salah dalam thun 2027, piah ba nao daok labik karei ka rahra gaok kan kandah kayua danak dak kuac kuah, pasiam veik labik daok, padang ha tang ribaong Xuyên Tâm saong dom bruk karei. Hadei tuk pagam haong Binh Duong saong Ba Ria – Vung Tau, Ban raya Ho Chi Minh hu pandar brei ngak salah blaoh taong abih 199.400 baoh sang daok rahra dalam tukvak 10 thun meng 2021 tal 2030.

Sa kapol nyaom urang metian anek ka urang karei mek jien mai meng biak rilo taneh ia praong abih  kuhria meng dahlau mai birau chap mek hu kayua Mentri Kong an gam haong kong an dom bhum palei dalam negar. Jalan pambak tal rilo taneh ia Trung Quoc,Thai Lan, Campuchia saong Viet Nam. Rilo urang kumei Viet Nam hu dom urang pah metian anek. Urak ini hu labaih 100 uranaih birau ndih tapui  pambuak tal kapol ini, urang pan akaok mek jien meng 2 tal 2,5 ti dong yaok urang.

Kong an tinh Dong Nai bahrau daong paklah sa kamuan likei njauk dom urang kol bleik peih jalan chot pagat, pandar ngak tui bruk njauk klaik mek online piah ndok jien baoh sang urang njauk klaik mek. Kreh pandiak jala 6/8, kapul chuc nang tok hu khau tin meng sa-ai N.V.Đ, daok di phuong Trấn Biên ka bruk anek likei 18 thun njauk dom urang pandar baoh sang payua 300 trieu dong. Meyah oh ngak tui ye kamuan njauk taong paoh saong pablei tabiak langiu negar. Tal biar harei nan, kong an brei thau kamuan daok dalam sa khach san di phuong Linh Xuân, Ban raya Ho Chi Minh nan ba kamuan mai sang salamat.

Dom urang Mỹ taduan jien daong lahik bruk ngak dalam sa adit tagok glong abih 1 trieu 9 rituh ribau 7 pluh urang kuhria meng bilan 11 thun 2021, brei mboh dom bruk mboh cambaic laic ka bruk kan kanda ralo ka bruk ngak. Yaom lac brei padeih bruk ralo, rilo urang ngak oh ka duah hu bruk ngak birau saong tukvak lahik bruk ngak dui atah jang. Sa harak pathau khan karei  hu brei mboh di adit dahlau dom doanh nghiep palih ruah suai abih kuhria dalam pluh thun tapa, meyah oh kuhria tukvak rah tabiak jit ruak.

Kapul daong padam apui khuah du Prang patui veik yam tapa harei ka klau pacang cakak padam apui khuah glai praong abih dalam jaik 80 thun tapa di tinh Aude, gah Merang negar ini, apui mbang labaih 17.000 ha glai saong ngak takik abih 1 urang metai gam haong yaok pluh baoh sang khut tayah. Urang jakar bhum palei brei thau labaih 3.000 baoh sang jeng daok dalam labik kan kandah. Ini lac mbang apui khuah glai praong abih di Prang kuhria meng thun 1949.

          Malaysia lac labik diukrai di 5 janih tra hoa, taong abih hu Lien minh Khik iek Alam dunya ba tame sarak janih athur mbuan metai lahik abih. Yau nan ye, Kapol khik iek Tra hoa Malaysia hu padang sa kapol  dom urang kumei labik ini, ngak iek dahlau di Pahang, piah pasram ka urang khik iek janih athur ini. Bruk nan oh lac duah bruk ngak ka urang kumei pak ini bo daok paglong bruk ngak ka urang dalam raidiuk xa hoi./.