Akaok UB Bhap bini Ban raya Ho Chi Minh Nguyễn Văn Được pandar dom so, dom gah brei salah blaoh taong abih bruk harak gar dalam bruk ngak di ban raya brei suai abih dalam bilan 10 anak tal piah peih ngak veik danak dak pacang ia dauk 10.000 ty dong. Tui Akaok UB Bhap bini Ban raya Ho Chi Minh, ban raya brei kham merat taoh talaih kan kandah ka dom danak dak, min brei ka njauk bruk, njauk adat hukum. Oh luai palai lahik; kham merat pacang cakak bruk tham nhung, oh luai rah tabiak bruk ngak chung…kayua “taoh talaih kan kandah bo ngak chung ye lac oh jeng”.

Akaok UB bhap bani tinh Cà Mau hu patabiak danak bruk cak rok patagok bruk ngak tabiak pandap panda meng anek hadang tinh Cà Mau thun 2025. Dalam nan, Cà Mau daok ba tabiak jalan ngak nan lac ba janih pandap panda hadang jeng ghang jameng cak rok patagok GRDP saong lac pasak ngak tabiak hadang mek hu baoh jeng siam mekrr, khang kajap di negar, hu peih ngak meng danak bruk hu mboh di meta dalam thun 2025. Hadei di ba pataom, tinh Cà Mau hu mblang taneh raong pala kaya ikan dalam aia jaik 450.000ha, dang akaok dalam negar. Dalam nan, jaik 90% mblang taneh nan lac raong hadang, Cà Mau hu jeng pasak prong hadang di taneh aia.

Hadei 1 bilan ngak karja palei 2 pakat, di tinh Tay Ninh jeng daok rilo asal kadha tavak tavaiy. Di phuong Tân Ninh (Ban Tay Ninh klak), rahra jeng daok randap nao tal labik pasak piah ngak harak gar karja. Hu harei phuong langyah labaih 200 harak gar dom janih. Tui amuk Nguyễn Thị Thiên Hương – Phaok Akaok UB Bhap bini phuong Tân Ninh, urak ini labik pakat xa peih praong tagok 5 mbang dut hong dahlau diah, sa bilan tapa phuong taduan saong langyah labaih 2.700 harak gar. Meng nan ba tal kateik geik ka kapul urang jakar di phuong.

Chi cục pala drak saong pacang khik phun pala tinh Đồng Tháp brei thau, thun ini bilan hajan mai awar jang saong dui atah, ngak brei patagok độ ẩm dalam khang khi ba tal bruk tamuh ruak đạo ôn angaok phun padai di mblang hamu prong. Kayua yau nan ye, urang njauk caik hatai pacang caga, bhian nao pasang iek mblang hamu piah samar duah mboh saong pamek jit ruak. Urak ini tinh Đồng Tháp hu ngak salah blaoh danak bruk pala drak padei hè thu saong daok kham merat peih ngak vụ thu đông thun 2025.  

Dua darak Phú Hữu saong Tân Phú (daok dalam Quan 9 klak) daok di Ban raya Ho Chi Minh klak majua hadei 20 thun padang, daok dalam sarak njauk peih paha. Daok makna ngak ka darak rahra urak ini ganik jang, So Cong thuong Ban raya Ho Chi Minh ndom lac, kayua bruk patagok khang di bruk pablei salih bahrau yau darak pasar sieu thi, kadai kuan lagaih, pasak pablei salih saong pablei salih online. So ini jeng daok pasang duah 2 bhum di Binh Duong, ba Ria – Vung Tau (klak) saong ngak salah blaoh Jalan ngak patagok darak dalam Ban raya Ho Chi Minh tukvak 2025 – 2030.

Urang dang akaok negar Mỹ Donald Trump hu mboh tangin tame sarak brei peih ngak adat hukum pandar mek jien je bahrau  ngan haong pandap panda blei tame meng rilo taneh aia, ngan haong tanut jien je meng 10% tal 41%. Bruk ngak ini hu ba tabiak piah pabak veik bruk khat lahik ngak mbang pablei salih dui atah di Mỹ. Sarak ini jeng brei thau pandap panda njauk duah mboh duak jien je ye njauk ciuk yaom jien je pabak jang 40%, gam haong dom yaom jien taong phat saong dom janih jien karei karei tui adat hukum.

Thai Lan patui veik brei mboh bruk dang akaok labik ASEAN dalam gah ngak kong radaih ndien hu bruk tut angan radaih ndien bahrau hu labaih 57.000 suh dalam meteh akaok thun ini, tagok labaih 50% dut haong tukvak ini thun dahlau. Urak ini rajaei negar ini hu pasang duah tukvak saong pasiam sarak, brei kuhria radaih pablei tabiak langiu negar tame bruk ngak radaih dalam taneh ia, kuhria daong tagok bruk pablei radaih ndien tabiak langiu negar tagok 52.000 suh dalam thun 2026.

Sa sang bac đại học dang dakaok di Nam Phi hu peih bruk ngak pacang cakak co klaik tê giác tui jalan ngak kluak đồng vị phóng xạ tame takaiy di nyu. Jalan ngak ini hu mong yau oh ba mai kanjah jak hagait ngan haong tê giác min gilac daong ka hải quan duah mboh dom bruk co klaik takaiy. Thun dahlau, jaik  20 drei tê giác di dom khu pacang khik hu klauk đồng vị dalam dom bruk ngak iek piah pasang iek bruk siam laghaih di nyu saong baoh jeng siam mekre di jalan ngak ini.