BAN RAYA HO CHI MINH PEIH NGAK TABUNG GLAONG PATHAU KHAN KA BRUK PAHADAR 50 THUN HAREI YASA TANEH IA
Thứ sáu, 11:07, 18/04/2025 ÁI NGHIÊM – MINH KIÊN ÁI NGHIÊM – MINH KIÊN
CHAM.VOV.VN - Ban raya Ho Chi Minh peih ngak tabung glaong pathau khan ka bruk pahadar 50 thun harei yasa taneh ia.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Ban raya Ho Chi Minh peih ngak tabung glaong bruk pathau khan ka harei pahadar 50 thun harei peih paha gah Meraong, yasa taneh ia (30/4/1975-30/4/2025), abih di nyu nan lac di labik lek taka so, hu mbaok tame di dom urang ngak bruk paneh asal kadah, Pahadar 50 thun Harei Peih paha gah Meraong negar lac sa bingun hu makna piah maong gilac bruk mesuh metak saong bruk halan tian klak rup drei di grauk urang dalam negar. Gam haong nan lac tukvak brei mboh bruk tamat di di mbang mesuh metak, peih tabiak sa jaman bahrau ka taneh ia Viet Nam: jaman sron mbon, bebat saong yasa.

Tinh Cà Mau saong tinh Bac Lieu birau peih Nyaom biai padang ngak Danak dak pagam tame hasa jabat karja pakat tinh. Tui nan, tinh Ca Mau hu trun meng 100 daok 39 jabat karja pakat xa (35 xã saong 4 phuong), daok tinh Bac Lieu meng 64 trun daok 25 jabat karja pakat xã ( 20 xã, 5 phuong). Ngak bruk abih hatai haong bruk di Đảng, kein laba di bhap bini, urang ngak praong di 2 tinh kham merat  ngak brei salah danak dak pok tagok Trung uong dahlau harei 1 bilan 5 jaik tal.

T‏‏i‏‏nh Bi‏‏nh Thu‏‏a‏‏n bahrau nyaom biai ka Sarak ramik jabat karja pakat xa hadei tuk ramik veik jabat di karja. Tui nan, Binh Thuan ramik 121 jabat karja trun daok 45 jabat karja saong 1 dac khu Phú Quý. Dalam nan, rilo angan dom jabat karja pakat xa, phuong mek angan klak. Dac khu Phú Quý di angaok bruk pagam xa Long Hải, xa Ngũ Phụng saong xa Tam Thanh di huyen Phú Quý urak ini.

Tinh Hậu Giang birau peih bruk palao 260 kilo kan chep, ikan patih, ikan pra saong 300 drei ikan patih kanjik katam trun Binek ia Nước Ngọt, xã Vĩnh Tường, huyen Vị Thủy. Bruk nan  piah rik daong tame ngak brei parilo kaya ikan dalam ia; parilo pajaih ikan, janih kaya ia dalam dom bhum ia taba, piah khik hu rilo pajaih di alam dunya, ngak kaya meda ikan hadang jeng yau duah bruk ngak ka bhap bini ngak mbang. Thun dahlau, taneh danao raong kaya ia di Hậu Giang kuhria mboh labaih 13.000 ha. Kuhria abih tih kaya dalam ia mek hu labaih 85.000 tan.

Meng akaok bilan 4 tal ini, di tinh Tra Vinh, langik biak oh lagaih ka bhum raong hadang. Rilo meng lac di dom huyen tapen tasik harei pandiak bhang, malam la-an ngak kanjah jhak tal labik ia dalam danao raong hadang, ngak labaih 454 ha hadang raong gaok khat lahik jaik 270 trieu drei. Jabat chuc nang hu pachreih urang ngak nong brei pasang iek tantu ka langik, danao ia, ciuk “danao klak saoh” cang ka ia danao hu lagaih meng ruah pajaih siam blaoh ba tame bilan raong.

Lien hop quoc saong dom kapol nyaom daong khan lac yaok ribau uranaih di Dải Gada lavang lavaih. Kuhria dalam 3 bilan tapa, hu veik 3.600 uranaih brei ba tame sang iek ruak kayua lavang lavaih. LHQ khan lac, labaih 2 trieu bhap bini Gaza urak ini daok pambak tame dom labik taneh huak ngak pahala, dalam tuk nan tok daong hu 1 trieu var mbang yaok harei. Ia jeng lac kurang. Kuhria mboh dahlau, bhap bini  tok hu 6 atau 7 lit yaok harei, oh ginup ia caong khin hu pandar.

Rajaei Colombia hu ngak bruk gah y te samar drah hadei dom urang njauk ruak saong metai kayua pandiak kanyik kalik tagok rilo di grauk labik dalam negar. Kuhria meng akaok thun blaoh tal ini, taneh ia ini hu taduan taong abih 74 urang njauk ruak saong 34 urang metai kayua ruak ini. Karja Colombia daok patagok dom jalan pasang iek jit ruak, pandar rahra klauk jru caga saong plaih jamaok kaik piah pacang cakak jit ruak tamuh.

Ban ine Islamabad di Pakistan birau hu hajan patau biak praong oh ka bhian mboh meng lavik mai. Tok dalam 35 minit, ribuk gam rilo patau praong saong hangin ngak khang ngak metai takik abih lac 5 urang, 19 urang njauk rambuac. Hajan patau ngak khut rilo drap ar di bhap bini saong dom danak dak duh ka bhap bini. Tui dom urang ilamo, hajan patau mbang ini lac brei mboh dahlau ka bruk dak harei dak kan kandah jhak jang kayua langik salih karei, jeng yau bruk njauk brei paglong bac megru duah thau dahlau saong caga bala meng langik tasik./.

ÁI NGHIÊM – MINH KIÊN

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023
KADHA ADAOH "HAT VE MIEN QUE MEN YEU"

KADHA ADAOH "HAT VE MIEN QUE MEN YEU"

CHAM.VOV.VN -  Da-a mikva saong grauk ayut pang kadha adaoh “ Hát về miền quê mến yêu”, di rapaneh ADốp, sap daoh di  Abubaco.

04/05/2025

URANG PANG DANAK DAK (THÍNH GIẢ VỚI CHƯƠNG TRÌNH)