Tỉnh Uy An Giang bhian ginum biai dahlau di tuk pok brei 

Tỉnh ủy Vĩnh Long dok pambuak bruk song dom  mintri dom gah Trung ương caga peih dom bruk pahadar  100 thun harei ndih tapui aruah thủ tướng Võ Văn Kiệt. Tui kuhria, bruk pahadar praong pakat negar hu peih tabiak di harei 23/11 anak tal di pasak  ginum biai tỉnh. Hu thau, uan ka bruk ini, meda hu dom bruk yau: bruk taduan harak dak angan inem krung sajarah ilamu pakat negar labik pahadar  Thủ tướng Võ Văn Kiệt, nyaom biai ka bruk  du lịch song pablei salih pakat negar…

Ban Thường vụ Tỉnh ủy An Giang bahrau peih bruk jao huy hiệu Đảng brei ka 22 urang đảng praong umo Đảng di tuk uan harei 2/9. Dalam nan, jao huy hiệu 60 thun umo Đảng brei ka 4 urang đảng, huy hiệu 55 thun umo Đảng brei ka 7 urang đảng, huy hiệu 50 thun umo Đảng brei ka 11 urang đảng. Ong Lê Hồng Quang, Bí thư Tỉnh ủy An Giang caong lac, anak tal dom urang đảng praong umo Đảng tuk halei jeng paglaong bruk ba akaok nao dahlau di urang đảng, patui jalan patagok ilamu di drei, hu mbaok tame bruk brei panuac dak padang Đảng, dak padang karja hacih sa-at, khang kajap.

Dalam dom harei padeih lễ Quốc khánh 2/9, ban raya HCM oh cuh phao bingu, salih tame nan, lac rilo bruk hu peih tabiak piah salam uan. Njauk ndom tal di abih lac danak dak palao  khinh khí cầu dui atah di labik akaok lubang tapa  krong Sài Gòn, ban  Thủ Đức di mesup harei  (2/9). Gam song nan, lac dom bruk  main  thể thao ala ia song  dù lượn di 2 gah akaok lubang tapa krong Sài Gòn song bến Bạch Đằng (Quận 1). Taphia di nan lac dom bruk karei karei  yau parang iek thaot binguk, cuh gilau pok tagok  Chủ tịch Hồ Chí Minh song Chủ tịch Tôn Đức Thắng, dom danak dak mekre hadah  nghệ thuật song daoh tamia di dom quận huyện song ban Thủ Đức...

Tukvak jaik di ini, dom urang njauk ruak COVID-19, dom urang ruak njauk tame sang iek ruak, dom urang njauk ruak trak mboh lac daok tagok, rilo labik hu mboh dom biến thể bahrau di virus hu prein njaom samar jang biến chủng gốc. Di dom labik, bruk klauk vaccine oh ka yau hatai caong, daok suai damuai, abih di nyu lac klauk mbang 1, mbang 2 ka uranaih umo mala 12 thun. Nan ye Mintri Y tế hu panuac ieu dom tỉnh ban brei patagok bruk tacei pato, jhul samar jang bruk klauk vaccine pacang COVID-19 tui jalan khik kajap salamat, siam lagaih, tacei pato jhul samar bruk jak ba, dui pachreih bhap bini tame klauk vaccine ginup saong njauk harei sanya.

Tui Đài khí tượng thủy văn bhum Nam bộ, dalam tuk  lễ Quốc khánh 2/9, meng harei 31/8 tal harei  4/9 langik di dom  tỉnh ban  gah merong takik hajan, oh pandiak rilo, nhiệt độ bier di abih lac  24 độ C, glong di abih hu labik labaih  34 độ C song biak lagaih ka dom bruk main  du lịch. Labik tasik di gah merong  hu hajan sit song hangin di dom labik, rilo meng hu di tuk beir harei song melam. Langik di mangaok tasik song di angaok thu biak lagaih ka dom bruk peih ngak langiu langik.

Tui pathau khan di Liên Hợp Quốc, Iran daok peih bruk ngak kaya uranium meng sa dalam 3 tal, atau dom máy ly tâm IR-6 bahrau abih di sang mac ngak kaya daok mala haluk di Natanz. Pathau khan kandauk brei mboh, Iran daok pandar sa chuỗi tagok tal 174 jamriak piah ngak kaya uranium haong tanut tinh khiết tagok tal 5%. Pathau khan ini hu ba tabiak tuk Iran saong Mỹ daok yam jaik tal bruk pasiam veik thỏa thuận hạt nhân thun 2015.

Cục điều tra liên bang Mỹ (FBI) hu ngak salah bloh bruk tong yaom  sơ bộ dom harak gar pataom mek di  dinh thự Mar-a-Lago di urang dahlau deih ngak Tổng thống lac ong Donald Trump di  harei  8/8 meng bloh, tui nan hu klak dom harak gar meda hu khik ramik, kayua đặc quyền luật sư-tuai. Langiu di FBI, Mintri Tư pháp song Jabat yam ndok  Tình báo pakat negar  Mỹ dok peih bruk tong yaom parabha song tong yaom ka bruk an ninh pakat negar ngan song dom harak gar ni.

Po di Tập đoàn đa ngành Adani, tỷ phú Ấn Độ Gautam Adani jeng menuac kaya dang ka 3 di dunya, haong yaom drap ar abih tih lac labaih 137 tỷ USD.  Meng bruk tỷ phú Adani tagok hạng ka yaom drap ar, mbang camereip abih hu 1 urang châu Á hu tame dalam kapul 3 urang kaya abih di dunyai.  Adani lac rai doanh nhân camereip abih di Ấn Độ, Cty di ong, Adani Group hu 7 thành viên hu khan brei thau cambaih di mangaok sàn chứng khoán, ngak mbang rilo gah yau  ye năng lượng, cảng tasik saong hậu cần, khí đốt, quốc phòng, hàng không vũ trụ haong mblang kapal haoh./.

Urang lang: Hanipha- Mousaphuong- 1/9