Mban Khik iek danak dak padang  ngak jalan mbak do thi Ban raya HCM khan lac, paok thầu akaok meti di danak dak brei ramik pasiam veik lam moi truong, dak padang ribong Xuyên Tâm, meng kraong Nhiêu Lộc – Thị Nghè tal kraong Vàm Thuật kuhria abih tih phun jien labaih 17.000 tỷ đồng hu peih ngak di bilan 11 anak tal. Danak dak atah  labaih 6km saong 3 canah anek ribong atah labaih 12 km, hu peih ngak meng thun 2023 -2028. Urak ini, ribaong Xuyên Tâm njauk njom nerak trak, ngak kan kandah tal raidiuk bhap bini dalam bhum. Tuk danak dak ngak hu salah meda brei tathuak ia pacang dauk ka bhum taneh ini, pambuak dom jalan mbak katut panak tabiak ralo jalan atah.

Dalam 4 labik daok bahrau di jalan peih drah cao tốc Biên Hòa – Vũng Tàu, urak ini tok hu labik daok bahrau Long Đức (huyen Long Thành, Dong Nai) lac labik akaok meti hu rahra mai padang sang danaok. Danak dak padang labik daok bahrau di xa Long Đức hu peih ngak dalam akaok thun 2023, hu jaik 30ha taneh saong abih tih jien buh tame labaih 300 ty dong, njauk haong hatai caong khin di labik daok ka jaik 3.400 urang. Di huyen Long Thành, daok sa labik daok bahrau daok di xa Long Phước hu taneh praong 34ha, tuk salah blaoh hu pabak labaih 1.000 mblang taneh labik daok bahrau.

Sarak pabak ia pandar tapa Danak dak pakat negar patagok kinh te – xa hoi di bhum urang bangsa takik saong bhum ceik vaktu 2021-2025 di Sóc Trăng mek hu siam mekre. Kuhria abih tih  phun jien peih ngak hu labaih 1 ribau tỷ đồng, kham merat pasiam raidiuk  ka dom baoh sang urang bangsa takik, abih di nyu nan lac  pabak ia hacih piah pandar. Mbiah tal ini, tỉnh hu daong ia pandar ka 958 baoh sang, tui nan padang ngak 4 danak dak pabak ia pataom sa labik, rik tame  paglong raidiuk saong khik brei prein yawa bhap bini hu karo kajap.

Sarak pabak ia pandar tapa Danak dak pakat negar patagok kinh te – xa hoi di bhum urang bangsa takik saong bhum ceik vaktu 2021-2025 di Sóc Trăng mek hu siam mekre. Kuhria abih tih  phun jien peih ngak hu labaih 1 ribau tỷ đồng, kham merat pasiam raidiuk  ka dom baoh sang urang bangsa takik, abih di nyu nan lac  pabak ia hacih piah pandar. Mbiah tal ini, tỉnh hu daong ia pandar ka 958 baoh sang, tui nan padang ngak 4 danak dak pabak ia pataom sa labik, rik tame  paglong raidiuk saong khik brei prein yawa bhap bini hu karo kajap.

Pala caraih di bilan ia ndik di tỉnh Long An lax sa bruk ngak mneg kan, hu daong ka bhap bini patagok jien mek tame. Urak ini, rilo baoh sang pala caraih di huyen Tân Thạnh pambuak gauk ngak jeng dom labik ngak tabiak, to hop tac ngak hacih gha careih saong ngak tabiak dom pandap mbang meng caraih. Yaom caraih hu meng 25.000 tal 30.000 đồng sa kilo. Yaok hecta hamu pala caraih harei kuhria abih jien buh tame ngak daok laba labaih jaik 40 trieu dong sa bilan. Dalam tỉnh Long An hu jaik 1.000 ha taneh pala caraih, dalam nan ralo abih lac huyen Tân Thạnh, jiak 800 hecta.

Giới chức Mỹ kakei dahlau Trung Quốc daok pandar tui bruk ba tabiak pandap panda rilo jang hatai caong piah pan akaok darak pasar dunya saong brei hu bruk piah pacang caga asal kadha ini. Urak ini, dom pandap panda bo Trung Quốc ba tabiak dalah rilo meng lac pataom tame pandap panda năng lượng tái tạo yau radaih ndien, pin saong công nghệ glaong yau janih bán dẫn. Tui giới chức Mỹ, urak ini dak hu rilo taneh ia maong bruk ba tabiak dalah di Trung Quốc lac asal kadha praong prang, pambuak jhak tal negar.

Quoc hoi Italia hu brei tapa sa hukum pakauk  dom diuk pasang tabiak negar langiu duah jitvu metian anek, lac bruk nan ndem tal dom diuk pasang hasa likei atau hasa kumei. Ini lac sa binah dalam sarak xa hoi bo Thu tuong Giorgia Meloni saong đảng di muk jhul pakhang kuhria meng tuk muk tagok ngak di thun 2022. Thượng nghị sĩ Lavinia Mennuni di đảng Adei sa-ai Italia khan lac: “ Bruk ngak amaik lac ta-eng oh hu salih karei, nyu lac bruk hadah krah siam mekre di khol drei. Khok drei brei klak bruk “ yulit metian ka urang mek anek”.

Tui Uy mban Dunya ka Kinh te ia, dunya caong khin hu sa hiệp ước dunya bahrau piah langyah bruk cuang kandah ia dak harei dak praong prang. Uy mban kuhria mboh dahlau, cuang kandah ia meda ngak ka bruk patagok kinh te dunya trun takik abih 8% saong pambuak jhak tal 50% kaya pandap mbang dalam thun 2050. Dom labik hu rilo urang menuac yau gah Pai Barak Kalin, Pun Barak Trung Quốc, Meraong châu Âu saong Pun châu Âu rilo meng lac mbuan gaok cuang kandah kayua bruk kurang ia pandar.