BAN RAYA HO CHI MINH PEIH BRUK PATAGOK BAN PAMAONG TAL JALAN MBAK DALAM RAHRA
Thứ tư, 15:34, 26/02/2025  MINH KIÊN MINH KIÊN
CHAM.VOV4.VN- Ban raya Ho Chi Minh peih bruk patagok ban pamaong tal jalan mbak dalam rahra haong jalan ngak padang 355km jalan pasei dalam ban di thun 2035.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Ban raya Ho Chi Minh daok peih bruk patagok ban pamaong tal jalan mbak dalam rahra (TOD) haong jalan ngak tal puac thun 2035 hu padang 355km jalan pasei dalam ban. Urak ini Ban raya Ho Chi Minh ba tabiak bruk kuhria peih ngak 11 labik TOD rah tui jalan metro saong Vanh dai 3, pambak tui co che, sarak di Nghi quyet 98. Urang pan akaok Ban raya caong takre, bruk ngak TOD brei patrun bruk gan jalan, njom nerak, pabak he thong jalan mbak dalam rahra mbuan thau, samar drah, bahrau, daong paglaong raidiuk rahra saong jhul tagok cakrok hijao, karo kajap.

Di harei mittinh, ngak tui bruk pasang iek prein yava tui tukvak ba tabiak di harei pahadar 70 thun harei Gru jru Viet Nam, amuk Hồ Thị Thu Hằng, Yam ndok So Y te Vinh Long brei thau, prein yava di anek menuac biak hu makna, min rahra takik sangka tal piah nao pasang iek ruak tui tukvak ba tabiak, tal tuk ruak trak ka mengnao taong ruak. Kayua nan harei mittinh ini piah ieu dom rahra sangka nao pasang iek ruak tui tukvak ba tabiak piah samar drah duah mboh ruak saong taong ruak, abih di nyu lac ruak nan y. Tukvak ini gah y te Vinh Long pasang iek prein yava saomng alin hadiah pandap ka labaih 500 urang taha praong thun umo hu raidiuk kan kandah.

 Akaok UB Bhap bini Ban Biên Hòa, tinh Dong nai brei mboh dom baoh sang rahra di labik akaok jalan Danak dak Jalan peih nduac samar Biên Hòa – Vũng Tàu, jalan nao tapa Biên Hòa thei oh jao taneh ye njauk kateik geik mek gilac taneh. Dalam nan, hu rilo baoh sang blei taneh meng harak bi-ar vak meng tangin saong padang sang suan hukum angaok taneh pala drak min jeng oh ciuk tok mek jien karja daong bayartuk mek taneh tui adat hukum saong dui duai atah dalam bruk jao taneh. Danak dak jalan peih nduac samar Biên Hòa – Vũng Tàu atah jaik 54km, praong ginup haong 4-6 talei jalan radaih, hu taong abih jien buh tame 17.800 ty dong. (VTV) 

He thong ia hacih palei pala oh ka pabak samu gauk, hu labik oh kuac bingun hu, ngak ka yaok rituh baoh sang rahra patui veik duh hatai ka bruk kurang ia taba dalam bilan thu thun ini. Biak nao, kayua oh ka hu halau ia taba pabak nan tal ni halau ia piah ka rahra pandar rilo meng lac hu padang meng dom bilan hajan. Urak ini h rilo labik oh ka paghueh hu ia taba kayua ia njom ia mbak, njom rakun…Dalam tuk nan rilo danak dak ia hacih sa-at oh daok kajap min oh ka hu buh jien tame pasiam.

Urak ini angin yuk khang ia mbak njom tame dalam labik tinh Ben Tre, ngak kanjah jhak tal bruk ngak mbang daok dang di rahra. Abih di nyu nan lac di huyen Chợ Lách tanut mbak glaong abih angaok kraong Cổ Chiên di kadai dut iek xa Tân Thiềng (atah tasik 64km) lac 1,9 angaok ribau; angaok kraong Hàm Luông di kadai dut iek Vàm Mơn xa Phú Sơn (atah tasik 64km) lac 2,9 angaok ribau. Kayua nan dom bhum palei daok pasang iek catang khau tin njom ia mbak, halau ia; brei thau tanut kajah jhak di nyu piah peih dom jalan ngak piah khik kajap pabak ia pandar takik abih ka rahra.

Dahlau bilan Ramadan thun ini, Jabat Dinh duong Negar Indonesia pathau khan, danak dak var mbang dinh duong oh mek jien ka anek saih jeng hu patui ngak, min brei hu dom salih ka njauk haong adat mbang huak di urang Islam bo jeng hu ginup janih dinh duong saong karo salamat. Ini lac thun akaok meti peih ngak danak dak peih ngak danak dak var mbang dinh duong oh mek jien tui jalan ba tabiak di Tong thong negar ini. Tapa danak dak ini caong takre dom amaik ame brei hu bruk mbang huak hu samu hu njauk ka anek kamuan drei.

Tong thong Donald Trump brei thau ka bruk brei salih danak dak buh jien tame daok dang EB-5, phn jien brei ka rahra negar langiu buh paok jien praong tame doanh nghiep Mỹ, daong ngak tabiak atau khik tani tanat rilo bruk ngak, jeng urang daok di labik nan. Urang pan akaok Mỹ brei mboh kuhria salih EB-5 eng panuac ieu lac “kat kanyik”. Ong Trump ndom cambaih laih: Kol dahlak brei pablei kat kanyik. Kol dahlak brei tabiak yaom ka kat nan labaih 5 trieu USD. Nyu brei pabak ka drei dom quyen di kat hijao haong sa jalan ba tal quyen rahra Mỹ.

Sa bala hu rah tabiak di angaok he thong nduac pabak ndien 500kV, ngak lahik ndien di rilo labik saong ngak kanjah jhak tal 99% bhum taneh Chile haong dua tinh di Argentina, dalam bruk pak labik ini daok pandiak khang. Di ban ine Santiago de Chile, dom gilang pariak, kadai kuan saong dom pasak blei salih brei kareik pambang. Rilo jalan dalam ban gaok srau kadau kayua lahik gom jalan mbak saong dom jalan radaih ndien nduac ala taneh jeng brei padeih nduac. Mentri Noi vu Chile hu peih mbang nyaom biai hu makna piah langyah bruk ini mai meng halei, meda pambuak tal bruk apui khuah glai saong oh klak tapa bruk njauk gaok bangal

MINH KIÊN

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023